تورتة الايس كريم

نائبة المدير

تورتة الايس كريم

المقادير:
لصينيه مقاس 26
6 علب ايس كريم
بودر (2 فراوله -2فانيليا - 2 شيكولاته)- كيك اسفنجى للقاعدة - لبن - 3
مغلفات كريم شانتيه بودر- 2 باكو كريم كراميل بودر- شيكولاته مبشورة
للتزيين - كريز - مكسرات

نبطن الصينيه بورق الزبدة من القاع والجوانب
نبدا بتحضير اول طبقه من الايس كريم ....بالفراوله
نخفق محتويات علبتين ايس كريم فراوله مع كوب ونصف لبن الى ان يصبح قوامه مثل الكريم شانتيه
(ملحوظه : مكتوب على العلبه ان المحتويات تخفق مع كوب لبن او ماء ...يفضل
تقليل كميه اللبن الى ثلاث ارباع الكوب حتى يكون كثيف ولا يتكون فيه
بللورات ثلج ويظل متماسك عند تقديمه)
نصب الايس كريم فى الصينيه ونساوى الوجه جيدا وندخلها الفريزر تجمد لمدة ساعتين

نحضر الطبقه الثانيه ....بالفانيليا
بنفس الطريقه
انا خلطت معاها فواكه مسكرة وممكن تستغنى عنها
طلعى الصينيه من الفريزر وصبى فوقها الطبقه الثانيه وساوى الوجه جيدا ودخليها تجمد

حضرى الطبقه الثالثه ...بالكاكاو
بنفس الطريقه وضعيها فوق الطبقه السابقه وضعى فوقها طبقه الكيك الاسفنجى واضغطى عليها برفق
دخلى الصينيه الفريزر 4-5 ساعات

طلعيها من الفريزر
اقلبيها
انزعى ورق الزبدة من عليها وبكدة هاتكون طبقه الفراوله هى اللى فوق
حضرى الكريم شانتيه بالطريقه المدونه على العلبه
اقسمى الكميه نصفين
نصف اضيفى له بودرة الكريم كراميل واخفقيه جيدا هاتلاقى لونه اصبح اصفر
والجزء الثانى اتركيه ابيض
ادهنى وجه التورته بالكريمه الصفراء وزينيها بالشرائط بالكريمه البيضاء باى شكل تحبيه على حسب ذوقك وابداعك
وجملى الوجه بالشيكولاته المبشورة والبندق
جملى الجوانب
اما باصابع البسكويت مثل الموضح فى الصور
او شيكولاته فيرميسيل او مكسرات مفرومه على حسب رغبتك
دخليها الفريزر تجمد لحين التقديم

ممكن تلونى الكريم شانتيه بقليل من بودرة الجيللى لاعطاء لون روز خفيف ونكهه الفراوله

التزيين والشكل النهائى فيه مجال واسع لابداعك

المشرفين

اى الطعامه دى بس ياناس
شكلنا هناكل صباعنا وراها ههههههههههههههه

تسلمى عالمعلومات دى يابنوته

المشرفات

شكرا حبيبتى موضوع لذيذ جدا
عايزين نحلى وندوق التورتة ها هتدوقينا ولا اى؟

نائبة المدير

Mohamed Samy كتب:: اى الطعامه دى بس ياناس
شكلنا هناكل صباعنا وراها ههههههههههههههه

تسلمى عالمعلومات دى يابنوته

ههههههههههههههه

بالف هنا وشفا على قلبك يا محمد

نورت الموضوع

نائبة المدير

جميلة الروح كتب:: شكرا حبيبتى موضوع لذيذ جدا
عايزين نحلى وندوق التورتة ها هتدوقينا ولا اى؟

طبعا عنيا الاتنين

طيب ابعتها فين ههههههههههه

بالف هنا وشفا على قلبك حبيبتى

نورتى

المراقبة العامة

وصفه جميله

تسلمممممممممممممي

نائبة المدير

نورتى يا رحمه

منحرمش منك

» حلى الايس كريم
» انواع متنوعة من الايس كريم
» اسهل طرق لعمل الايس كريم فى المنزل
» تورتة لعيد الميلاد رائعة
» ايس كريم بالقشطة