بيوصف لى فيها كأنى ... معرفشى شىء عنها
وبيحكى عنها حاجات ... بيقوللى محتاج لها
بيقوللى هى حياته ... هى ومفيش بعدها
صاحبى الوحيد بيحبها ... وما شافشى غيرى يقولها
.........................................
كفاياك يا صاحبى كلام .... واسكت مفيش داعى
اسكت يا صاحبى عشان ... بتزيد ف أوجاعى
.....................................
وفضلت اسمع له ... مع انى بعشقها
لو حد كان غيره ... كنت أقدر انطقها
مبطلش عنها كلام ... وكأنه يقصد جرحى
بيزيد ف قلبى ألام ... وبيقتل فيا فرحى
خفت يبان احساسى عليا ... خفت الحزن يبان ف ملامحى
كان لازم احساسى يموت ... كان واجب على قلبى يضحى
...............................
هروح واحكى لها عنه حاجات ... مبيقولهاش على لسانه
هروح واترجا فيها ساعات ... عشان تسكن ف أحضانه
هدوس على حزنى بإيديا .. والملم جرحى وحديا .. وهقتل حبى علشانه
************************************************************************************
بحبك زى ما تكوني ..... وبعشق كل شيء فيكى
وصورتك ساكنه ف عيونى ..... وعمري بشوفه ف عنيكى
وحالف طول حياة روحي .... ما احن لحد غير ليكى
بحبك زى ما تكوني ...... وبضعف وانتى مش جنبي
بحس بشوقي وجنوني ...... في يوم ما تغيبي عن قلبي
يقولوا البعد بينسى ...... وفى بعادك يزيد حبي
بحبك زى ما تكوني ....... يا قمري وليلى ونهاري
يا أقرب من وريد فيا ........ وأقرب ليـــــا من دارى
يا أجمل حد حبيته ........ وأحلى ملاك فى مشواري
بحبك زى ما تكوني ......... يا أقرب ليا من نفسي
يا صوتي ونبضي وسكوني ...... يا أقرب من حنين همسي
ومن غيرك بتوه واضعف ....... ويبعد عنى نور شمسي
بحبك زى ما تكوني ....... حزينة .. جريحة .. مغلوبة
يا عمري وفرحي وظنوني ..... يابسمه ف قلبي مكتوبة
وساعة بعيشها من غيرك...... ما هيش فى العمر محسوبة
بحبك زى ما تكوني .......رقيقه .. بريئة .. مظلومة
بحبك حتى لو كنتى .......شريدة .. عنيدة .. مهمومة
بحبك ذكرى فى الماضي .......وفرحة ف بكرة مرسومة
مستنى ردودكم الجميلة
