مكرونة باشميل دايت تحففففففففة ..

Noor22

استكمالا لاكلات الرجيم بتاعتى وبقيت احب الموضوع اكتر واكتر عشان عايزة اعود نفسى واولادى على الاكل الصحى والمفيد
انا عاملة رجيم
الكربوهايدرات وهو 9 اسابيع والمفروض انزل 30 كيلو انا بقالى 11 يوم دلوقتى
ونزلت 5 كيلو وجوزى عامله معايا ونزل 5كيلو ونص بدون اى رياضة مجرد رجيم
اكل بس لحد ما ننزل 10 كيلو هانبدا رياضة دة عشان اللى هايسال على النظام
اللى انا علية
كان عندى من يومين ف الغدا باستا بالصلصة مع سلطة فلقيت الوصفة بتاعة الفتوكة العسولة سومة سمسومة
وانا بشكرها جدا ع الفكرة بجد حلووووة جدا وظبطت معايا وما زودتنى ابدا
انا عملت اضافات بسيطة عليها زى البهارات والفلفل الاخضر وتصفيتها عشان ما اخد باشاميل كتير
اسيبكو مع الصور واى استفسار انا موجودة يا فتوكااات


اولا بنسلق كيس مكرونة واحد


ولحد ما تتسلق المكرونة اكون عملت اللحمة نى ف نى البصل المفروم + اللحم المفروم ويكون خالى من الدهون +البهارات :
ملح+فلفل+جنزبيل+قرفة(مقدار بسيط)+كمون+شطة (حسب الرغبة)


كدة خلصت والمية قلت فيها


احضر لتر حليب + 5 ملاعق نشا مذابه ف بعض من لتر الحليب السابق + فلفل اخضر ودى بهارات الللى استخدمتها على اللحم المفروم


يوضع الحليب + النشا المذاب ع المكرونة وهى داخل ماء السلق



يوضع ملح ومرقة فورية لاعطاء طعم الشوربة زى الباشميل العادى ونقلب كويس جدا على نار عالية لحد ما الخليط يبقى زى المهلبية التقيلة



بالشكل دة واللون بقى زى الباشميل الطبيعى



بنحضر صنية غير لاصقة ودة افضل



ونبدا بوضع المكرونة بعد تصفيتها من الباشميل بالطريقة دى


حطيت نص الصينية وبعدها اللحم المفروم ورشيت الفلفل الاخضر


ونضع الجزء الاخير من المكرونة وف الاخر احط 4 ملاعق من الباشميل الباقى ف الحلة ع الوش واساوية زى الطريقة العادية
وادخلها ف الفرن حوالى ساعة الا ربع لحد ما يتحمر الوش بتاعها

تطلع كدة حلووووووووة اوى قطعيها مربعات صغيرة عشان لو خدتى اكتر من واحدة


انا اكلت قطعتين صغنيين ماقدرتش اقاوم حتى اولادى اكلوها وقالو انها احلى واحدة عملتها لحد دلوقتى
ملحوظة : ما استخدمت اى نوع زيوت او سمن

الله جميلة قوى

بالف هنا وشفا

تسلم الايادى رحاب

الف شكر

نورتونى بمروركم الكريم يسلموووووووووووووو