مشكلة كبيرة معايا مضايقانى

ازيكوا ياجماع اخباركوا ايه انا اسف بقي اول مشاركة ليا في المنتدى تبقي مشكلة بس اعذرونى وبعدين انا تصفحت المنتدي ولقيتة كويس قلت ممكن حد هنا يقدر ينصحنى


انا يا جماعه عندي مشكلة مع خطيبتى ومش عارف انا صح ولا غلط
خطيبتى بحبها اوى وهى كمان بتتعامل معايا كويس ومتعلقة بيا لدرجة كويسة

بس في مرة قالتلي فيها انى مزعلشي لو لقيتها بتكلم شباب زمايلها من ايام الجامعه علي الفيس بوك فزعقت معاها وقلتلها لا طبعا مش هسمحلك بكدة فقالت انا مش بعمل حاجة غلط وبعدين قالت انها مجرد بتحط كومنتات عادية علي المواضيع بتاعتهم وبس
ومرة من المرات قالتلي انها بتكلم واحد صاحبها عنى وقعد يدعلها ان ربنا يسعدنا ويومها مرضتشي ازعق ليها وسيبتها تكمل الكلام وعديت الموضوع ومن يومين لقيت واحد من اصدقاءها ايام الجامعه بيتكلم معاها علي الفيس في موضوع يخصها وهى بتتكلم معاه عادى وبتهزر معاه بس الكلام انا شوفته كان كلام عادي بس متضايق اوى من الحركة دى
المهم انا كلمتها في كدة وقالت نفس الكلام انها مش بتعمل حاجة غلط وانا عارف من قبل كدة انها بتكلم اصحابها من ايام الجامعه وفي الاخر قاطعت كلامى وانا بتكلم وبنصحها وقالتلى خلاص يا محمد وسكتت وغيرنا الموضوع وحسيت انها متضايقة من ساعتها

ملحوظة يا جماعه دراستها دراسة علمية يعنى تسمح ليها ايام الجامعه انها تتكلم مع زملائها


هل من حقي ان امنعها انها تكلم اي شاب من زمايلها ايم الجامعه واللي بعمله ده صح ولا خطا ولا اية بالظبط اية الصح يا جماعه واية الغلط حد يفيدنى محتاج نصيحتكوا ليا
وشكرا واتمنى اكون مش مسببلكوا اي ازعاج

بص يا اخى محمد انا هخلص الموضوع فى كلمتين حلوين جدا


الثقه يا اخى محمد الثقه والله لو فيه ثقه لو بتكلم مليون زميل

اذا ما كان عندك ثقه اتوقع هتتعب جدا لاكن اذا فيه ثقه توكل على الله



معلش انا عندى الثقه مهمه جدا

تسلم عاشق على الرد
اوافقك الراى

اوكى يا جماعه انا عندى ثقة بيها والا مكنتش فضلت خخاطبها بس انا بتضايق من كدة
بتضايق لما بشوفها بتكلم حد غريب وحتى ولو كان زميلها من ايام الجامعه
هل من حقي امنعها ولا مش من حقي انى امنعها ؟

ثانكس بنوتة مصرية وانا مش بزعق معاها ولا كدة بالعكس انا بكلمها بهدوء جدا
بس جيت بقولها يرضيكى اكلم بنات تانية كدة قالتلي عادى انا شايفة الامر طبيعى يعنى مش هكون متضايقة
بصي انا عارف انها بنت كويسة ومش بتعمل غلط بس متضايق من كدة
وعلي فكرة وانا بكلمها وبفهمها انى متضايق قاطعت كلامى وقالتلى خلاص يا محمد
وقلبت الموضوع لموضوع تانى

بلاش نعقد الامور اوي كده

يعني انها بتعمل كومينت علي توبكات في الفيس بوك وبترد وبتقول رئيها بكل احترام دي مفهاش اي مشكله

بس المشكله انها بتكلم صاحبها الولاد في حاجات تخصها او لو برضه مش حاجات تخصها ليه مدام مخطوبه تدردش مع اصحابها


اخرها في المعامله مع الولاد انها تقول رئيها وتعمل كومينت وخلالالاص


وزملاء العمل او الدراسه يبقي كلامهم في حدود الدراسه والعمل غير كده مرفوض


يعني من رئي تعدوا مع بعض وتقولها كده انك مش رافض رفض نهائي اتكلمي وقولي رئيك وكلمي زملائك في الدراسه بس

مفيش دردشه علي الفيس بوك زي مانت قولت في كلامك لان الكلام بيجر كلام


الهدوء والتفاهم هوا الحل يعني مش تزعق ومش تحسسها انك بتؤمرها ولا تزعلها بالكلام

ساعتها هتقدر موقفك وهتسمع كلامك وانت ليك حق تزعلحتي لو في ثقه ليك حق تزعل

لانك راجل شرقي واكيد هتغير عليها

وربنا يهدي الجميع تسلم اخي

أنا رأيى مختلف عنكم تماما
مش معنى انه اخونا بيغير على خطيبته انه مش بيثق فيها
ولكن ممكن زى ما بنوتة قالت : ممكن يكون بيثق فيها بس مش بيثق فى اللى حواليها

علشان كدة انا شايفة انه خطيبة حضرتك هى اللى غلطانه

لازم تقدر غيرتك عليها وحبك ليها
ولازم تحترم دة وتقدره
ومش المفترض انك تظهر ضعيف قدامها ( انا اسفة بس دة اللى واضح من كلامك )
واضح انه انت اللى زعلان ومضايق
وواضح بردو انه خطيبتك مش حاسة بدة ومش مقدراه كويس

انا بس عايزة اقول قصة صغيرة

تزوجت أسماء بنت
أبي بكر الصديق من الزبير بن العوام رضي الله عنهما , وأحبته وأخلصت في
خدمته على الرغم من فقره وعوزه , وهي كانت تعيش في عيش رغيد في بيت أبها
الصديق , لكنها تحملت وصبرت من أجل زوجها , بل زيادة على عملها في بيتها
كانت تذهب إلى مزرعة زوجها لتجمع النوى وتحمله على رأسها حتى البيت
وتطحنه لفرس الزبير وكانت تعاني من التعب مالا يعلمه
إلا الله .

وحدث في يوم أنها كانت راجعة من مزرعة زوجها وهي تحمل على رأسها كيسا
مملوءا بالنوى في شدة الحر. والعرق يتصبب على وجهها وهي تعاني من
ثقل الكيس . فرأت رسول الله صلى الله عليه وسلم ومعه بعض الصحابة وهو راكب
دابته . و على الرغم من شدة حبها للرسول صلى الله عليه وسلم ولهفتها
للسلام علية شأنها شأن أي مسلم ومسلة إذا رآه , إلا أنها تذكرت غيرة زوجها
الزبير عليها لوجود رجال مع النبي فتابعت مسيرها و كأنها لم تر أحدا , إلا
أن رسول الله صلى الله عليه وسلم رآها وعرفها وهي ذات النطاقين فأشفق, عليها
ودعاها لكي يردفها خلفه ( تركب وراؤه صلى الله عليه وسلم ) , فلم تفضل ذلك الشرف العظيم على جرح مشاعر زوجها لانها تذكرت غيرة زوجها
فاعتذرت من الرسول صلى الله عليه وسلم وتابعت سيرها حاملة كيس النوى على
رأسها .



علشان كدة انا مختلفة مع الاعضاء الكرام اللى بيلقوا باللوم على حضرتك

وبالتالى لازم تقعد مع خطبيتك وتكلمها تانى وتالت ورابع فى الموضوع دة
وتفهمها غضبك منه
وربنا يصلح حالكم

بنت مصر كتب:

أنا رأيى مختلف عنكم تماما
مش معنى انه اخونا بيغير على خطيبته انه مش بيثق فيها
ولكن ممكن زى ما بنوتة قالت : ممكن يكون بيثق فيها بس مش بيثق فى اللى حواليها

علشان كدة انا شايفة انه خطيبة حضرتك هى اللى غلطانه

لازم تقدر غيرتك عليها وحبك ليها
ولازم تحترم دة وتقدره
ومش المفترض انك تظهر ضعيف قدامها ( انا اسفة بس دة اللى واضح من كلامك )
واضح انه انت اللى زعلان ومضايق
وواضح بردو انه خطيبتك مش حاسة بدة ومش مقدراه كويس

انا بس عايزة اقول قصة صغيرة

تزوجت أسماء بنت
أبي بكر الصديق من الزبير بن العوام رضي الله عنهما , وأحبته وأخلصت في
خدمته على الرغم من فقره وعوزه , وهي كانت تعيش في عيش رغيد في بيت أبها
الصديق , لكنها تحملت وصبرت من أجل زوجها , بل زيادة على عملها في بيتها
كانت تذهب إلى مزرعة زوجها لتجمع النوى وتحمله على رأسها حتى البيت
وتطحنه لفرس الزبير وكانت تعاني من التعب مالا يعلمه
إلا الله .

وحدث في يوم أنها كانت راجعة من مزرعة زوجها وهي تحمل على رأسها كيسا
مملوءا بالنوى في شدة الحر. والعرق يتصبب على وجهها وهي تعاني من
ثقل الكيس . فرأت رسول الله صلى الله عليه وسلم ومعه بعض الصحابة وهو راكب
دابته . و على الرغم من شدة حبها للرسول صلى الله عليه وسلم ولهفتها
للسلام علية شأنها شأن أي مسلم ومسلة إذا رآه , إلا أنها تذكرت غيرة زوجها
الزبير عليها لوجود رجال مع النبي فتابعت مسيرها و كأنها لم تر أحدا , إلا
أن رسول الله صلى الله عليه وسلم رآها وعرفها وهي ذات النطاقين فأشفق, عليها
ودعاها لكي يردفها خلفه ( تركب وراؤه صلى الله عليه وسلم ) , فلم تفضل ذلك الشرف العظيم على جرح مشاعر زوجها لانها تذكرت غيرة زوجها
فاعتذرت من الرسول صلى الله عليه وسلم وتابعت سيرها حاملة كيس النوى على
رأسها .



علشان كدة انا مختلفة مع الاعضاء الكرام اللى بيلقوا باللوم على حضرتك

وبالتالى لازم تقعد مع خطبيتك وتكلمها تانى وتالت ورابع فى الموضوع دة
وتفهمها غضبك منه
وربنا يصلح حالكم

كلام جميل .. انا مع الرأى ده

السلام عليكم ورحمة الله وبركاته

أسمحلى أقول رأيى ياأخ محمد

أنا شايف أنها غلطانة فى كذا حاجة :

أولا : مايصحش لبنت مرتبطة أو مخطوبة أنها تتدردش مع أصحاب ليها من الولاد من أيام الجامعة أحتراما لمشاعر خطيبها وده من حقط أنك تطلب منها أنها ماتكلمهمش تانى

ثانيا : هى غلطتت برده أنها ماأحترمتش كلمتك لأنها لو مقدراك كويس كانت سمعت كلامك وماكلمتش حد تانى من اصحابها بعد لما تطلب منها كدة

وده بيعبر عن علاقتها بيك بعد الجواز طبعا

لأنك تخاف لو تطلب منها أنها ماتكلمش حد من اصحابها تانى بعد الجواز ممكن تتضايق من كلامك والمفروض أنها تسمع كلمتك وتحترمها

وده كان رأيى وأنا شايف أنك مش غلطان لما طلبت منها كدة