الجواز زى البطيخة مثل بيتقال
وانا عن نفسي موافقة علية مافيش حد بيعرف البطيخة الا لما يفتحها وياكلها
هههههههههههه سورى قصدى ان اى بنت او شاب مش هيقدر يحكم على شريك حياتة اذا كان فعلا كويس ولالا
لو بنت جالها عريس واهلها سئلوا علية مابين الشغل والجيران للاسف مش هيوصلوا لاى حاجة يمكن لاننا فى زمن كله بيقول يلا نفسي انا هجيب لنفسى مشاكل لية
لا خلاص يااه فلان دة محترم هو فى زيووة انا لوليية اخت مش هستخسرها فية استخسرها اية دة كنت هخطباله زى مابيقووا اخطب لبنتك ولا تخطبش لااابنك
دة محترم دة مابيسبش فرض دة فى الجامع كل صلاة دة صوتة مش بيطلع منه عمرة ماعمل مشكلة لا فى الشغل ولا ف البيت
مممممممممم وبمجرد ان الموضوع يتفشكل تلاقى نفس الشخص يقابللك ويقوولك دة ربنا بيحبكم ياجدع انة ماووقعكوش فى نسب زى دة
هو فى كدة ياراجل دة صوتة بيجيب لاخر الشارع دة مجرم وبتاع مشاكل
بالرغم ممكن يتقدم للبنت عريس محترم وفى حاله جدا لكن اللى بتسالوة مش بيحبة لاى سبب من الاسباب ممكن يكون غيران انة فكر يخطب ومش فكر فى اختة ولابنتة
ويقوولك وهو هيتجنن ازاى ساب اختة اللى محدش معبرها ولا هيعبرها ويقوولك لا ابعد عنه دة اعوذ بالله
مممممم بس بقوولك لاتجيب سيرة انى قولتلك حاجة احنا مش ناقصين يجيلنا ولا يولع فينا
للاسف دلووقتى الحل هو التجربة
لاننا لو قلنا مثلا فى فترة خطوبة هتلاقى اللى بيحصل زى دة
البنت والولد يلبسوا اشيك حاجة عندهم دة غير انهم طول اليوم تحت الدش وتلاقيهم على سنجة عشرة
شعنونة هانم تلاقيها الرقة كلها هو فى فى رقتها صوتها مش بيطلع منها
هومهما نرفزها مش مهم هتستحمل وتصبر اومال تسيبة يضيع من ايدها بغباء تستحمل ولما يتجوزوا هيطلع عين ابوة هو انت فاكرنى طيبة وهسكتلك ولا هفك خطوبتى عشان طنط وعمو يشمتوا فييا بس والله لوريك
لما يتقفل بابنا علينا
والعروسة مامتها واقفة طول اليوم تطبخ عشان ننوس بنتها جايلها خلاص وهى ارفانة من بنتها اخر ارف واملها يشيلها النهاردة قبل بكرة دى الست طلع عينها من بنتها
واول اما تقابلة تعمل انها امه واكتر وهاتك يااحضان وبوس ودلع هو فى كدة وتعالى اتغدا وهى من جواها بتقوولوة اطفح بالسم الهارى دة احنا مش هنطبخ طول الشهر بسببك دة احنا دفعنا كل مليم فى العزومة وتكمل
شفت العروسة هى اللى عملت دة كله وهى ولا بتعرف تسلق المكرونة
وهو طبعا يمثل ويعمل انة الاخ المكسوف اللى مش قادر يكمل الطبق لكن هو علية هيموت ويااكل بايدة ورجله كانة اخر مرة يااكل هو يلاقى فى استهبال كدة تانى
مسلسل بيحصل كل يوم مممممممممممممممممم
طب هنعرف ازاى هو ولا هى حقيقتهم ماهو مهما قعدوا مع بعض مش هيقعدوا اكتر من ساعة ولا 2
وهيحاولوا يظهروا احلى حاجة عندهم دة حتى لوقعدوا 24 ساعة هيبقوا عارفين انهم هيسبوا بعض كمان شوية فهيمسكوا نفسهم
و لاهو هيقووم بدقنة اللى بتطلع كل كام ساعة
ولا هى هتقووم بشعرها المنعكش والعماص في عينها يع بجد
الخطوبة اكبر فترة للتمثيل
ان من اهم واغلى القرارات التى يتخدها اى انسان هو الزواج فمنها سيحدد مصير حياتة بالكامل وهنا تاخد خطورة الا ختيار المناسب ويجد نفسه يفكر كثيرا راجيا من الله ان يلهمه الصواب فى حسن الاختيار ويتحير كل منا فى اختيار شريك حياتة فلكل منا مواصفات معينة يرجوها فى اختيار من يتزوجة وتللك المعايير تبدا بالشكل العام والمظهر والمستوى الاجتماعى
