حاجة كدا من اللى بتحرق الدم ...خش مش هتندم يا جميل

مديره المنتدى

ملحوظة هامة : اللى بيعانى من اى اضطرابات فى ضعط الدم سواء كان ارتفاع أو انخفاض فمن مصلحته انه يفوت الصفحة دى و بلاش يشيلنى ذنبه لو جراله حاجة_الواحد مش ناقص و قد أعذر من أنذر.

- صخرة وقعت من فوق العمارة لوح الازاز اللى تحتها متكسرش لية ؟

عشان ماوقعتش عليه

- طب فرخة بتعدى الشارع ماتت فجأة لية ؟

الصخرة وقعت عليها

- لية ملخفن بيحط جنبه كباية شاى وهو نايم ؟

علشان الشاى منبه

- طب لية بيحط جنب كباية الشاى وفنجان قهوة ؟

علشان لو الشاى مرنش

- طب لية بيحط جنبه كباية مية فاضية و كباية مليانة ؟

علشان ممكن يشرب و ممكن ميشربش

- و ليه بيحط ملح على راسه ؟

علشان يبقى حدق

- حاجة طايرة فى السما و بتقول نياو اية هى ؟

قطة بيضاء مضروبة بالشلوت

- طب حاجة سودة طايرة فى السما و بتقول نياو اية هى ؟

غراب بيستهبل

- طب حاجة بنى طايرة فى السما و مبتقولش اى حاجة اية هى ؟

فردة الجزمة بتاعة الراجل اللى ضرب القطة البيضاء

- طب حاجة سودة طايرة فى السما و مبتقولش حاجة اية هى ؟

غراب عاقل و مبيحبش الاستهبال

- طب حاجة سودة و فيها خط أحمر و طايرة فى السما من الشرق للغرب ايه هى ؟

ذبابة لابسة فستان سواريه و حاطة روج أحمر و رايحة فرح واحدة صاحبتها

- طب حاجة سودة و فيها خط أحمر و طايرة فى السما من الغرب للشرق اية هى ؟

نفس الذبابة نسيت حاجة فى البيت فرجعت تجيبها

- حاجة سودة ماشية فى الصحراء اية هى ؟

سرب نمل رايح يعزى

- ايه هو الحيوان الاخضر الصغير اللى بياكل الزلط ؟

هو ابن الحيوان الأخضر الكبير اللى بياكل الزلط

- ايه هو عكس كونكريت ؟

لا تكن كريت

- ايه هو عكس تلميذات ؟

Don't tell me that

- حاجة ماشية على الارض و بتعمل زززززززز _ ايه هى ؟

صرصار راكب موتوسيكل

- طب ناس دخلوا شقة فعرفوا ان فيها صراصير _ عرفوا ازاى ؟

لقوا الموتوسيكلات راكنة جنب البلاعة

كفاية كده عليكوا علشان أنا عارف اكيد عايزين تكسروا الشاشة دلوقتى أو تقتلونى