بنت مصر
المشرفات
 | | موضوع: شوفتوا عمايلى .... شوربة وجمبرى مقلى السبت 21 أبريل - 11:43 | |
|
انا بحب اوى المثل اللى بيقول : ادى العيش لخبازه 
علشان كدة كنت لما اشترى حاجة جاهزة والاقيها حلوة
وماارضيش اعملها فى البيت
واقول اشتريها احسن لانى لو عملتها مش هتبقى حلوة
امبارح بقى والنهاردة
قـــــــــــــــررت انى اغير تفكيرى
ورحت اشتريت جمبرى مجمد وعملته فى البيت بدل مااشتريه جاهز من المطعم
ندخل بقى الموضوع على طول
اولا : الجمبرى
ممكن تشترية طازة وتنضفيه فى البيت
او تشترية مجمد ومتنضف جااااهز
انا افضل انك تشترى المجمد
بس خلى بالك من تاريخ الانتاج والصلاحية
وخصوصااااااااا فى الصيف
وخلى بالك كمان منه انه يكون مجمد
لااااااااااااااااااازم يكون مجمد اوعى تشتريه وهو سايح ( لانه احيانا الكهربا بتقطع او اصحاي المحلات بيفصلوا التلاجات علشان فاتورة الكهربا )
خلاص كدة اشترينا الجمبرى
نعمل فيه ايه بقى ؟؟؟
لو هنشترى كيلو مثلا ( ودى كمية كبيرة ) وانتى عايزة تعملى شوية صغيرين
يبقى تطلعى كمية على قد اللى هتستخدمية وتسبيه بره التلاجة وتغلسيه كووويس اوى بالمية
اووووووووووووووووعى تطلعى الكيس كله يسيح وبعدين تدخليه التلاجة تانى
طلعى على قدك بس
( نفس الموضوع بالنسبة للسمك واللحمة والفراخ واى حاجة تانية مجمدة) ,,,, وخصوصااااااااااااااا اللحمة
المهم
نرجع لموضوعنا
بعد الجمبرى المجمد مايسيح
نمسك واحدة واحدة
ونفتح الضهر بتاعها بالسكينة ونشيل الحبل الاسود اللى يبقى موجود فى ضهر الجمبرى
وبعدين نغسله كويس كذا مرة
خلاص كدة الجمبرى جاهز 
هاعمل منه الاول
جمبرى مقلى
المقادير
جمبرى * بيضة مخفوقة * فيجيتار * زيت للقلى
الطريقة
ندهن الجمبرى بالبيض
ونغمسه فى الفيجيتار
ونبعدين نقليه فى الزيت
ويتعمل ساندويتشات
وبالهنا والشفا
شوربة الجمبرى
المقادير
جمبرى * زنجبيل ناعم * ملح * سكر ( كمية صغيرة على طرف المعلقة )* كوباية مية * دقيق مذاب فى الماء * معلقتين لبن * ثوم مفروم * بصلة صغيرة مفرومة
الطريقة
هنشوح البصل والتوم فى كمية صغيرة جدا من الزيت
لحد مايدبلوا بس
اووووعوا تستنوا لحد مايبقى لونهم احمر
وبعدين هنضيف الجمبرى
ونهدى النار عليهم
لحد الجمبرى مايشرب الميه بتاعته
اضيفى الملح والزنجبيل والسكر
ثم اضيفى كمية قليلة من الماء
وكمية قلليلة من الدقيق المذاب فى الماء .... لحد مانوصل الى القوام المطلوب
ثم اضيفى اللبن
اطفى النار
وصبى الشوربة فى طبق التقديم
size=9][size=21]
وبالف هنا وشفا [/size |
|
ra7ma
المراقبة العامة
| | موضوع: رد: شوفتوا عمايلى .... شوربة وجمبرى مقلى السبت 21 أبريل - 16:32 | |
| |
|
بنوتة مصرية
نائبة المدير
| | موضوع: رد: شوفتوا عمايلى .... شوربة وجمبرى مقلى السبت 21 أبريل - 23:09 | |
| الف شكر ع الموضوع الرائع متحرمش من جديدك |
|
بنت مصر
المشرفات
| | موضوع: رد: شوفتوا عمايلى .... شوربة وجمبرى مقلى الأحد 22 أبريل - 15:28 | |
| |
|
