ماهو فتى احلامك

عضو هام

بسم الله الرحمن الرحيم
تعالو نشوف مواصفات فتى احلامك ايه ؟

لو سألت أي بنت ايه مواصفات فتي أحلامك ؟؟

..
..
..
..

قبل ما تقولك طيب وحنين ووسيم وكل الصفات دي

هتقولك " عايزاه راجل بجد " ....

قعدت أفكر كتييييييير يعني ايه واحد "راجل بجد "؟؟!!!

ووصلت لشوية اجابات ..

• الراجل اللي بجد ... عمره ما يضحك علي بنت أو يستغلها ويوهمها انه بيحبها لمجرد أنه بييسلي وقته ..

• الراجل اللي بجد .. تقدري تعتمدي عليه وتغمضي عنيكي وتمشي وراه ومتبقيش خايفه لأنك عارفه وواثقه انه عمره ما هيتخلي عنك

• الراجل اللي بجد .. عمره ما يطلع سر بينه وبين واحد صاحبه

• الراجل اللي بجد .. عمره ما يتخلي عن مسؤليه أو يتهرب منها

• الراجل اللي بجد .. عمره ما يصاحب بنت ويروح يتكلم عليها مع أصحابه

• الراجل اللي بجد .. هو اللي أول ما الدنيا تقفل في وشك تلاقيه جنبك ضهرك وسندك

• الراجل اللي بجد .. مبيبقاش فرحان بيكي وهو ماشي جنبك وأمة لا اله الا الله بتتفرج عليكي

• الراجل اللي بجد .. هو اللي عمره ما يمد ايده علي واحده لأنه مش محتاج يعمل كده عشان يثبت رجولته

• الراجل اللي بجد ...هو اللي يقول الحق ولو علي رقبته

• الراجل اللي بجد .. عمره ما يبقي ماشي فرحان بعضلاته ويتمنظر بيها قدام البنات (لأن الرجوله جواه شئ أكبر من مجرد جيم وعضلات )

• الراجل اللي بجد .. عمره ما يفرض نفسه علي واحده رافضاه

• الراجل اللي بجد .. هو اللي هتحسي معاه انك انثي .. عمرك ما هتقدري تعلي صوتك قدامه .. في شئ جواه هيجبرك انك تلتزمي الصمت

• الراجل اللي بجد .. هو اللي يقدر يستوعبك وقت ضعفك ..

• الراجل اللي بجد .. عمره ما يستغل حب واحده ليه عشان يضغط عليها

• الراجل اللي بجد ...ممكن ميجيبلكيش كل حاجه بس وجوده جنبك هيخليكي حاسه انك ملكتي كل حاااااااااااااااجه

• الراجل اللي بجد ... عمره ما يكون محبط ولا يائس ولا شايف الدنيا سوده

• الراجل اللي بجد مش شنب ولا عضلات ولا طول وعرض !!!!

• الراجل اللي بجد مواقف وأفعال ... حاجات كده أكبر من أنها تتوصف بكلااااااااام

• الراجل اللي بجد ... مبيمشيش ياكل لبان في الشارع ماهو فتى احلامك Biggrin

:P:P (اعذروني بجد بس والله بتغاااااااااظ )

• الراجل اللي بجد .. عمره ما يلاقي واحده كاتبه نوت أو استاتيوس ويدخل يغلس أو يشتم ماهو فتى احلامك Biggrin

فى حد يحب يضيف اى معنى تانى للرجولة ؟

اوعى تنسى التقيم والردود الحلوه
والدعوه
احبكم فى الله
فى رعايه الله

المشرفات

بارك الله فيكى ورزقك بالزوج الصالح

ماهو فتى احلامك 39581543edfbf96dcd61d29c56671a1a

» كيف تحول احلامك الى واقع تعيشه
» ما هي صفات رجل احلامك؟! وهل تطلبي المستحيل!
» ماهو الكنود؟؟
» امريكي سأل عربي : ماهو حلمك
» ماهو الصوت الذي يتكرر كل 4 دقائق