أهلا بقمر كرسي الاعتراف صوت الصمت

مديره المنتدى

أهلا وسهلا يا قمر نورتي

اول سوااااااااااال

-فأي قرار تتخذه هل ..... تحكم عقلك أم قلبك فيه ... ؟؟ ومن الأسبق فالتحكيم

قلبك أم عقلك ؟؟؟؟؟؟؟؟

منتدى شباب دمياط ..... ماذا يعنى لك ؟
بترسمى ايه فى المستقبل بتاعك ؟
3 وردااااااااات لمن تهديهم
اكترحاجه بتفرحك
اغنيتك المفضله؟ والمغنى المفضل؟
التجربه الى عاوزه تتكرر على طول ؟؟
اكبر غلطه فى حياااتك ؟
اصعب موقف فى حيااااتك ؟
هل ندمتى على شىء فى حيااااتك ؟
ما الفرق بين الحب والصداقه ... وايهمااا تفضليى ؟
ماريك فى هذه الكلمااااات _وماذاا تختااارى منهااااا؟
الخيانة ..
المرأه..
الصداقة ..
النميمة ..
النفاق .
الحـــــب.

مديره المنتدى

يلا صوت الصمت مستنين إجابتك عشان نسأل بعدها

بالتوفيق يا قمر

المشرفات

اول سوااااااااااال

-فأي قرار تتخذه هل ..... تحكم عقلك أم قلبك فيه ... ؟؟ ومن الأسبق فالتحكيم

قلبك أم عقلك ؟؟؟؟؟؟؟؟
دايما قلبى بيغلب عقلى.

منتدى شباب دمياط ..... ماذا يعنى لك ؟
يعنى لى الصحبة الطيبة والألفة مابين أعضاء حاسة إنى مش غريبة عنهم وحاسة بحبهم لبعض ولخوفهم على بعض .

بترسمى ايه فى المستقبل بتاعك ؟
مستقبلى إنى أكون أم ناجحة وزوجة مطيعة لربها وزوجها وناجحة فى شغلى لو بشتغل.

3 وردااااااااات لمن تهديهم
الأولى لوالدى لأنه شاف منى كتير.
التانية لأمى
التالتة لأعضاء المنتدى

اكترحاجه بتفرحك
بأمانة يازهرة أنا بحس إنى ماكة الدنيا ومافيها لما بسعد حد حتى لو على حساب سعادتى.

اغنيتك المفضله؟ والمغنى المفضل؟
والله أنا مش من هواة الأغانى بس هقول أغنية نسيت أنساك لفضل شاكر وبحس إنه بيغنى بإحساس.

التجربه الى عاوزه تتكرر على طول ؟؟
أى تجربة نجاح مع إنهم قليلين جدا.

اكبر غلطه فى حياااتك ؟
إنى فتحت بيتى لوحدة طعنتنى فى ظهرى طعنة قاضية.

اصعب موقف فى حيااااتك ؟
هيا كتير بس الكلام هرب منى واللى فاكراه لما كنت فى شرم وكنت بغرق وكان صوتى راح والسبب واحدة بتهزر معايا وحدفتنى فى وسط البحر وبعدين محدش خد باله غير السواق بتاع الباص وكنت خلاص بموت وطلعنى هو والدكتور بتاعنا والمصيبة إنى بعدها روحت نزلت البسين الحريمى لأنى مش بحرم.

هل ندمتى على شىء فى حيااااتك ؟
كتير

ما الفرق بين الحب والصداقه ... وايهمااا تفضليى ؟
الحب والصداقة الشبه الوحيد مابينهم إنهم صعب تلاقيهم دلوقتى معلش الكلام مش مساعدنى بس أنا أفضل الصداقة.

ماريك فى هذه الكلمااااات _وماذاا تختااارى منهااااا؟
الخيانة ..أصعب ألم وعلاجه الزمن
المرأه..نصف الدنيا لأ هيا كل الدنيا
الصداقة ..شئ نادر
النميمة ..شئ قبيح
النفاق . شئ بشع جدا
الحـــــب.حلم الجميع
شكرا يازهرة على الأسئلة
اللى بعده

فنى المنتدى

أولا: بشكرك على مجهودك المتميز فى المنتدى وهذا بدايه الغيث
ثانيا:بما أنك كنت موافقه أنى أكون جالس على الكرسى قبل حضرتك
فأنا محضر بعض أسئله مختصره
1-ماذا تعنى لكى الصداقه؟
2- طلب منك أن توجهى رساله الى الأعضاء التالين فما يكون محتواها:
-ملك:
- همسه:
- nove:
-عاشق دمياط:
ثالثا: أنا بعتذر لنوفا أنى سألت قبلها بس أنا قولت أنا اللى جيت الاول

المشرفات

أولا أنا متخيلتش إنك هتختارني أنا يامحمد بعدك نهائيا وكانت مفجأه ليا ثانيا أنا برد من نت التليفون عشان بابا خلاني أقفل الكمبيوتر بالنسبه لمجهودي أنا والله بحس إني مقصره ونفسي أعمل حاجات كتير للمنتدي ويبقي أحسن منتدي وشكرا ليك يامحمد
‏1_الصداقة تعني لي الوفاء الإخلاص الحب التضحية المعاني الحلوه الذكريات الجميله.
‏2_أوجه رساله لكل من
ملك:حبيبتي متزعليش أبدا علي حاجة وأنا قولتهالك قبل كده إن ربنا بيختار كل واحد لأنسب دور ليه وبصي علي اللي حياتهم أصعب منك تحسي بنعم ربنا عليكي وتاخدي الدنيا بالسياسة عشان تمشي وحاولي تشوفي جمال نفسك وكل أعضاء المنتدي بتحبك وفي أي وقت يساعدوكي وترجعلنا عن قريب إنشاء الله.
همسه:شهد المنتدي ودايما بتعجبني مواضيعك وبالتوفيق إنشاء الله والقادم أجمل.
نوفا:حبيبت قلبي رسالتي ليكي(تقبلي صداقتي).‏
عاشق دمياط:الأب الروحي للمنتدي ومهما كتبت مش هيوافيك حقك بس المنتدي من غيرك مينفعش واللي أقدر أقوله كله في ميزان حسناتك وربنا يرجعك من الغربه ويعوض سنين صبرك في الغربه خير ويرزقك بالزوجة الصالحة والذرية الصالحة وليك جزيل الشكر.
شكرا يامحمد

مديره المنتدى

اهلا وسهلا صوت الصمت

منورة الكرسى

[ندعوك للتسجيل في المنتدى أو التعريف بنفسك لمعاينة هذه الصورة]

اتفضلى واجب الضيافة
[ندعوك للتسجيل في المنتدى أو التعريف بنفسك لمعاينة هذه الصورة]

نبداء الاسئلة بقى

1-اسمك المستعار ؟

2-سبب اختيارك لهذاالاسم ؟

3-الهوايات ؟

4-افضل شهـر بالسنه والسبب ؟

5-حلمك في الحياة؟

6-أجمل سنوات مرت عليك؟

7-البرامج المفضلة؟

وكفاية كده وارجو انى مكنش طولت عليك بالاسئلة

المشرفات

أولا شكرا على الضيافة وخاصة الشيكولاتة لأنى بعشقها

-اسمك المستعار ؟
صوت الصمت

2-سبب اختيارك لهذاالاسم ؟
هو ليه قصة بس السبب أكتر اسم مناسب ليا وبيعبر عنى

3-الهوايات ؟
القراءة/ التأمل/السفر

4-افضل شهـر بالسنه والسبب ؟
بحب 10 بداية السنة الدراسية ببقى نشيطة أوى فيه وكمان بحب الجو فى الشهر دا معرفش ليه

5-حلمك في الحياة؟
إنى أكون أم ناجحة وزوجة ناجحة ولو بشتغل برده أبقى ناجحة فيه بس دا حلمى دلوقتى أما كان حلمى قبل مايضيع إنى أكون عالمة نووية أو فى النبات

6-أجمل سنوات مرت عليك؟
مفيش سنة كويسة كاملة مرت عليا بس هقول الإبتدائية والسنة الأولى فى الجامعة.

7-البرامج المفضلة؟
مش من هواه البرامج

وشكرا همسة اللى بعده

المشرفات

فينك يانوفا مستنياكى[ندعوك للتسجيل في المنتدى أو التعريف بنفسك لمعاينة هذه الصورة]

رئيسة الإشراف

هضع انا اسالتى لكن بعد نوفا
يلا يا نوفا ضعى اسالتك

المشرفات

ندااااااااااااااااااااء لنوفا

مديره المنتدى

يلا يا جماعة اللي عايزة يسال يتفضل ومش بدور يلا اتفضلوا اسالوا كلكم

رئيسة الإشراف

اسالتى لصوت
باقة ورد لمن تهديها
من هو العضو/ة الى تعجبك
مواضيعه؟
ردوده؟
شخصيته فى المنتدى ؟
هل انتى من الشخصيات التى تتعصب بسرعه ؟
رساله تهنئه لمن تهديها ؟
رساله شكر لمن تهديها؟
ماهو لونك المفضل ؟

من هو مثلك الاعلى ؟

ماهي حكمتك بالحياة ؟

ماالذي يحزنك ؟

ماالذي يغيظك ؟

ماالذي يفرحك ؟
اكثر شئ ندمتى على فعله؟
امنيتك فى المستقبل؟
ماذا تعنى هذه الكلمات لكى ؟
السماء
الصداقه
الاخلاص
الغدر

ايهما اصعب بالنسبه لكى غدر الصديق ام وداعه ؟
كفايه كدا بقى

فنى المنتدى

هى صوت الصمتمردتش ليه
أحسن ما تكون ردت فى صمت
ولا نبعتلها كراسه الاول عشان تذاكر الاول
وممكن تستعين بصديق
يا جماعه سهلوا عليها الاسئله شويه

المشرفات

باقة ورد لمن تهديها؟
لأعضاء المنتدى الكرام .
من هو العضو/ة
الى تعجبك مواضيعه؟
همسة

ردوده؟
the spy

شخصيته فى المنتدى ؟
عاشق دمياط.

هل انتى من الشخصيات التى تتعصب بسرعه ؟
بس فى صمت.

رساله تهنئه لمن تهديها ؟
لقطة سيامى.

رساله شكر لمن تهديها؟
لعاشق دمياط.

ماهو لونك المفضل ؟
الأحمر والأسود.

من هو مثلك الاعلى ؟
الرسول عليه أفضل الصلاة والسلام.

ماهي حكمتك بالحياة ؟
في بعض الأحيان يكون الصمت دليلا على عمق عاطفة ما يصعب التعبير عنها بأي عدد من الكلمات...

كل الإنتصارات قابلـة للتآكل و التلاشي مع مرور الزمن

ولكن النصر الوحيد الذي يدوم ويبقى .. هو إنتصار المرء على نفسـه

ماالذي يحزنك ؟
حاجات كتير بس أكتر شئ لما أكون السبب فى ألم حد بدون قصد .

ماالذي يغيظك ؟
البرود وعدم المبالاة.

ماالذي يفرحك ؟
أكون سبب فى فرح حد وخاصة الطفل.

اكثر شئ ندمتى على فعله؟
أحب أختص بيه نفسى.

امنيتك فى المستقبل؟
إنى أكون ناجحة فى الحياة وخاصة الأمومة.

ماذا تعنى هذه الكلمات لكى ؟
السماء:الصفاء

الصداقه:الوفاء والإخلاص.

الاخلاص:عملة نادرة.

الغدر:كتير وياما عنيت منه.

ايهما اصعب بالنسبه لكى غدر الصديق ام وداعه ؟
غدره لأنه هيمحى أى ذكرى حلوة.

شكرا ياقمر ....

[ندعوك للتسجيل في المنتدى أو التعريف بنفسك لمعاينة هذه الصورة]

عضو مبتدىء

ممكن انا اسالك يا صوت الصمت
_ هل
انت تفعل ما تقوله هنا بالمنتدى ؟

2_ اعتذار تريد ان تقدمه لمن؟

3_ ما ردة فعلك عندما يقول لك حبيبك : أحبك نعم أتزوجك لا ؟

4_ ماذا ستكتب لنا لتعبر عن حياتك التي عشتها الى الان في كلمات قليله ؟

5_ اذا اردت ان تبكي الان , فعلى من تبكي؟

6_ من ستختار ليمسح دموعك ؟

7_لو خيروك بين حبيبك وبين اعز صديق فمن تختار ؟

8_ماهو تقييمك لهذا المنتدى بصراحه ؟

9_ من يسكن قلبك؟

10_ هل تعتقد ان حظك سيئ؟
تقبلى تحياتى

المشرفات

_ هل انت تفعل ما تقوله هنا بالمنتدى ؟
هو أنا بقول ايه أنا بفيد وبستفيد وبعمل اللى بقول عليه.

2_ اعتذار تريد ان تقدمه لمن؟
لأبى وأمى.

3_ ما ردة فعلك عندما يقول لك حبيبك : أحبك نعم أتزوجك لا ؟
أتألم فى صمت دون أن يشعر وأحاول أعرف الأسباب.

4_ ماذا ستكتب لنا لتعبر عن حياتك التي عشتها الى الان في كلمات قليله ؟
الصراع دائما.........

5_ اذا اردت ان تبكي الان , فعلى من تبكي؟
على نفسى.

6_ من ستختار ليمسح دموعك ؟
نفسى هيا أولى بيا.

7_لو خيروك بين حبيبك وبين اعز صديق فمن تختار ؟
صديقى بس لو كان وافى.

8_ماهو تقييمك لهذا المنتدى بصراحه ؟
أجمل منتدى والأجمل أعضاءه.

9_ من يسكن قلبك؟
.......................................................................................

10_ هل تعتقد ان حظك سيئ؟
لا أؤمن بالحظ فكل شئ مقدر وأنا مؤمنة بالقدر.
شكرا هنا
ايه ياجماعة خايفين تسألو هيا نوفا باين زعلانة منى........[ندعوك للتسجيل في المنتدى أو التعريف بنفسك لمعاينة هذه الصورة]

مديره المنتدى

أيه يا قمر أنا وصلت أهو وأنا مقدرش أزعل منك طبعاً خالص بس لسه بحضر فى الأسئلة عشان خاطرك يا جميل

مديره المنتدى

اتفضلى استريحى شوية هنا

[ندعوك للتسجيل في المنتدى أو التعريف بنفسك لمعاينة هذه الصورة]

واجب الضيافة طبعاً

[ندعوك للتسجيل في المنتدى أو التعريف بنفسك لمعاينة هذه الصورة]

وكمان اتفضلى الشاى

[ندعوك للتسجيل في المنتدى أو التعريف بنفسك لمعاينة هذه الصورة]

يلا بقى نبدأ الأسئلة هزرنا كتير ولا إيه؟؟

ما أحلى يوم فى حياتك؟
من هو مثلك الأعلى؟
ما رأيك في الحب من أول نظره؟
ما هي نقطه ضعفك ومفتاح شخصيتك؟
هل أنت محبوبة من الآخرين؟
هل واثقة من نفسك؟
إيه رأيك ف الثقة بالناس ممكن تثقي في حد بسهولة؟؟
هل تؤمنى بالحسد؟؟
لو صديق غلط فيكى غلطة جامدة وطلب منك السماح تسامحيه وتنسى خطئه ليكي ولا مش هتسامحيه؟؟
ما هى الحياة بالنسبه لك؟
ما هو لونك المفضل؟
من اقرب صديق لكي؟
أحلى مكان تحبيه؟
اللي باعك رخيص بيعه و من غير فلوس و تكون أنت الكسبان كمان...إيه رأيك ؟
" الحب مش بيجى غير مره واحده " هل تعترفي بالمقولة دى ؟
هل الإنسان ممكن يحب اثنين فى وقت واحد ؟ ولو حصل فيبقى الاثنين حب فعلا ولا بتسميه إيه ؟
إيه أهم ميزه تحبيها تكون في أصدقائك ؟
إيه أجمل حلم حلمتيه؟
هل تجدي صعوبة ف اتخاذ القرار خصوصا إذا كان يخص قلبك؟
تقدري ترتبطي بإنسان اقل منك اجتماعيا لو حبتيه؟
عندك درجة جرأة كافية انك تقول للوحش أنت وحش؟
إزاى بتفرقي ما بين الحب والإعجاب ؟؟؟؟
هل تضعي خطوط حمراء بعلاقاتك مع الآخرين حتى مع حبيبك؟؟؟؟؟؟؟؟؟ وهل تسمحي إن احد يتعداها أو يفقدك احترامك لنفسك؟؟؟؟؟؟
لو قابلتي الحب الحقيقي ونجاحه يتوقف على تعطيل أحلامك هتختارى أية بس ردى رد مقنع؟؟؟
لو بتحبى إنسان جداااااااا والإنسان ده خانك ممكن تسامح ؟؟وإلى أي مدى ممكن تسامح ؟؟
ما الصفة التي لا تعجبك في نفسك؟
ما الأغنية اللي تهديها للمنتدى؟
ما الموقف الذي أضحكك وأبكاكي في نفس الموقف؟
ماذا تفعلي في هذين الموقفين؟ "إذا أحبيتي ووحدتي أنه لم يحبك" و "إذا احبك شخص وأنتي لم تحبيه"؟
إيه هي أمنيتك فى الحياة؟
إيه اكتر شيء بيفرحك؟
إيه اكتر شيء بيحزنك؟
مين اكتر واحد بتحسى انه غامض أوى في المنتدى عاوز ولد وبنت ؟
وظيفة نفسك تشتغليها ومتقوليش رئيسة جمهوريه ؟؟

وأخيراًُ
ما معنى هذه الكلمات بالنسبة لكي
الحب
الكراهية
الصداقة
الصراحة
الإيمان
الفضول
الإنسانية
السفر
الصدفة
الحرية
السعادة

ويارب مكونش طولت عليكى ومتبقيش عايزة تقتلينى

بالتوفيق يا قمر.....

المشرفات

ما أحلى يوم فى حياتك؟
يوم ما قابلت شخصية ما.

من هو مثلك الأعلى؟
الرسول عليه أضل الصلاة والسلام.

ما رأيك في الحب من أول نظره؟
الحب من أول نظرة مش حب إعجاب فقط والحب ميبقاش حب غير لما الفرد يتأكد من إحساسه ودا بياخد وقت غير كده يبقى الواحد بيضحك على نفسه.

ما هي نقطه ضعفك ومفتاح شخصيتك؟
......................................................................................................

هل أنت محبوبة من الآخرين؟
نعم.

هل واثقة من نفسك؟
لاء.

إيه رأيك ف الثقة بالناس ممكن تثقي في حد بسهولة؟؟
لاء.

هل تؤمنى بالحسد؟؟
نعم.

لو صديق غلط فيكى غلطة جامدة وطلب منك السماح تسامحيه وتنسى خطئه ليكي ولا مش هتسامحيه؟؟
نعم لأنه ممكن يكون محتاج للعفو ده بمعنى ‘نه يوم القيامة ممكن دخوله الجنة متوقف على العفو بتاعى ليه وأكيد هحتاج للعفو ده من حد تانى فى يوم من الأيام.

ما هى الحياة بالنسبه لك؟
مهمة مش سهلة.

ما هو لونك المفضل؟
الأحمر والأسود.

من اقرب صديق لكي؟
صديقتى من أيام الطفولة.

أحلى مكان تحبيه؟
دمياط وخاصة البحر .

اللي باعك رخيص بيعه و من غير فلوس و تكون أنت الكسبان كمان...إيه رأيك ؟
الغدر مش من شيمى حتى لو باعنى غيرى اللرسول علمنا كده ولا ايه.

" الحب مش بيجى غير مره واحده " هل تعترفي بالمقولة دى ؟
لاء خالص.

هل الإنسان ممكن يحب اثنين فى وقت واحد ؟ ولو حصل فيبقى الاثنين حب فعلا ولا بتسميه إيه؟
مش عارفة.

إيه أهم ميزه تحبيها تكون في أصدقائك ؟
حفظ الأسرار.

إيه أجمل حلم حلمتيه؟
إنى أكون عالمة نووية أو فى النبات بس حلم يطلق عليه( ذهب بل عودة).

هل تجدي صعوبة ف اتخاذ القرار خصوصا إذا كان يخص قلبك؟
دايما.

تقدري ترتبطي بإنسان اقل منك اجتماعيا لو حبتيه؟
بس بشرطين يكون راجل فى أخلاقه والتانى يبقى متأكد وعن إقناع إنه مهما حصل مش هيحس بالنقص لأنه لو فى يوم حس بكده الحياة هتحول لجحيم وأنا هحاول مخلهوش يحس بكده.

عندك درجة جرأة كافية انك تقول للوحش أنت وحش؟
أيوه ودايما بعملها بس لما بكون على حق.

إزاى بتفرقي ما بين الحب والإعجاب ؟؟؟؟
الأعجاب مش بياخد وقت وبينتهى أما الحب لما أتأكد إنى ممكن أقدر أضحى عشانه.

هل تضعي خطوط حمراء بعلاقاتك مع الآخرين حتى مع حبيبك؟؟؟؟؟؟؟؟؟ وهل تسمحي إن احد يتعداها أو يفقدك احترامك لنفسك؟؟؟؟؟؟
نعم / ومسمحش لحد يتعداها ولذلك أنا غير مقبولة من شباب الجامعة بتاعتى لما بزورها ودى ليها قصة أبقى أقولهالك بعدين .

لو قابلتي الحب الحقيقي ونجاحه يتوقف على تعطيل أحلامك هتختارى أية بس ردى رد مقنع؟؟؟
أنا بتنازل عن أحلامى عشان الأشخاص اللى بحبهم من غير مقابل وده والله العظيم تاعبنى.

لو بتحبى إنسان جداااااااا والإنسان ده خانك ممكن تسامح ؟؟وإلى أي مدى ممكن تسامح ؟؟
ممكن أسامح بس لمرة واحدة لأنى هتعبرها غلطة والإنسان بيغلط وربنا بيسامح
وأنا مجرد إنسان ضعيف بس ليا طاقة تحمل.

ما الصفة التي لا تعجبك في نفسك؟
إنى ضعيفة معاها.

ما الأغنية اللي تهديها للمنتدى؟
مش عارفة لما أفتكر الأغنية المناسبة هقول عليها.

ما الموقف الذي أضحكك وأبكاكي في نفس الموقف؟
يوم ما رحل عنى شخصية معينة بدون وداع ولكنى عارفة السبب ومعاها عذرها.

ماذا تفعلي في هذين الموقفين؟ "إذا أحبيتي ووحدتي أنه لم يحبك" و "إذا احبك شخص وأنتي لم تحبيه"؟
أبعد عن ده وده أسلم من إنى أعيش فى وهم على أمل اللى بحبه يحبنى فى يوم من الأيام ووهم من أحب اللى بيحبنى فى يوم من الأيام.

إيه هي أمنيتك فى الحياة؟
إنى أكون ناجحة كأم .

إيه اكتر شيء بيفرحك؟
لما بفرح حد.

إيه اكتر شيء بيحزنك؟
لما بزعل حد من غير قصد.

مين اكتر واحد بتحسى انه غامض أوى في المنتدى عاوز ولد وبنت ؟
عاشق دمياط /وزهرة الجنة دا من وجهة نظرى أنا.

وظيفة نفسك تشتغليها ومتقوليش رئيسة جمهوريه ؟؟
عشان أتخلع ولا أضرب بالشوز لاء ياستى ههههههههه...... أنا نفسى أشتغل فى مجالى بتاع الأطفال وأون ناجحة حاجة صغيرة بس متعبة وصعبة.

وأخيراًُ
ما معنى هذه الكلمات بالنسبة لكي
الحب:إحساس جميل.

الكراهية:فى قلوب ناس كتير وربنا يهديهم.

الصداقة:شئ نادر.

الصراحة:صعبة بس أحسن من النفاق.

الإيمان: بتمناه لكل الناس.

الفضول:فضولى صامت أحيانا بس لما بيعلى بيجبلى كوارث.

الإنسانية:شئ سامى.

السفر: متعب بس متعة.

الصدفة:أومن بيها.

الحرية:شئ غالى لا يقدر بتمن.

السعادة:يارب لكل الناس.

شكرا نوفا على الضيافة بس أنا بشرب الشاى عشان أنام فسيبته أحسن ..
تسلمى ياقمر.
[ندعوك للتسجيل في المنتدى أو التعريف بنفسك لمعاينة هذه الصورة]

مديره المنتدى

والله ردودك جميلة جداً بجد تسلمى وربنا يبارك فيكى ويعطيكى كل اللى بتتمنيه

وبعدين أنا أتشرف بصداقتك طبعاً صوت الصمت ويسعدنى والله

المشرفات

شكرا للكل على المجهود
ونختار ملوكة يالا استعدى موافقة يازهرة

فنى المنتدى

فين ملك ؟؟؟؟؟؟؟؟؟؟؟؟؟؟
بعد أذنك بازهره
أكتبى مذكرة ظبط وأحضار لملك
ويتم بعث قوة لأحضارها وأجلاسها على كرسى الاعتراف

المشرفات

انا جيت اهو يا جماعه

ومنتظرة اسالتكم

مديره المنتدى

نورتى يا أجمل ملك كرسى الاعتراف

المشرفات

ايه يا جماعه انتو خايفين تسالو ولا ايه

انا كدا هزهق اوى وهمشى

» أهلا وسهلا بضيف كرسي الاعتراف محمد اسماعيل
» اجمل ترحيب بقمر دمياط
» لقائنا يتجدد على كرسى الاعتراف
» أهلا ببسكوتة كرسى الإعتراف((ملك))
» رشحت نفسى لكرسى الاعتراف

أهلا بقمر كرسي الاعتراف *صوت الصمت *

أهلا بقمر كرسي الاعتراف صوت الصمت