اللى فاكر انه مـلَكْ الدنيا بشوية فلـوس .. غلطـان
واللى فاكر انه يؤمـر .. ينهـي .. بشوية نفـوذ .. غلطـان
واللى فاكـر فقـره هَمـ كبيــــر عليه
غيـره معاه الكــــــون .. و بـردو الفقـر فيـه
هو انت فـاكـر ان فقـرك هو نقص مال و نفـوذ ؟
و ان اللى يلبس و يصرف و يسهـر .. نقـول عليـه محظـوظ ؟
*
*
*
*
*
*
*
*
*
*
*
*
الفقر إنك تكون عايش و فيـك الــروح ... و مش راضى
الفقــر ان ربنـا يستـرك و يأكلك ... و تقول ده شىء عـادى
الفقـــر يكون معــاك صحـه مش عارف قيميتهــا .. و غيرك مش لاقيها
أقـولك : الدنيا مش دايمـالك ، و بردو ماسكلى فيهــا
ما تفـوق و تعرف انت جيت الدنيا ليــه
فكّر و دوّر .. شـوف معـاك من نِعَمُــه إيـه
لو لقيـت الصحـه .. ارضــــــى
ده غيـرك نفسه فيهـــا
لو لقيت إيـد بتتمــد و تطبطب عليـك
حقك تقول يابختى بيهــــا
ولا راحة البــال .. دى نعمـــــه
ياللـّــــــــــه عليها
