وصله النت

فنى المنتدى

دخلت المنتدى النهارده وانا فى نيتى حاجه

أنى أ شكر الراجل صاحب محل النت الى احنا موصلين من عنده وصله النت

لانه لازم وحتما ولابد اى حد موصل من عند الراجل ده ... يلاقى افكار وافكار وافكار

بصوا انا هكلمكم عنه .... وهوه متجوز على فكره احسن حد يطمع فيه ويلطشه ... واحنا الصراحه منقدرش نستغنى عنه

امال ايه؟؟ ... دا احنا بنحبه حب وبندعي عليه دعا .. قصدى بندعيله... بلاش توقعونا فى الغلط

الراجل ده انا بقيت بحقد عليه بجد

لان بيكسب مكاسب هائله مبالغ فيها جداااااااا

مشروع كسبان مليون فى الميه

واحسبوا معايا من باب الحسد يعنى

بصوا هو موصل لـيجى بتاع 20 بيت ماشى؟؟

اضربوهم فى متوسط عدد كل بيت 4 ماشى؟؟

متوسط كل واحد مخصص له - الراجل -نص ساعه

دا بالميت

بيقى النتيجه 20 فى 4 فى نص ساعه فى 30 يوم فى الشهر

يطلع المجموع 1200ساعه

ما بين شتيمه .. ودعا .. وسب .. وقذف

حولوا دول بالحسنات له .. يطلع مشروع مربح مليون فى الميه

سامع حد لئيم هنا.... بيقول زى محمد اخونا

يعنى هو يغلس ويرخم علينا ولما نقول غلس ورخم ياخد حسناتنا

يعم مش هياخد حاجه دا راجل ابن ستين تييييييييييييييييييت

دا ناقص بقى بعد كل الى بعمله ده انه ياخد من حسناتنا كمان

*****************************************
الحكايه بكل بساطه ان الراجل من اهم شعار عنده ان ( اخر حاجه راحه الزبون ) ولا يكتفى بهذا بل ويزيد ( زبون ايه الى هنقرف نفسنا بيه ) ما الزباين على قفا من يشيل

اولا ودى شهاده حق .... الراجل وهو بيكلمك فعلا ذوق ويفضل يتكلم معايا بكل ادب .... لدرجه انى بحس انى فعلا غلطان ....و ان راجل بالادب ده عمره ما يعمل الى انا جاى اتخانق بسببه

بصوا هحكيلم من الاول

انا رحت قلت للراجل ده انا عايز اوصل وصله من عندك ... اوك؟؟

قالى والله يا أستاذ صعب ... وانا مش بوصل لحد ... بس هوصلك انت خدمه كدا.. بس متقولش لحد ..( على اعتبار ان امه لا اله الا الله كلها مش هتشوف السلك خارج من المحل )

المهم قلتله اوك

قالى وكمان متعملش دون لود طول ما انا فاتح ... اعمل بليل انت حر لحد الصبح

قلتله اوك

قالى كمان متعملش دون لود لاكتر من 5 جيجا فى الشهر.. والنت اصلا سريع الخط بتاعى واحد ميجا ( خلو بالكم من دى)

قلتله كويسين شغال

قالى خلاص هات سلكك وحواراتك ووصل

لحد كده تومام

المهم شهر ... شهرين... تلاته وبقينا يجى 20واحد دا فى اقل تقدير

والخط نزل ل512 ... المهم هو مصمم لحد دلوقتى انه لسه ميجا

وبدأت الحرب والمكيده ... كل الناس بتستخدم النت كت ... وبرامج تانيه . .. وبما ان الدون لود بليل بس ... فالحرب تبدأ كل يوم الساعه12

ونفضل نقطع على بعض .. والى يكسب بقى

الصبح لو اى حد فى 20 سولت له نفسه انه يدون لود ايه الى بيحصل بقى؟؟

الراجل بمنتهى الهدوء ينزل يشيل كل السلوك... لحد ما السلك والله باظ وبقى يعلق لوحده

اقوم انزله يا عم فصلت النت ليه

يقولى حد بيعمل دون لود

اقوله طب بتفصل ع الكل ليه؟؟

يقولى وانا اعمل ايه ؟؟

طب شغله ... يقوم مشغله ... عشر دقايق ويفصله

يا عم انت والله ما بعمل دون لود

يقولى عارف يا أستاذ بس لازم عشان محدش يقول حاجه

يقول ايه يا عم وصل النت مش فاضيلك

مره نزلت لقيت ابنه ... بقوله فاصل النت ليه ؟؟

قالى اصل بلعب لعبه اون لاين عايزه سرعه

كنت هولع فيه يومها بجد

يوم نتيجه الثانويه ... مش معترض انه يفصل النت .. انما معترض انه فصله من الساعه 7

دلوقتى بقى لسته الشروط بتاعته

ممنوع دون لود الصبح

الروتر يستريح ليله كامله كل اسببوع

مواعيد فتح المحل من 8 الصبح ( والله بجد) لحد 12بليل

الى هيدون لود فيهم هيقطع رقبته

النت سرعته 512وهفضل اقول انه ميجا وان كان عاجبكم

دلوقتى كمان بقى يستخدم النت كت

شفت محل فى الدنيا يفصل بنت كت عن زباينه؟؟ هههههههه

نزلت قلتله انت فاصل النت بنت كات ( انا عندى برامج تعرف الكفت) قالى اه

قلتله ما انا هفصل عنك انا راخر

قالى هقوم شايل السلك بتاعك

تنحت له وقلتله طب شغل النت ربنا يهديك

فى الاخر انا وصلت لشعار الراجل ده ممكن يحطه على باب المحل

هنا محل ****** لتوصيل النت شرك للبيوت

والمثل بيقول يغور الشرك ولو فى العشا

فى الاخر قررنا فصل النت من عنده وجمعنا مجموعه مع بعض (3 أفراد) والحمد الله جبنا خط

الفايده من القصه ديه:

دعوه لكل الاعضاء أنهم لا زم يتصرفوا وأن كان الراجل اللى موصل من عنده (محترم)بردوا شوف مجموعه وأفصل من عنده

عضو هام

ههههههههههههههههههههههههههههههههههه

مالهااااااااااااااااا

ال

usb

مودم

ههههههههههههههههههههههههههههههههههه

عموما

اناااااااااااااااااااا

wireless

ولاقط شبكات كتير

ههههههههههههههههههههههههه

فنى المنتدى

تسلم يا ساجد
وبدل ما لاقط يبقى خلاص

نائبة المدير

هههههههههههههههههه يا عينى يا محمد ده عذاب

الله يكون فى عونك

انا بعد معاناه زيك كده مع الوصلات من السيبر ولانى كنت بحتاجه فى شغلى تعبت قوى

واخيرا جبنا وصله من السنترال

والحمد لله انك خلصت من المزعج ده

وصله النت 277148

فنى المنتدى

الحمد الله أن ربنا رحمك من الكلام ده
وعقبال الباقى

تسلمى بنوته على المرور

» هل تثق بمن تحدثهم على النت ؟
» في النت .. لشهر زاد
» قصة حب جاااااامدة من النت
» منكرات النت والمنتديات
» النت واضراره علي اطفالنا