السلام عليكم
شلونكم
الصراحة عندي قصة مؤثرة حبيت كلكم تقرونها
[القصه صارت على إحدئ شواطئ الخليج
فيه إثنين شباب راحوا على البحر يجلسون على الشاطئ ومعاهم عشاهم . وهم جالسين
يتعشون جتهم عجوز كبيره في السن وقعدت تلقط الأكل المنثور على الأرض وتأكل.
ولما شافوها قاموا ليها وقالولها إنتي جوعانه قالت أنا هنا من الصبح وما أكلت شئ
. جابني ولدي من الصبح وراح وخلاني وقالي راح أجي آخذك بعد شوي.المهم جابوا لها
عشاء وتعشت . وبعد ما تأخر الوقت شالوا أغراضهم وحسوا الشباب إن الوقت متأخر
والجو بدا يبرد ومايصير يتركون العجوز على الشاطئ لحالها في الليل وجاء واحد من
الشباب وقال لها عندك رقم ولدك نتصل عليه نخليه يجي ياخذك . قالت العجوز إيه معي
الرقم في ورقه . ولما طلعت الورقه . ايش تتوقعوا مكتوب فيها ؟؟؟؟؟
مكتوب ( من يجد هذه المرأه يأخذها لدار العجزه ) انصعقوا الشباب من المكتوب في
الورقه وجالسوا ساعه يترجون العجوز تمشي معاهم . ويحاولون فيها أنها تمشي أي
مكان تبيه هي يودونه عليها . أكيد العجوز رفضت أنها تروح معاهم لأن ولدها وعدها
إنه يجي ياخذها وتبي تستناه لما يجي.وكانت تقول ولدي راح يجي ياخذني وأنا راح
أستناه . ماتدري المسكينه إن ولدها تنكر لها ورماها في الوقت اللي هي فيه محتاجة
له .
المهم
راحوا الشباب عنها و تركوها على أمل إن ولدها راح يجي ياخذها حسب وعده لها. فيه
واحد من الشباب قعد يتقلب في الفراش وماقدر يرقد يفكر في مصير العجوز المسكينه
وقام من فراشه وغيره ملابسه وركب سيارته وراح للشاطئ . ولما وصل . شاف الاسعاف
والشرطه والناس مجتمعين ودخل بينهم شاف العجوز قد فارقت الحياة
ولما سألهم عن سبب وفاة العجوز قالو له أرتفع معها الضغط وماتت . ماتت من خوفها
على ولدها يمكن يكون صار له شيء . ماتت وهي تستنى ولدها يجي ياخذها . ماتت وهي
بعيده عن أهلها . الله يرحمها برحمته ويدخلها من أوسع أبواب جنته .أدعوا معي
آمين. أرجو من كل من يقرأ هذه القصه أن ينشرها لتكون موعظه لكل عاق لوالديه
وأن يعلق على هذا الموضوع لتكون الفائده أكثر
أين إذن سهر الامهات الذين يسهرون عليكن فهذا جزائهن