عاوز حد يقولي رايوا ياجماعه ويقترح عليا وجهة نظرة في المشكلة دي

اخى شوف اقول لك شئ من وجهة نظرى لو الاخت دى بتحبك توقع ان لو طلبت منها مش كده لا لو طلبت منها النقاب هتلبسه

ربنا يوفقكك اخى ويجمعكم على الخير وتفائل اكيد هى لسه صغيره وبكره ربنا يهديها


بتوفيق

اخي عاشق دمياط متشكر جدا ليك علي اهتمامك بالموضوع

اما بالنسبة لحبها ليا فانا عاوز اقولك انى لما كنت بكون عندهم في البيت بعد الخطوبة كانت بتبقي فرحانة بيا اوى وكنت بشوف كدة في عنيها واخر يوم كنت مسافر فيه وانا معاها كانت زعلانه اوى وكل لما اجي امشي تقعد تقلى لا استنى شوية وكانت ماسكة فيا بطريقه غريبة اوى ولما كنا بنخرج مع بعض وندخل مطعم ولا حاجة كانت بتبقي مهتمة بيا ومرة قالتلي انت احلي حاجة حصلت في حياتى تفتكر ده طبيعي عشان بس مجرد خطيبها وكدة وبتتعامل معاه حلو وخلاص ولا اتعلقت بيا فعلا وحبتنى وكمان وانا كنت قبل ما اسافر وبعد السفر بتحكيلي علي اسرارها من قبل ما تعرفنى وبتقولي انها دايما مصدقانى ومرة زعلتها واتصلت بعدها اصالحا قالتلي انها اصلا مش بتزعل منى فتفتكر دة ايه طبيعي لمجرد الخطوبة فقط هنتجوز بعد كام شهر ولا حبتنى فعلا ؟

علي فكرة انا كنت دايما بقعد انصح زمايلي الخاطبين قبل منا اخطب بس لما خطبت حسيت ان الواحد دماغه بقي قفل

اختى جميلة الروحالله يبارك فيكى و متشكر جدا للاهتمام بالموضوع

بالنسبة لتحمل المسؤلية ان شاء الله فانا واثق فيها وخصوصا اني بقعد انبها كتير لكدة لما عرفت انها دلوعه في بيت اهلها وهى بتبقي قلقانه وبتقعد تقولى ان شاء الله بس خليك معايا واحدة واحدة عشان انا قلقانه من كدة وقلقانه انها هتروح بيت جديد وتشيل مسؤليه كاملة وخايفة لتفشل وكدة وانا كمان دايما بطمنها اننا مع بعض وانا جنبها بس هي متقصرشي في حاجة ومتهملشي بيتها وتحافظ عليه وهى بلاقيها مستجيبة للكلام وبتقول ماشي دة شئ اكيد بس طبعا بتقعد تتدلع شوية وتقولى لا انا مش هعمل حاجة والكلام ده انا بس بحس انها بتدلع عليا بس

اما فموضوع اللبس ده هو اللمشكله الجامده عندى لو تتغير هكون مش منتظر منها حاجة تانى

وهى لبسها مش اوفر اوى هى بتلبس البنطلون وفوقه بلوزة طويلة قبل الركبة بمسافة طويلة يعنى لا تصل الي درجة التونك بس طبعا انا مش عاوزها تلبس البناطيل وعاوزها علي الاقل تلبس تونكات وجيبات ودريلات وهو ده يبقي نسبة تغير كويسة الي حد ما بس هى دماغها ناشفه في النقطة دي وخايف بعد الزواج متتغيرشي وتقولى انت اخترتنى وانا كدة وخصوصا انها بتلمح بكلام زى ده واخر مرة اتخانقنا عشان الموضوع ده وزعلت منها وكانت قالت الكلمة دى وهى اتصلت اعتذرت وقالتلي خدنى واحدة واحدة وصعب اتغير 180 درجة بس انا حاولت ققبل كدة ومقدرتش علي الرغم انى شوفت صور ليها كانت لابسة فيها جيبات وتونكات فقلقان جدا لا متتغيرشي

وخصوصا بعد ما دخلت البيت عندهم واهلها ناس طيبين اوى وهى من جواها طيب

السلام عليكم أخى الكريم



أولا أهلا بيك فى المنتدى نورتنا



ثانيا بالنسبة لمشكلتك



أول جزء فيها انها دلوعة وخايف احسن ما تقدرش تشيل المسئولية

ياااااااااااااااااااااااااااه يااااااااااااااااما بنات كتير كانوا متدلعين جدددا جددددا وبعد الجواز بقوا حاجة تانية خالص

الجواز بيغير 180 درجة



واحدة واحدة هتشيل المسئوليه وهتكون قدها ان شاء الله



بالنسبة لجزئية ان طموحها عالى وبتسرح بخيالها قوى وهى بتتكلم عن طموحها

فلو الطموح ده مادى وماله اعملوا انتم الاتنين على تحقيقه

ولو كان فى المكانة او المركز يبقى رااااائع

وممممتاز كمان ايه الغلط ان يبقى نفسها تبقى حاجة كويسة أو تكون فى مكانة كويسة وظيفيا واجتماعيا

ما كله هينصب على حضرتك وعلى أسرتكم واولادكم ان شاء الله



الطموح حاجة كويسة جدا جدا بس لو تم دعمه بنقاط همليه

ما يبقاش طموح فى الهوا وخلاص



بالنسبة لجزئية اللبس وهى أهم نقطه حسيت أنها هماك فى الموضوع كللله

أكتر من الدلع وعدم تحمل المسئوليه ومن الطموح



طبيعي جدددا ان كل واحد اسلوبه فى ادراك الأشياء واسلوبه فى اللبس بيتغير من مرحلة عمرية لمرحلة تانية

هى شكلها لسه صغيرة وشايفة ان هى دى الشياكة

وهى هتتغير ان شاء الله لان من كلامك انها بتحبك

يبقى هتحب ترضيك



بس الموضوع متوقف على حضرتك بصراحة

لازم اسلوبك فى اقناعها يكون مختلف عن طريقتك معاها

بتقول كل مرة بتتكلموا فيها بتتخانقوا



لان شكلك متمسك بالنقطة دى جددددا وعاوزها بسرعة قوووووى

يا ريت تعاملها تدريجيا

وتقنعها واحدة واحدة

وبحب وحنان منك هى هتتفهم الموضوع وتتغير فعلا

مش باسلوب الطلب أو الأمر أو الصح والغلط من وجهة نظرك بطريقة ناشفة



أرجو انك تعاملها بسلاسة أكتر

وحنان،،،، فهو يصنع المستحيييل



وفى النهاية ألف مليون مبروك على الخطوبة

وعقبلال ما نباركلك ونيجي نزغرطلك فى المنتدى على الفرح

انا متشكر ليكوا والله ياجماعه علي استجابتكوا معايا وانا اتمنى اكون اخ وصديق ليكوا

بالنسبة ليكي يابنوتة مصرية انا مبقتشي اتكلم معاها في موضوع اللبس ده خالص وكل مرة اتكلم فيه هي اللي بتفتح الموضوع ويعنى اخر مرة اتكلمنا بعد وقت طويل جميل كنا مع بعض فيه قالتلي انا هتغير في كل حاجة الا موضوع واحد بس انت فاهمه كويس فخليتها تغير الموضوع عشان ما نتخانقشي زي كل يوم المهم انا تركت الموضوع دلوقتى خالص بالفعل وخصوصا انى بعيد عنها ومسافر والكلام وانت بعيد عنها بيوصل غلط فانا متأكد وواثق مليون الميه انى لو قاعد قدامها هعرف اقنعها وهي هتتغير عشانى

اما بالنسبة لطموحاتها فطموحتها عالية في كل حاجة ماديا واجتماعيا وعلميا وانا بصراحة مبسوط بكدة بس وبشجعها علي كدة خصوصا انى بحلم بكدة انا كمان وربنا يقدرنى واقدر اسعدها وحقق احلامى انا وهى

<P>الاخت ام نور المنتدي منور باصحابة وربنا يبارك فيكوا يارب </P>
<P>وسورى انى مسببلكوا ازعاج </P>
<P>انت محددة فعلا مشكلتى كويس </P>
<P>بالنسبة للجزء الاول فانا بعون الله واثق من التغير ان شاء الله عشان انا هعاملها كويس اوى دى هتبقي زوجتى</P>
<P> بالنسبة للجزء التانى وطموحاتها فه عالية في كل حاجة زى ما قلت ماديا واجتماعيا وعلميا كمان حتى كمان مع تربية الاولاد بعد كدة وده شئ كويس يعنى انا مش قلقان منه ان شاء الله </P>
<P>اما الجزء الثالث </P>
<P>وده اهم جزء فانا بتكلم معاها باسلوب راقي جدا وبعاملها بحنية بس هى بتتنرفز بسرعه وانا كمان بتنرفز بسرعه  وهى بتروح زعلانه في لحظة</P>
<P>علي العلم انها هي اللي بتفتح الموضوع اصلا يعنى انا اتفقت معاها بعد فتره من الخطوبة علي التطويل شوية عن الاول وخلاص اتفقنا مؤقتنا هي بقي كل يوم حلو ينتهى بينا تروح فاتحة الكلام في الموضوع ونفضل نتكلم لحد منزهق ونسيب بعض ونقوم واخر مرة جت تفتح الموضوع قلتلها بلاش عشان منتخانقشي ورفضت اننا نتكلم فيه دلوقتى وخلينا مبسوطين احسن قالت ماشي  تانى وخصوصا انى بعيد عنها يعنى لو جنبها وزعلت منى هعرف اصالحها ازاى بس هي متضايقة اوى انى مسافر وزعلانه انى بعيد عنها والموضوع ده مضايقها اوى بس الحمد لله بقنعها انى متغرب عشانها وكدة وعشان نعيش تحت سقف واحد مع بعض والحمد لله مقتنعه بس طبعا انا عارف ان من جواها بيغلي بس هعمل ايه بس غصب عنى  </P>

انشاء الله يابنوتة مصرية ومتشكر علي حسن اهتمامك بالموضوع بس هسألك سؤال هي ما اعترفتشي ليا بحبها بس
بتعمل الحركات اللي قلتلك عليها دى واحيانا لما اطلب منها حاجة واحنا بنتكلم تقعد تقولى لما احبك بقي هبقي اعملها ودايما مهتمية انها تسأل عن تجاربي اللي قبل ما اخطبها والبنات اللي عرفتهم تفتكري ده عادى لمجرد خطيبها فقط وعاوزة تعرف عنه الحاجات دى

متشكر جدا يابنوتة مصرية
واتمنى تكون هي كدة فعلا
وانا ان كان عليا فانا مش مقصر معاها في حاجة واتمنالها السعادة معايا

قالتها قالتها بنت اللذين

بس بجد ليها طعم تانى خالص غير اي كلام حلو ربنا يقدرنى بقي واقدر احقق الباقي معاها وهى كمان تحققلي اللي انا عاوزة

الف مبروك وربنا يسعدكم مع بعض

أهلا بحضرتك نورت المنتدى
أولا مبارك ع الخطوبة وعقبال الزواج السعيد بإذن الله وربنا يتمم بخير
ثانيا موضوع المسئولية ده ماتقلقش منه كلنا بنتعود عليه بالتدريج عادى بس المهم كمان انها تلاقى منك التعاون والصبر وخاصة أنها واضح أنها بتحبك وعشانك هتعمل كل اللى تقدر عليه عشان ترضيك
ثالثا موضوع اللبس أنا رأيى تكلمها فيه من ناحية الالتزام الدينى ابعتلها خطب للمشايخ وكمان فيديوها وحاول تكلمها بالحسنى بلاش الشد فى الكلام ولو لقيت الموضوع هيكون فيه شد اقفله وقبل كل حاجة ادعيلها لأنك لا تهدى من أحببت ولكن الله يهدى من يشاء
ويااااااااااارب يهديها هى وجميع المسلمين بنات وشباب وكل المسلمين
ويبارك لكم ويجمعكم فى طاعته وعلى كل خير