1_ لو عاوز تعرف سبب كل اللي بيحصل دلوقتي
الاجابة في كلمتين :
" انا أو الفوضي "
2_ لو سألت ابوك او عمك ايام النكسة أسوأ ولا ايام الثورة
هيردو عليك علي طول :
" ايام النكسة المصريين كانو بيموتو علي ايد يهود
ايام الثورة المصريين بيموتو علي ايد مصريين "
3_ لو حبيت تعرف ايهما يعاني منه الشعب اكتر
الامراض النفسية ام العضوية :
"أنزل اشتغل في مستشفي "
4_ مش غريب لما تلاقي مصري مأجور بيقتل مصري عشان 200 جنيه
ده قبل الثورة كنت بقرأ في الجرايد
" 2 صحاب يطعنو بعض عشان 15 جنيه "
"أب يذبح زوجته وبناته لعدم قدرته علي تحمل نفقاتهم "
5_ مش غريب لما تلاقي ثائر بيشمت في سلفيين بيموتو
"ما السلفيين نفسهم قالو ايه اللي وداها هناك "
6_مش غريب لما تلاقي الناس مش بتترحم عليك لما تموت
" محنا خدنا علي منظر الدم ومش بنتأثر باللي بيحصل وبقينا باردين "
ــــــــــــــــــــــــــــــــــــــــــــــــــ
7_ أخي الاخواني : المطلوب منك ان تبقي صاحب مبدأ وليس صاحب مصلحة .
8_ أخي السلفي : المطلوب منك ان تطبق الشريعة علي نفسك وبيتك قبل متطلب تطبيقها علي الشعب .
9_ أخي المسيحي : المطلوب منك رباطة الجأش ووأد الفتنة والصبر
أخي المصري : لا تفقد الانتماء مهما حصل
