ولد قاعد على النت 24 ساعة
أبوه قاله : لو مذاكرتش هقطع النت
الولد رد وقال : انت ناسى آخر واحد قطع علينا النت عملنا فيه ايه
**********************************
يعنى ايه ثورة 25 يناير ؟؟
يعنى بلوفر شفيق يبقى أشهر من شفيق نفسه ،
والراجل اللى ورا عمر سليمان يبقى أشهر من عمر سليمان نفسه
يعنى الناس تفرح بالحريه ، و طلبه الثانويه يفرحو بإلغاء الباب الـ15 من الفيزيا
يعنى تبقى واقف طالع عينك فى اللجنه الشعبيه ، وأمهات المنطقه بيفكروا فى عرسان لبناتهم من اللجنه
يعنى فرده الشبشب اللى ضاعت فى مصيف أولى ثانوى .. تلاقيها فى ( أمن الدوله )
والشرطه تاخد أجازة نص السنه والناس هي اللي تمسك البلطجيه
وإننا مننساش نغني لماما سوزان في عيد الأم أس المصايب يا لئيمه انتى
وان كل الناس تستني مبارك هيتحاكم امتى , ولسه في جرايد بطمنا علي صحته النفسيه وإنه لسه بيصبغ شعره
*********************************
فى أجازة السنة ديه
شيلنا مبارك و3 حكومات وغيرنا النظام
واتضربنا من البلطجية واتضربنا بالرصاص
وحرقنا عربيات الأمن المركزى وأقسام الشرطة
والجيش نزل واتصورنا مع المدرعات والدبابات
تفتكروا فى الأجازة الجايه هنعمل ايه .
***************************
عاجل :
صرح القذافى إلى أحد المقربين إليه أنه نوى الإنتحار
بس خايف ليموت .
******************************
لما أبوك يسيب الأخبار فى التليفزيون وييجى يقولك شوف الناس بتقول ايه على تويتر
ولما تلاقى أهلك بيفتخروا بيك قدام الناس إنك مبتقومش من على الفيس بوك
ولما تلاقى الجيش بيبعتلك رسايل أكتر من خطيبتك
يبقى أنت أكيد أكيد فى مصر .
********************************
ندعوكم لمظاهرة مليونية لرجوع حرف الذال إلى جوار باقى الحروف فى الكيبورد ,
بدل المشورة وراه كل شوية .
***********************
يا واخد الدستور على تعديلاته , تروح التعديلات ويفضل الدستور على حاله .
تحلفلى أصدقك , أشوف دستورك أستعجب .
الدستور اللى يجيلك منه الريح , جدده واستريح .
الناس خيبتها السبت والحد , وترقيع الدستور ماورد على حد .
*********************************
