الكهرباء قطعت فى المنتدى !!!!!

عضو برونزى

حبيت أفرفش القسم ده شوية ..
طبعا أنا ليه منزله الموضوع ده !؟
شغلوا عقولكم شوية كده !!

ما أنا قايله حبيت أفرفش القسم ده
ههههههههههههههههههههه

طب يلا نتخيل مع بعض حاجه بس بصوت عالى
وبما إن الخيال شيئ إفتراضى .. فهنعتبر الإجابات برضه إفتراضية ..
هنتخيل مع بعض إن الكهربا قطعت فى المنتدى .. دا يعنى على إعتبار رسوخ مبدأ الأسرة الواحدة وآل يعنى بنشوف بعض وكده ..
هاطرح أسئلة وهختار عضو يجاوب عليها ولما أخلص عليه .. قصدى يخلص رد عليا أختار أنا عضو تانى
أو يختار الضيف عضو بعده وهكذا
يعنى لو حب يختار عضو تانى مش مشكلة .. ترك لى الإختيار مش مشكلة برضه

ندخل بقا على الأسئلة :-

1 - مين تتوقعه من الأعضاء اللى هيقطع الكهربا عن المنتدى !؟

2 - مين اللى هيغمى عليه م الخوف لما الكهربا تقطع !؟

3 - مين للى لما الكهربا هتقطع هيضحك ضحك مستمر !؟

4 - مين الجدع اللى هيدور على مصدر ضوء بديل !؟

5 - مين اللى هيحرص أوى على تخويف الأعضاء ورعبهم !؟

6 - " أهلا إنت فين يا " .. لمين تقولها !؟

7 - مين تتخليه اللى هايدور عليك فى الضلمة لغاية ما يلاقيك !؟

8 - مين اللى هيبقا عصبى وطول الوقت يسب ويلعن ف اللى قطع الكهربا !؟

9 - " اللى هيخوفنى هاديله بوكس فى عينه " مين من الأعضاء اللى هيقول الجملة دى

10 - مين العضو اللى هندور عليه كلنا !؟

11 - مين اللى هيبكى من إنقطاع الكهربا " غالبا هتكون عضوة مش عضو هههههههه "

12 - مين العضو اللى هيتمشى فى المنتدى ولا كأن فيه شيئ حاصل ولا ضلمة بقا ولا هامه حاجة !؟

13 - " دا وضع مقرف أوى" مين العضو اللى هيقول كده !؟

14 - مين لما الكهربا ترجع تتمنى يكون واقف جنبك .. وليه !؟

15 - مين العضو اللى هتقلق عليه وكل همك تلقاه .. وليه !؟

16 - " دى مهزلة من وزارة الكهربا والطاقة " مين اللى هيقول الجملة دى !؟

17 - " ما تخافوش الكهربا مش هتغيب كتير" مين العضو اللى هيثبت قلب الأعضاء بالجملة دى !؟

18 - " أخيرا شوفتك " لمين هتقولها !؟

19 - لما الكهربا هترجع هتلاقى إيدك فى إيد حد تانى .. مين تتمنى يكون الحد ده .. وبرضه ليه .. ها ليه !؟

20 - عضو بيتضح بعد الكهربا ما ترجع إنه كان معاه بطاريات ومخبيها تفتكر مين العضو ده !؟

طبعا انا عارفة ان الموضوع عجبكم

وطبعا هو ملطووووش
يلا بقى لو عجبتكم الفكرة
هنختار اول عضو معانا
ولو معجبتكوش

برده هنختار اول عضو معانا

اجباااااااااااااااااااار

مديره المنتدى

موضوع جميل يا قمر يلا اختاري عضو بقا

عضو برونزى

اتفضلى يازهرة انتى اول عضوه

» الكهرباء قطعت فى المنتدى !!!!!
» باكستانية.. قطعت زوجها وطبخته
» تزيين مفاتيح الكهرباء
» انقطاع الكهرباء عن قرى دمياط لفترات طويلة
» قطع الكهرباء عن عدد من مناطق دمياط "غدا" تعرف عليها