للآسف مقدرش أقول ضربة معلم.......

مديره المنتدى

للآسف مقدرش أقول ضربة معلم.......

لما الترشيح للرئاسة يبقى مفيش ليه قوانين ومواصفات للمرشح وعادى إنه يبقى حرامي أو مجرم خريج سجون يبقى فيه حاجة غلط

ولما يطلع مسئولين فى لجنة الانتخابات وتقول إن أغلب المرشحين اللى الناس ملتفين حواليهم أنهم معاهم أو مع أحد والديهم جنسيات أخرى كانوا فين من بداية الموضوع ولا هما أخدوا الجنسية فجأة يبقي فيه حاجة غلط

ولما الإخوان يقولوا مش هيرشحوا أى حد للرئاسة وبرضه يرشحوا الشاطر وناوين يرشحوا كمان واحد احتياطي يبقى فيه حاجة غلط

ولما عمر سليمان يقول في بيان ليه من كام يوم أنه مش ناوي يترشح ويترشح يبقى فيه حاجة غلط

ولما بقدرة قادر يتسرق عدد لا حصر له من التوكيلات و الناس كلها فجأة تحب عمر سليمان وتعمله توكيلات أكيد مش من الى مسروقة يا جماعة عشان محدش يفهمنى صح أقصد غلط يبقى فيه حاجة غلط

ولما تتجمع الأخطاء دى كلها فى حكم المجلس العسكري يبقى أكيد أكيد فيه حاجة غلط

إحنا سكتنا على الغلط كتير بس رسالة للمجلس العسكري لا تغضب من هم غاضبين بالفعل لأن غضبهم المرة دى هيبقى بركان غضب هيفجر كل اللى حواليه

وبما إننا نفس الشعب اللى حكمه مبارك وثار على حكمه وييجي المجلس العسكري يعمل فينا كل ده مفيش قدامنا غير إن إحنا نقول له " للآسف مش ضربة معلم " مينفعش تتعامل بغباء مع شعب ذكي وبإذن الله الشعب ده هيخيب كل آمالك

أختم كلامى بجملة عجبتنى أوى من الشيخ عمر عبد الكافي لما سأله الإعلامى عمرو الليثي عن رأيه فى أمن الدولة رد الشيخ عمر وقاله (( دول ناس ربنا أعطاهم الغباء ملكة )) واعتقد إن فى حالة المجلس العسكري لا يختلف الأمر كثيراً

وختاماً أقول لكى الله يا مصر ...........................

بقلمى ............... Nova

فنى المنتدى

تسلمى نوفا على ذلك الكلام

الثوره سوف تبدأمن جديد لأن المره اللى فاتت اللى تنحى فيها مبارك ديه كانتب بروفه وليست الثوره الحقيقيه
الثوره الحقيقيه قادمه
ولكن مع اعلان عمر سليمان رئيس لمصر
انا اتوقع ذلك وساعتها ستبدلأ الثوره ضد الجيش الذى بدوره الذى يحمى الرئيس المنتخب وساعتها قولى على البلد السلام
وسيبدأ سيل الدمااء من جديد ولكن بطريقه مختلفه

ضد الجيش الذى طلما هتفنا به (الجيش والشعب ايد واحده)

ولكن:
الثوره الحقيقيه قادمه لا محاله

المشرفين

تسلمى نوفا
وربنا يصلح حال البلد
ويولى علينا من يصلح

نائبة المدير

موضوع جميل يا نوفا

وليا الشرف انى اتناقش معك

للاسف مش عندنا قوانين للترشيح بس ممكن يكون السبب ان عشان محدش يقول فيه طلبات تعجيزيه للترشيح فسيبينها مفتوحه ع البحرى وده غلط ومحتاج تعديل

الاخوان قالوا مش هيرشحوا بس للاسف طماعنين فى كل شىء مش كفايه مجلس شعب وشورى ونقابات عايزين الرياسه

ولما نزلوا الشاطر وقالوا انه خارج من السجن ومش هينفع ترشيحه قالوا نحط احتياطى عشان يبقى موجود لو فشل ترشيح الشاطر

ويا سلام ع الاخوان لما يقولوا لو اقيلت حكومة الجنزورى هنسحب الشاطر طبعا طمعانين فى الحكومة دى بالزمه ناس نأتمن نفسنا معاهم

اما عن عمر سليمان فقال انا مش هترشح عشان معندعوش امكانيات لدعم حملته الانتخابيه

ونزلت الناس يوم الجمعه فى العباسيه تطالبه بالترشيح ولما لاقى الناس عايزاه وحبينه وشايفين فيه خير لانه رجل مخابرات وهيحافظ ع مصر من اى شر جاى لينا من الخارج كلهم وافقوا عليه

ووافق انه يترشح عشان الناس وده كله بفضل الحمله اللى عملها توفيق عكاشه عشان هو الاصلح

وادينا شفنا يوم الجمعه ضرب النار اللى حصل ع الناسي اللى بتأيد عمر سليمان وده معناه ان فيه ناس خايفه من عمر سليمان ومن ترشيحه

وشفنا كمان التوكيلات اللى اتسرقت من مؤيدى سليمان 11 الف توكيل وده كله علامات استفهام من الورا كده غير المعارضين لسليمان

الناس شايفه فى عمر سليمان الامن والامان لمصر لانه كان فى المخابرات

المجلس العسكرى وراه هموم ومسئوليات وكل مصيبه بتتحط عليه كلها شهرين وهيمشى عشان بجد احنا افترينا عليهم قوى

انا مش مع المجلس ولا ضده عارفه ان ليه اخطاء بس لازم نعذر لان عليهم ضغط كبير ومفيش اكتر من الكوارث اللى حصلت فى الفترة دى

وربنا يعمل الصالح

لازم نقرر مين المرشح الافضل لمصر بس مش نجرح فى بعض وكل واحد وليه رأى

وهى دى الديمقراطية الصح

تسلمى يا نوفا

للآسف مقدرش أقول ضربة معلم....... Thanksfortheadd62

للآسف مقدرش أقول ضربة معلم....... Thanksfortheadd62

» أقول إيه ؟؟
» السعودية تستدعي سفيرها في القاهرة في ضربة للعلاقات مع مصر
» نيويورك تايمز: استقالة حكومة شرف ضربة جديدة لشرعية "العسكرى"
» بعثة المراقبين العرب في سوريا تتلقى ضربة بانسحاب الخليجيين
» 25 طريقة أقول بها لطفلى أحبك