ميسى مين الللى انتجاى تقول عليه
ومن لا يعرف ميسى فهو لاعب كرة قدم أرجنتينى الجنسية ويلعب فى نادى برشلونة الأسبانى ويعتبرحاليا من أحسن اللاعبين فى تاريخ كرة القدم ليس فى برشلونه فقط بل فى العالم كله لما يتميز به من مهارة جعلته يتلاعب بالكرة كيفما يشاء فتجده يتراقص بمن أمامه من الفريق المنافس ويحرز الأهداف بطريقة تصفق لها الجماهير فأصبح معشوقا لجماهير نادية ومحبيه فى كل بلدان العالم وبالطبع فى الوطن العربى،
ولكن أنا ممن لا يعترفون به ولا بمهارته الكروية وأعرف أن كل من يفقهون فى كرة القدم سيعتبروننى من المتخلفين عقليا وكرويا وأعرف أن هناك من سيعارضنى الرأى ويستهزأ بما قلته ويخرج علىَ بتعليقاته الرزلة
"جرى أيه يا عم الحاج طالما أنك ما بتفهمش فى المستطيل الأخضر يبقى خليك فى البصل الأخضر"
وكله اخضر
واللى يقول لى :
" ده يابا ساحر فى الملعب ممكن يرقص واحد تسمع طقطقة ظهرة "
اصل سياته كان معاه سماعه وسمعه
واللى يبصلى من فوق لتحت ويقول لى "يا با روح العب فى مناخيرك ".
طبعا اللى ما يعرفش ملوك الترقيص فى الوطن العربى يبقى ما شفش اللعب على أصوله والحرفنة بتاعتهم ، يعنى الواد ميسى ده بيرقص كام واحد فى الماتش؟! خمسه، سبعة، عشرة نقول تلاتين بفريقه اللى بيلعب معاه وطاقم التحكيم ومراقب المباراة والمذيع لكن أحنا عندنا اللى بيرقص ملايين فى اللعبه الواحدة !" يا سلاااااااام … يا راااااااجل…. ده واحد بيستعجب من كلامى!".
عندك مثلا أبو الكباتن
عاشق دمياط اللى بيلعب فى نادى شباب ..... فى دمياط والمعار حاليا الى نادى ... فى المملكه العربيه السعوديه الطلعة الواحدة يرقص فيها من مائة لمائتين واحد وشوف بقى بيطلع كام طلعة فى الماتش! وترقيصة يختلف عن ترقيص ميسى يعنى الواد ميسى بيرقص بحنيه وهداوة واللى يرقصه يروح يسلم عليه وياخد فانلته بعد الماتش وتصفق له الجماهير أنما كابتنا الكبير
عاشق دمياط بينزل الملعب حامى لا حنية ولا هوادة لا يعرف رحمة ولا شفقة اللى يرقصة يقع صريع الترقيصة وعلى المستشفى يودوه حتى صارت المستشفيات تشتكى من زحمة المترقصين ولو سألته ليه يا أبو الكباتن ترقيصك من غير حنية يقولك:
أنا كده واللى مش عاجبه ما يلعبش قدامى ويروح يشوف له ملعب تانى ولا يجرى يشتكينى للفيفا ، ماشى يا أبو الكباتن نشتكيك للفيفا وهى تشوف لينا حل معاك.
نطمئنكم نحن الآن فى طريفنا للفيفا !
<<<<<<<<<<<<<<<<<<<
