مساء الخير يا جماعة
رمضان كريم عليكو
انا عارف انى جديد وماليش مساهمات
بس كنت بدخل كزائر وبيعجبنى حاجات كتير
تسمحلى يا عاشق دمياط ابعتلك كل ودى واحترامى
وتقديرى على روحك النشيطة المهذبة الى بتدير بيها المنتدى
دا اولا
ثانيا ممكن اقول بعض الملاحظات وهى مجرد وجهة نظر
1 موضوع التصويت اللذى يطرح للمسابقة الدينية فكرة كويسة
بس اعتقد فى ناس بتتظلم بتكون حلت وما تقدرش تجيب اصوات
من الخارج وكمان مدة اربع او خمس ايام تصويت طويلة جدا بيكون
فى فرق كبير بين الاصوات نجد اتنين او 3 استمرو والباقى ما بيقدرش
2 حاسس ان الادارة اصبحت شديدة قوى وكل شوية قرارات وتنبيهات
وتحذيرات خصوصا للمشرفين وطبعا انت ادرا منى يا اخ عاشق بالى فصالح المنتدى لكن موضوع زى دفتر الحضور دا كانه مش منتدى كانه
مدرسة او ادارة والمشرف هيتعاقب لو غاب اسبوع مش حلو بجد
3فى بعض الاعضاء الذكور هنا ليهم شعبية فاكرين من حقهم يستظرفو
ويضحكو على باقى الاعضاء لو اقترحو او طلبو شىء ومش هذكر اسماء لكن بيعاملو البنات بكل زوء والشباب بالعكس وشعبيتهم
ماتديش الحق فكدا
ملحوظة:
دا راى يحتمل الصواب والخطا طبعا واعتقد من حقى اعبر عنه ومن
حق الى بيايدنى فحاجة او بيختلف معايا يتفضل يرد بنفس اسلوبى
وياريت ماحدش يغلط فيا زى ماحصل عندما طلب واحد انه يكون مشرف
وفى واحد هنا عمله نكتة علشان يضحك عليه الاعضاء وفى واحد كان
طلب يكون ضيف على كرسى الاعتراف ونفس العضو قاله كفاية عليك
سؤال واحد لان ماعندكش مساهمات هنا ودا مايصحش
ارجو مراعاة شعورى فالردود
تقبلو جميعا تحياتى
