صيام 10 ذو الحجه ارجو الدخول بسرعه

صيام 10 ذو الحجه ارجو الدخول بسرعه

صيام 10 ذو الحجه


السلام عليكم ورحمة الله وبركاته

اللهم صل على محمد وعلى آله وصحبه أجمعين

ياريت ال يدخل الموضوع يقراءه والله ما هياخد منك حاجه

اولا ازيكم يا احلى اخوات فى منتدى شباب وبنات دمياط

بصوا يا جماعه احنا داخلين على ايام مباركه وعيد الاضحى على الابواب وكل سنه وانتم طيبين

تعالوا بقا نشوف ازاى نتقرب من ربنا فى الايام الجايه دى ال هو شهر ذو الحجه طبعا فينا كتير لسه ربنا ماردش انهم يروحوا يحجوا فا تعالوا نتقرب من ربنا كانك بتجح وان شاء الله ربنا يكتبهالنا جميعا


بصوا بقا انا ان شاء الله هصوم ال 10 ايام الاولى من ذو الحجه وعايزاكم معايا نصومها ونقرب من ربنا اكتر فيها ونكثر بالدعاء

تعالوا نشوف ايه هو فضل صيام الايام دى


روى عن فضل الأيام العشر من ذى الحجة انة من صام هذة الايام أكرمة اللة تعالى بعشرة أشياء هى :

1- البركة فى العمر 2- الزيادة فى المال 3- الحفظ والبركة فى الاولاد 4- التكفير للسيئات 5- مضاعفة الحسنات 6- التسهيل عند سكرات الموت 7- الضياء لظلمة القبر 8- التثقيل فى الميزان 9- النجاة من دركاتة 10- الصعود فى درجاتة


تخيلوا بقا انتم الفضائل دى
تعالوا كمان نشوف ايه تانى

روى بن عباس عن رسول الله صلى الله علية وسلم أنة قال :


اليوم الذى غفر اللة فية لأدم علية السلام هو أول يوم من ايام ذى الحجة من صام ذلك اليوم عفر اللة لة كل ذنب.


اليوم الثانى هو اليوم الذى استجاب اللة فية دعاء سيدنا يونس علية السلام وهو فى بطن الحوت من صام ذلك اليوم كمن عبد اللة سنة كاملة ولم يعصية طرفة عين


اليوم الثالث هو اليوم الذى استجاب اللة فية دعاء سيدنا ذكريا من صام ذلك اليوم استجاب اللة دعاءة.


اليوم الرابع هو اليوم الذى ولد فية سيدنا عيسى علية السلام من صام ذلك اليوم ينفر اللة عنة الفقر والبؤس.


اليوم الخامس هو اليوم الذى ولد فية سيدنا موسى علية السلام من صام ذلك اليوم انجاة اللة من عذاب القبر.


اليوم السادس هو اليوم الذى فتح اللة فية لنبية كل ابواب الخير من صام ذلك اليوم ينظر الية اللة بالرحمة ومن نظر اللة الية بالرحمة لا يعذبة ابداً


اليوم السابع هو اليوم الذى تغلق فية ابواب جهنم فلا تفتح حتى تنتهى الغشر ومن صام ذلك اليوم فتح اللة لة ثلاثين باباً من اليسر واغلق عنة ثلاثين باباً من العسر.


اليوم الثامن هو يوم التروية من صام ذلك اليوم أعطاة اللة من الخير مالا يعلمة الا اللة سبحانة وتعالى.


اليوم التاسع وهو يوم عرفة من صام ذلك اليوم كان كفارة للسنة الماضية والسنة المستقبلية وهو اليوم الذى انزل فية اللة تعالى ( اليوم أكملت لكم دينكم) صدق اللة العظيم.


اليوم العاشر وهو يوم العيد ويوم التضحية ومن قرب فية قرباناً كان كفارة لكل ذنوبة .

طيب شوفت اد ايه الايام دى مباركه اكيد دلوقت بعد ما قراتم الافضال دى اكيد كلنا هنبدا نصوم الايام دى

على فكره هما 9 ايام مش 10 لان اليوم العاشر هو يوم العيد ال بنضحى فيه ومش بنصوم

تعالو بقا نتفق على حاجات نعملها وطبعا ال يذود عليها يجزيه الله كل خير وياريت يفيدنا بيها

اولا اتفقنا مع بعض ان احنا نصوم تمام

ثانيا نقراء جزء من القران حتى لو سوره او ال ميقدرش يقراء يشغل قراءن ويستمع اليه


ثالثا نتصدق بجد والله اد ايه شىء جميل انك تفك كرب مسلم او مسلمه كتير منا محتاجين ايه يعنى لو هتودى لواحد او واحده اقل ما يمكن مثلا 20 جنيه فا اكثر فااقل كل واحده ومقدرته واحنا داخلين على العيد واكيد دا هيفرحح ويساعد كتير وكمان فى كل بيت حاجات نتبرع بيها للجمعيات الخيريه او للناس الغلابه زى اللبس جزء من الاكل زى الرز والسكر والشاى والمكرونه والله لو كل واحد فينا ادى كيس سكر واحد وكيلو رز واحد وازازه زيت واحده وهكذا لكل محتاج دا هيساعد كتير ومتستقلش الموضوع لان انت وغيرك بيساعدثالثا الناس ال مش مواصبه فى الصلاه تحاول تقرب من ربنا فى الفتره دى ونتداوم عليها فى الجوامع والنساء فى البيت



رابعا الاستغفار بيفتح جميع الابواب المتقفله ليه واحنا قاعدين كدا منقولش استغفر الله العظيم من كل ذنب عظيم مش هتاخد منك حاجه


خامسا الدعاء ادعى ربنا ولح فى الدعاء وخلى عندك يقين ان ربنا ان شاء الله يستجيب ربنا بيحب العبد الملح فى الدعاء يبقا ليه ماتخليش ربنا يحبك


كدا هنبقا طلعنا بحسنات اد ايه فى الفتره دى ومحينا سيئات اد ايه ومسحنا دمعه وفرجنا كرب اد ايه


ربنا يتقبل منى ومنكم ان شاء الله

الموضوع مش منقول ياجماعه ومنقلتش غير الافضال عشان التاكيد مش اكتر ياريت الاقى تشجيع ونعاون بعضنا هنا على الخيراول ايام ذو الحجه هيكون يوم الجمعه الجايه ان شاء الله وانا لو افتكرت حاجه هكتبها وال عنده حاجه تقدر بيها تساعدنا ياريت يكتبها وانا مش عايزه كلمه شكر ولا اى شىء غير الدعاء بفك الكرب والحزن عنا وعن جميع المسلمين وينولنى ال فى بالى


اه ونسيت اقول ان ان شاء الله هكتب كل يوم هنا دعاء وهكتب فضل الدعاء ايه وعلى اد ما اقدر ان شاء الله يكون دا كل يوم


استودعم الله الذى لا تضيع ودائعه

بصراحة موضوع رائع جدا



وحقيقى انا بصوم الايام دى كل سنة من غير ما اعرف الفضائل



جزاك الله خيرا وتقبل الله منا ومنك

[ندعوك للتسجيل في المنتدى أو التعريف بنفسك لمعاينة هذه الصورة]

شكرا لكى همسه



تسلمى على مرورك الكريم

جزاكى الله خيرا

جزاك الله خيرا على الطرح

موضوع قيم بجد ومفيد جدا

يارب الناس تقراه
والله قراته واثر فيا
بارك الله فيكي يا رب وجعله في ميزان حسناتك
دمتي لمن تحبين دائما وابدا يارب
وسامحيني علي ردي الاكثر من متواضع

شكرا لكل من رد على موضوعى وربنا يكرمنا كلنا



وشكرا ياجبل



وبجد انا سعيدة انى موضوعى مفيد