قصه مؤثره جدا ( تجعلك تبكى ) :
فى يوم من الايام دخلت واحدة زى القمر
مطعم شيك ومحترم وكان معاها شنطة صغيرة فيها علبة صغيرة
...
دخلت وقعدت وفضلت تندة على المتر..........
...
بس بس بس يا متر
... ...
الراجل المتر جه وقالها :امرك يا هانم
قالتلة:عايزة واحد اسكالوب وواحد سلطة
قالها :بس كدة حاضر
قالتلة:لا وكمان عايزة اتنين جوز حمام وتلاتة كيلو كباب وفرختين
الراجل عينة وسعت وبرنق كدة وقال بس هنعمل شغل جامد انهاردة
وقالها:بس دة كتير يا هانم هوة انتى مستنية حد ؟
قالتلة:لا الحمام والفراخ والكباب للحشكبوللى الصغير
الراجل بص للسقف يمكن يفتكر حد يكون اسمة حشكبوللى ولاحاجة
وقالها حشكبوللى؟
تحت امرك
الراجل مشى وعمال يفكر مين حشكبوللى دة انا مش شايف معاها حد
مشى وجاب الطلبات وفضل قاعد مراقب انة يشوف مين
الحشكبوللى الصغير دة
الست قعدت تاكل فى الاسكالوب والسلطة وسايبة الباقى زى ماهوة
الراجل قال بس اكيد الحشكبوللى الصغير لسة موصلش
المهم الست خلصت اكل وطلعت العلبة الصغيرة اللى كانت فى شنطتها
وقعدت تدخل الاكل جوة العلبة
والراجل قاعد يتفرج ودماغة هتشيط
والست تدخل الاكل ويخلص وتدخل اكل تانى وبردو بيخلص
المهم الاكل خلص
خدوا بالكوا دول تلاتة كيلو كباب وفرختيتن و2 جوز حمام
ونادت تانى:بس بس بس يا متر
الراجل راحلها بعد ماعينية احولت طبعا
وقالها:تحت امرك يا هانم
قالتلة :معلش اصل الحشكبوللى لسة جعان مشبعش
هاتلة كمان
تلاتة كيلو كباب و2 جوز حمام وفرختين
قالها:تحت امرك يا هانم
والراجل يا عينى مشى وهوة بيعرج وجابلها الاكل
وحصل نفس اللى حصل فى الاول والاكل خلص
ندهت للمرة التالتة للراجل
قام الراجل
قالها:اكيد الحشكبوللى لسة مشبعش انا عارفه طفس
قالتلة :وانت تعرفة منين دة محدش شافة قبل كدة
روح يالاهاتلى دستين جاتوة وفروت سلاد و3 ام على
علشان الحشكبوللى عايز يحلى
الراجل مشى يلعن فى اليوم اللى اتولد فية وشاف العجايب دى
وقال عليا الطلاق من البت شلبية اللى متجوزتهاش
مانتى ماشية قبل ماعرف العلبة دى فيها إية
راح الراجل جاب الحاجة والست قعدت تدخل الاكل جوة العلبة
لحد ماخلص
وندهت للراجل
ماتخافوش المرة مش هتطلب اكل
قالتلة فين الحمام عايزة اغسل ايدى
الراجل قال فى نفسه
بس فرصة وجات لحد عندى هفتح العلبة واعرف مين الحشكبوللى دا
المهم مكدبش خبر واول ماالست راحت الحمام فتح العلبة
فتح العلبة وبص فيها
.
.
.
.
.
.
.
.
.
لقى حشكبوللى صغير
