عايزة جسمك ناعم و بيلمع و ابيض
زي المثلين تعالي اقولك ازاي
عايزة جسمك منور زي المثلين تعالي اقولك ازاي
في حاجتين بيعملوا كدا :
اولا: الكريمات الملمعة
ثانيا : الحمام المغربي بصورة دائمة
انا بقي عملت خلصة بيتي و هي بصراحة تجميع لمجموعة خلاصات كتير قريتها علي
النت في المنتدي و برا المنتدي كمان
ماسك نعومة و بياض و لمعان لجسمك كله و النتيجة من اول مرة بس اكيد مع
المداومة هيبقي احلي
المكونات >>>>>> الفائدة منها
صابونة دوف > بتعمل كا منظف و ملطف غير بقي الريحة مقولكيش
ماسك بي وايت >>كل مكوناته طبيعية و اهمها الترمس المطحون
جلسرين >> نعومة و بيشيل اي سواد في الجسم و القشف
ماء ورد >> طبعا معروف لينا كلنا بفوائدة
ليمون
ملح (يفضل الخشن )>> الاتنين سوا بيعملوا كا مقشر بيساعد علي التخلص
من الجلد الميت
عسل ابيض >> نعومة و لمعان محصلش
لبن نيدو بدرة >> بياض
ممكن تعمليها بكمية كبيرة و تشليها في علبة كريم تستخدميها وقت ما تحبي و
ممكن تجهزيها لمرة واحدة بس
بصراحة انا بعملها طازة قبل كل مرة لكن لما قريتها البنت كانت عاملة علبة
كريم بتستخدم منها لكذا مرة
المهم نجي للطريقة
طريقة التجهيز
انا هقول ازاي تعمليها لمرة واحدة و انتي بقي لو حابة تعملي لكذا مرة
تضاعفي الكميات
>>> اول حاجة هنبشر الصابونة الدوف ( هي بتكفي ل 8 مرات مثلا ) فا
هتبشري 1/8 من الصابونة
و بعدين تنقعيها في ماء الورد لمدة ساعة و بعدين تضيفي 1/2 كيس البي وايت
عليها ( هي العلبة بيبقي فيها كيسين ب 2,5 ) و معلقة جلسرين كبيرة و
معلقتين عسل نحل و تعصري لمونة كبيرة علي الخليط و معلقتين ملح و معلقة
نيدو كبيرة
>>>>>و بعد ما تخلطيهم هتلقي ملمسهم زي الكريم تحطيه علي
النار الهاديه من 5 ل 10 دقايق
طريقة الاستعمال
تقفلي حمامك كويس و تفتحي الماية الساخنة قبل ما تدخلي ب 10 دقايق و بعدين
تدخلي تقعدي في البخار 10 دقايق ( تساعد علي فتح المسام )
استغلي الوقت دا و اعملي ماسك لشعرك و كمان حطي رجليكي في ماء و ملح علشان
الكعب كمان ينعم
بيتبتدي تفرديه علي جسمك كله و بعدين تدعكي بحركة دائرية كل الجسم و طبعا
ركزي علي الكوع و الركب و اي منطقة تاني غامقة حتي تحت الابط و المنطقة
الحساسة
و اتركيه علي جسمك 10 دقايق و بعد كدا يا سلام لو عندك ليفة مغربية و دعكتي
بيها جسمك
بعدين اشطفي جسمك بماء دافي ثم ماء بارد علشان نقفل المسام تاني
لو حبيتي >> بعد ما تخلصي الماسك اغسلي جسمك كله بالشاور او الصابون
العادي بتاعك
هتحسي بالنتيجة و الفرق من اول مرة بس مع المداومة هتلاقي ملمس جسمك ناعم
زي البيبي و لمعان النجوم و الاماكن السودة بتخف و مع التكرار بتفتح
