إيقـــــاظ ولادك قبل المدرسة فــــــــن (^_^) تعالى اتعلميه..(*_^)

عضو متواجد

كان فيه مجلة بقرأ فيها بتتكلم عن موضوع ايقاظ الاطفال دا فحبيت اتكلم معاكم عنه
واقول عن تجربتى بالمرة معاه .
فى البداية ،
عاوزة اقولكم انى غيرت طريقة ايقاظى لبناتى لما
كنت مرة فى الحرم المكى وقت صلاة العصر - وشفت أم بتصحى بنتها الصغيرة
بحنان، وتناديها باسم دلعها وتقولها: حبيبتى شكلك كتير تعبانة (شكلها سورية)
يلا حياتى لنقوم وترتاحى .. وشوية شوية بدأت البنت تصحى ببطء وتقوم
معاها ..بكل بساطة ..

يعنى الرفق بالطفل الصبح وبالراحة بيؤدى لنتائج افضل بكتير من العصبية ..
يعنى نسايس الطفل عشان يصحى مش لدرجة ندلعه يعنى.

على الجانب التانى ،تلاقينا متسربعين الصبح (وبسرعه بسرعه) كلمة نقولها
خمسين مرة الصبح ..
والطفل لا يدرك اهمية الوقت خصوصا مع وجود المدارس الخاصة اللى
ما بتعاقبش على التأخير

المهم >>>
عشان تصحى ولادك ، مهم اوى اوى يصحوا قبل معاد الباص بساعه على اقل تقدير
ويكونوا مجهزين جدولهم قبل النوم كمان ..
ازاى ، طب لو نايمين متأخر؟
حتى لو كانوا نايمين متأخر-بسبب الاجازة- صحيهم بدري ،
لان صحيانهم بدرى دا هيخليهم يناموا
بدرى بعد كدا خصوصا لو ما بيناموش بالنهار.
ونومهم هينتظم بشكل تدريجى يعنى ماتوتريش اعصابك كل شيء بيجي بالتدريج.

الطريقة:
1-

1- افتحى النور وقولى :يلا يا ولاد اصحوا ، وسيبيهم 5 دقايق كدا.
2- حضرى سندوتشاتهم فى الوقت دا وافتحيها وحضرى الحاجات اللى هتحطيها
فيها .
3- ارجعى لهم تانى ، وقربى من ودن كل واحد فيهم وقولى بدلع: حبيبى
يلا اصحى ، يا ترى حلمت بايه النهاردة ؟
واقعدى معاهم بتاع 5 دقايق كدا سماع لهم .
4- ابدأى بأه لهجة الأوامر بأه.
بسرعه يلا عشان تصلوا حاضر(حاولى تهتمى بصلاة الفجر حاضر)
ولبسي الإبن الأصغر او البنت الأصغر.

وطبعا طالما صحيوا هيخلصوا باقى روتين الصحيان..
هيصلوا
هيسرحوا شعرهم
هيلبسوا اليونيفورم والجاكيت
ويجهزوا الميه بتاعتهم
وياخدوا سندوتشاشتهم ويستنوا الباص .
وهيكونوا اكتر نشاط وياخدو وقتهم فى فطارهم ولبسهم.
وممكن تلاقى حد ماجهز جدوله ،ممكن يلحق يجهزه كمان.

لكن طريقة الصحيان اللى على الحروكروك دى بتعصب وتوتر
اعصاب الأم والأولاد جدا ..
وجميل لو عودتى بناتك يسلكوا شعرهم ويسرحوا فى وقت الأجازات
عشان يعتمدوا على نفسهم ويسعفوكى الصبح خصوصا لو كنتى مرأة عاملة..

طب بأه لو ابنك او بنتك جيتى تصحيه وبدأها غم بأه وعياط لاى سبب كان..؟
اهدى خالص
ما تزعأيش
طنشيه 5 دقايق وانتى بتلبسيه(بتكلم عن طفل من 3 ل 5سنوات مثلا)
قوليله انت بتعيط ليه(بكل هدوؤ) حلمت حلم وحش؟
أنا عارفة انك متضايق شوية بس حاول تهدى عشان نتكلم ..
وسيبيه يعيط شوية كمان
وطبطبى عليه بشويش ..وبعد ما تخلصى لبسه حاولى تغيري موده
وتقوليله يلا عشان اعطيك مصروفك ، هديك كتير النهاردة (ممكن تديه 4 ارباع بيحبوا اوى الفكة هما )
او تغريه بأى شيء بيحبه عشان ينسي العياط لانهم احيانا بيكونوا صاحيين متضايقين ويعيطوا
من غير ما يكونوا عارفين ازاى يوقفوا عياطهم ..

وبس كدا
يا رب اكون افدت كل الأمهات ..
بحبكم فى الله .

المراقبة العامة

ههههههههههههههههههههههههههه الصور تحفه

نااايس

عضو متواجد

مرورك مشكور تسلمى ياقمر

مديره المنتدى

موضوع جميل جدا وأسلوبه شيق وممتع بجد تسلمى رحاب

إيقـــــاظ ولادك قبل المدرسة فــــــــن (^_^) تعالى اتعلميه..(*_^) 397496

عضو متواجد

تسلمى نوفا نورتى الموضور

نائبة المدير

موضوع جميل جدا وهام للجميع

استفدت منه قوى

منحرمش منك يا رحاب ع الموضوع

إيقـــــاظ ولادك قبل المدرسة فــــــــن (^_^) تعالى اتعلميه..(*_^) 179264407

عضو متواجد

نورتونى بمروركم الكريم يسلموووووووووووووو

» إيقـــــاظ أولادك قبل المدرسة فــــــــن (^_^) تعالى اتعلميه..(*_^)
» تعالي عرفينا ازاي بتربطي ولادك بدينهم وتعرفيهم ان في ربنا
» قوانين المدرسة الجديدة.
» طاالب يموت في المدرسة؟
» طرق متنوعة لجعل الطفل ناجحا في المدرسة