طريقة عمل البطاطس المخللة

يارب تكونوا بخير انتم واهل بيتكم

ان شاء الله النهارده جايبالكم طريقه البطاطس المخلله
سهله جدا ومش بتاخد اي وقت
وكمان طعمها حلو جدااااااااا

نبدأ بسم الله:

هنقطع البطاطس صوابع بس تكون تخينه شويه
ونضع حله علي النار فيهاماء وملح ومعلقه كبيره كركم
(طبعا الكركم بيدي البطاطس لون جميل)
ولما الماء يغلي نضع البطاطس




هنتركهم يغلوا لمده 10 دقايق لحد ما البطاطس تستوي
ونصفيها من الماء



هنضيف عليها:

1طماطم مقطعه صغير
شطه خضراء مقطعه صغيره
1 معلقه صلصه طماطم
توم مفروم ناعم
خل
زيت
ملح وفلفل وكمون وشطه



هنقلب كله مع بعضه
ونتركها في التلاجه قبلها بليله علي الاقل لحد ما تتشرب من التتبيله
وبتبقي طعمها رووووعه



جربوها وان شاء الله تعجبكم