كم عمرك؟؟؟
سؤال لا يفضله الكثير من السيدات ومنهن من تعتبره من الممنوعات
لماذا؟؟؟؟
تعالو نناقش الموضوع دا فى
حملة سماء الإبداع
هل انتى بتقولى سنك عادى ولا ما بتفضليش ؟؟؟؟
سواء كنتى صغيرة او كبيرة ممكن يكون مش مفضل بالنسبالك انك تقوليه
ياترى ايه السبب؟؟؟
هوه اكيد فى اسباب كتير ممكن تمنعك انك تقولى سنك
ومنها اللى حابة اتناقش فيه النهاردة معاكوا
مثل انك لو صغيرة ماحدش بيديكى التقدير الكافى رغم ان عقليتك كبيرة
ولو انك كبيرة ممكن ماحدش يحكيلك اسراره ويدردش معاكى على اساس انك مش من جيله فامش هاتقدرى تستوعبيه
على فكرة انا حصل معايا الموضوع دا كتير جدا
انى اسأل واحدة سنك كام من باب التعارف وترفض وانا مش بزعل خالص
بس بعد ما نتعرف على بعض اكتر واكتر تقولى سنها من غير ما اسألها
ويوضحلى ان سبب رفضها ان سنها كبير عنى اواصغر منى بكتير
وتكون قلقانة ان دا يمنع تواصلها معى فى الصداقة او الحوار
رغم ان المفروض الواحد يعامل اللى قدامه على قدر عقليته مش سنه
(خاطبو الناس على قدر عقولهم) مش بقدر عمرهم
هل انتى من اللى بيفرق معاكى عمر اللى قدامك؟؟
يعنى لو اتعرفتى على صديقة عبر النت مثلا وبعديها اكتشفتى ان سنها مثلا فى عمر والدتك او ابنتك
هل هاتتركيها مجرد ماتعرفى سنها حتى لو فى تواصل فى الفكر؟؟؟؟؟؟؟؟؟؟
هل موضوع السن بيفرق معاكى؟؟؟؟
افتح باب النقاش وانتظر ارائكوا .
