بابا ولاجوووزك؟؟؟؟؟؟؟؟؟؟؟؟

عضو متواجد

[size=21]بابا ولاجوووزك؟؟؟؟؟؟؟؟؟؟؟؟

طبعا كل واحده فاكرة نفسها هتتجوز راجل جاى على حصان ابيض
او فكرة انها تقدر تمشيه على العجين ميلخبطهوش

فوووووووووووووقى

مع بابا.. دخلتى المطبخ ما دخلتيش .. كله واحد وممكن باباكى يساعدك
انما مع جوزك ..مش بمزاجك .. ها تدخلى .. هاتدخلى
***
مع بابا .. فى العيد بيديلك العيديه وفوقيها بوسه ..
لكن مع جوزك .. بيقول انت خلاص كبرتى على الحاجات دى
***
مع بابا.. بتنامى وتصحى وقت ما انتى عايزه ..
مع جوزك .. وقت ماهو عايز .. او مع مواعيد شغله.

***
مع بابا.. بتشترى هدومك ومكياجك وكل اللى انتى عايزاه .. ويقولك حلو قوى عليكى
مع جوزك .. بيشترى لك برضه .. لكن ما قل ودل .. ويقولك .. فلوووووووووووووووووسى والمرتب
***
مع بابا لو حصل حاجه مثلا و كنتى زعلانه .. بيزعل عشانك ..
مع جوزك .. بيزعل منك .. ويلومك ازاى تزعلى اصلا
***
باباكى .. كلمه حلوه ترضيه ..
وجوزك .. طول الليل تحايلى فيه
***
باباكى وانتى عيانه .. سهران جنبك طول اليوم
انما جوزك بيروح ينام فى الاوضه التانيه.
***
بابا .. لما تدلعى عليه .. بيفرح بيكى
انما جوزك .. بيقولك ..اكيد عايزه حاجه
***
بابا .. لو شافك بتعيطى ها يمسح دمعتك
انما جوزك .. ها يقولك يادى النكد
***
مع بابا .. لو حاطه ماكياج فاقع شويه.. ها يقول لك الهادى عليكى احلى .. وانت احلى من غيره خالص
لكن جوزك .. ها يقولك شكلك زى عروسة المولد
***
مع بابا .. لو طلبتى دواء من الصيدليه . جرى ها ينزل يجيبه
لكن جوزك ها يسالك بكام الأول؟ههههه
***
بابا .. لو طلب منك كوباية ميه .. بيقولك لو سمحتى عايز ميه
انما الباشا يقولك قومى هاتى ميه
***
لو محتاجه فلوس فى حاله طارئه .. بابا ها يديكى من عينيه
لكن جوزك .. ها يقولك خدى من بابا
***
لو جالك مكالمه غلط على موبايلك.. بابا ها يقولك حصل خير
لكن جوزك .. مش بعيد يرميكى من البلكونه ...
***
لو ما فيش فى التلاجه غير ازازة بيبسى واحده ..بابا ها يسيبها لك بنفس راضيه
لكن جوزك ها يقول معلش انا لازم ابلع او ها يقسمها معاكى
***
لو اتزحلقتى على الارض ..باباكى ها يجرى يشيلك
جوزك ها يقعد يضحك ويقولك ما انتى اللى مش منشفه الارض كويس
***
لو نفسك تغيرى مكان السجاده ..باباكى ها يقولك عنك دى تقيله عليكى
لكن جوزك ها يقولك مش ضرورى وجع القلب دا
***
لو العربيه عطلت بيكى .. بابا.. ها يقولك اقفليها وتعالى وانا ها اتصرف
جوزك .. ها يقولك متركبيش العربيه تانى
***
لو حكيتى ل بابا على واحد عاكسك .. ها يقولك معلش .. وبعدين عنده حق . مانتى جميله
انما جوزك .. ها يقولك انتى اللى ماشيه مش محترمه
***
لو مقدمه على شغل ..باباكى.. ها يوصى عليكى طوب الارض
لكن جوزك .. مش ها يتعب نفسه ولا يهمه اصلا وها يقولك يعنى انتى ها تشتغلى وزيره
***
باباكى لو لاحظ انك متخانقه مع اختك .. ها يصالحكوا على بعض
لكن جوزك هيقولك خليهم يولعوا دول عيله عجب
***
مهما باباكى كان متضايق .. لا يمكن تكلميه وتلاقيه مكشر
لكن جوزك.. لو متضايق .. مصر كلها هتنكد عليكي استحملى بقى

علشان تعرفوا قيمة الاب و الام و تقدروها
ههههههههههه[/size]

الكاتب

اولا الاب والام شئ لا يقرن

بس مش كل الناس زى بعضها يا مرمر يعنى انا ممكن عمل كل شئ بس بلاش المطبخ ده

عضو متواجد

طبعا يا احمد

بابا ولاجوووزك؟؟؟؟؟؟؟؟؟؟؟؟ 85rs8yh2

عضو برونزى

كان فى زمان اغنيه لفريق اسمه المصرين بتقول

ماتحسبوش يابنات ان الجواز راحه وماتزعلوش يا بنات ان قولنا بصراحه ان الجواز عمرة ماكان راحه

شكرا مرمر على الموضوع

مديره المنتدى

ههههههههههه

لالا اكيد زى ماقال عاشق دمياط مش كل الناس زى بعض

وانا ان شاء الله واثقة جدا فى زوجى المستقبلى

يسلمو يامرمر

عضو متواجد

يارب تكونى سعيدة على طول فى حياتك يا هموسة و موجه و كل الاعضاء يارب

نورتونى يا بنات

المشرفات

يسلموو ع الطرح الروعة

عضو متواجد

نورتى يا عزف

عضو متواجد

ههههههههههه شكرا كتير على الموضوع

» بابا انا اخدت عشرة
» ربنا يرحمك يا بابا
» عيل بيقول لأبوه يا بابا
» طبق مقبلات (بابا غنوج)
» سلطة بابا غنوج