البغاشة طريقتها سهلة قوى ومقاديرها كمان بسيطة
المقادير :
2 كوب دقيق
عدد 2 بيضة
فانليا
ملعقة صغيرة بيكنج بودر
ملعقتين سمن
ماء للعجن
زيت للتحمير
مقادير الشربات:
2 كوب سكر
كوب ماء
عصير ليمونة
فانليا
الطريقة :
تجيبى البيض الاول وتحطى عليه الفانليا وتضربيهم مع بعض بعدين تحطى الدقيق والبيكنج بودر وتقلبيهم مع بعض وبعدين تحطى السمن وتعجنى العجينة وتزودى شوية ماء بسيط لغاية ما العجينة تلم معاكى وممكن تحطى دقيق بسيط لو لزم الامر بعد كده قسمى العجينة الى اربع كور وسبيهم ربع ساعة علشان العجينة تستريح ، بعد كده جيبة كل كورة من العجينة وافرديها بالنشابة وبعدين حطى الاربع طبقات فوق بعض وبين كل طبقة والتانية جطى حبة دقيقة وبعد كده افردى الاربع طبقات اللى فوق بغضهم بالنشابة لغاية مايبقى السمك رفيع ، والخطوة الاخيرة تقطعى العجينة مثلثات او مربعات وتقليهم فى زيت غزير لغاية ماياخدوا اللون الذهبى وبعدين تحطى الى اتحمر فى الشربات البارد حوالى خمس خمس دقائق وتطلعيه فى طبق التقديم
طريقة الشربات : تحطى السكر مع الماء ولما يغلى تضيفى الليمون والفانليا وسبيهم شوية على النار لغاية ما يكون قوامه بين الخفيف والتقيل
وبالهنا والشفا
