بسم الله الرحمن الرحيم
حبيت في هذا الموضوووع اسطر عدة مشاكل للاسف موجوووده في مجتمعنا وللاسف اصبحت تأثر علينا كثيرااا ..
هذي المشاكل متواجدة في عالمنا العربي بكثرة ومنتشرة ايضااا ...
ولكن متى تنتهي هذي المشاكل ؟؟؟!!!
انا كتبت الموضوووع باكثر من منتدى وحبيت اشوف اراء الناس وآرائكم واتمنى من الكل التفاعل ..
ابي اشوووف هل بنلاقي حل لهذي المشاكل او لااا ؟؟؟!!!
المشاكل هي : الكل يقول انه نحن في مجتمع متحضر وان صرنا نعاصر العالم ونواكبه ..
بس للاسف انا ما شايفة هذا الشي لا زالت الناس بذلك الفكر المتعصب والذي لا زال يماشي تلك العادات والتقاليد القديمه
1- اغلب الناس تحاتي العيب اكثر من الحرااام ,, صار كل شي هنااا عيب وعيب ..
ابي اسال نحن امام ربنا بنحاسب ع العيب وع شو يقولوا الناس
ليش صرنا نخاف من كلام الناااس ؟؟ ليش ما صرنا نخاف من ربنا ؟؟
ليش وليش وليش ؟؟
خلي الناس تتكلم وبشوف شو بتستفيد .. لو كل الناس حطت كلام هذي الناس الفاضيه تحت ريلها كان احنا بخير ..
هم خلهم يقوولووا وبشوف شو بالاخير بتستفيد ؟؟
هي تقول وما تدري كثر الذنوووب اللي تحصلهااا ..
الغيبه ما مثلا ذنب .. انتوا تعرفوا ان الله سبحانه ما يغفر للانسان اللي يغتاب لان هو لازم يستسمح من الناس اللي اختابها عشان الله سبحانه يسامحه ..
ابسأل لما تغتابوا استفدوا شي غير الذنوووب .. نحن جينا الدنيا نولف ذنوووب ولأ حسناااات ..
هذاك الانسان اللي تغتابوه قاعد يحصل حسناتكم وهو نايم ..
2- ليش البنت تحاسب ع الاخطاء حتى لو كانت بحجم الذرة والولد لا؟؟؟
أليس الولد مثل البنت امام الله سبحانه ؟؟
هل ربنا يوم القيامه بحاسب البنات ع اخطائهم والشباب لن يحاسبووا ..
ترى شاب يصرخ , يكذب . لا يحترم الناس , يزني , يسرق , يغتصب , لا يصلي .... الخ وهذا كله حلااال عليه ..
والبنت لو سوت شي بسيط وبعد بدون قصد تعاقب اشد العقوبه ..
ليش مجتمعنا كذا ؟؟؟ وين المجتمع المتحضر المنفتح المتعلم .؟؟!!
يقولون مجتمع متحضر متفهم ومتعلم بس انا اشوف لا زال هذه الناس بنفس تلك العقوووول المتحجرة واللتي تماشي تلك العادات القديمه والخاطئه ..
3- في مشكله بعد ان اذا خطب رجال بنت فلاااان .. ابوهاا للاسف يوافق بدووون ما يشاورها وخاصة اذا كان من الاهل من ان دينا الحنيف امرنا ان ناخذ راي البنت ؟؟
انا ابغي اعرف احين اللي بعيش من الرجال البنت ولأ ابوووها ؟؟!!
وين المجتمع المثقف والمتحضر ..
للاسف مجتمع تحكمه عادات خاطئة واحيان اذا حد يسالهم يقولوا نحن من يوم ابائنا هم يزوجونا بدون ما يشاورونا .. اي كلام هذا وأي معتقد هذا ؟؟
وفالاخير الاشخاص المتضررة هم الازواج وبعدها الابناء ..
حتى احيان اسمع ابو هذا الولد يتفق مع ابو هذي البنت ولا ياخذوا راي احد ابد .. وين عايشين احناااا ...
4- الدراسة .. ولا زال هناك اباء لا يريدون من بناتهم يكملوا دراسة بعد المدرسة ..
اونه الجامعه او الكلية فيها شباب ونحن ما نأمن تسيروا ؟؟؟
احين ابغي اسأل في مكان ما تلاقي فيه شباب وبنات ..
احين حتى المدارس تلاقي فيهااا رجال اللي هم الموجهين والعمال وغيرهم وغيرهم ..
وفي ناس يقولوا نحن ما نبي بناتنا يدشوا تخصص هندسة اونه بتشتغل ف شركه وهناك رجال >>> مثلا اللي يدرس ادراة اعمال او اي تي او اي تخصص ثاني وين بيشتغلوا ؟؟ تراه في شركات يا حكوميه اذا توفر او خاصة .. يعني بشو اختلفنااا ,,
واكبر مثال عندنا عمي حاشرنا اباكم تصيروا معلمات بس ما اقول غير الله يعين بناته ..
احين اساسا ماشي مكان حق معلمات وين بيشتغلن مثلا >> خلهم يوضفوا المعلمات القاعدات بالبيت وبعدين يصير خير ..
ويردوا يقولون نحن بمجتمع متحضر ومتعلم ..
اي تحضر واي متعلم ..
5- ابي اعرف الشباب لما يكلم بنت ويقعد معها اكثر من سنة ويخليها تتمسك فيه وهي ع نياتها مصدقتنه وفالاخير يتركهاا .. ليش يسوي كذا .. هو يرضااا انه احد يسوي باخته كذااا .؟؟؟
هذول أولا واخيرااا خواتكم فالاسلام .. فليش كل هذااا ..
مجتمع قل فيه الوازع الديني ..
6- ارى كثير من البنات طالعه من البيت والعباه مفصلة ع الجسم والميكب فل قووول سايره عرس ؟؟ نحن وين عايشين انا استغرب من اهل البنت انتوا شايفين بنتكم طالعه من البيت كذا يعني ليش ما تكلموها , ليش ما تمنعوهااا ؟؟ وين دوركم كأهل .. ولأ مجرد اسم بس ..؟؟
وانتي يا بنت اوك تحبي تهتمي بشكلج ومظهرج اوك حطي ميكب بس خفيف انتي احين ما سايره عرس ؟؟ ضميرج ما يردج ..
وعاد (برج خليفة) مشبك الشعر حدث ولا حرج .. صار منتشر بكثره احين حتى الصغااار صاروا يسووااا كذااا ..
اذا احنا كبنات نضحك ع هذا النوع من البنات واذا العباه راصه وكل هذا احنا نضحك عليهم فكيف الشباب شو بقولوا ,, وهن عبالهن الشباب عاجبنهن هذا الشي ..
7- تبغوا تعرفوا ليش البنات صاروا يكلمواا شباب انا بقول لكم وهذي الرساله مجهه للرجال (الخوان والآباء) اكثر من البنات ..
انت بيوم يا اخ او اب ما سألت نفسك ليش بنتك سوت كذا او بنات الناس سووا كذا .. انا بنت وبقووول ليكم ليش ..
· اول حاجه اذا كان الاهل كثير منغلقين وشادين ع بناتهم فاول ما تنقبل وتسير تدرس تنفتح وتسوي كل اللي بخاطرها لان كان مكبوت عليها كل شي <<< المفروووض الاهل لا يشدووون ع عيالهم وايد ولا يرخووون وايد لازم يكون معتدلين فالاسلام دين وسطيه ويسر ..
· الكل يعرف ان البنت محتاجه ولد يشاركها والولد يحتاج بنت تشاركه وتسمعه ولو تلاحضوا ان البنت يقولوا عنها بنت ابوها والولد ولد امه << المهم هنا يصير الغلط ان الاخوان ابد ما يقعدوا مع خواتهم ولا حتى الاباء ..,, لو كل اخ قعد مع اخته وصار صديقها وكان يسمعها دووم وهو نفس الوقت شارك اخته مشاكله الاثنين بيرتاحوا ,, الولد ما بدور بنت تسمعه والبنت ما بتدور ولد يسمعهااا ..
لو يسال عنها كل يوم ,, يقول لها تصبحي ع خير قبل لا ترقد ,, يصبح عليها دايم ..
شو بينقص منكم لو سويتوا كل هذااا ..
بالعكس بنصير فمجتمع كل حب وحنان وانسانيه ..
لو كل ولد يخاف ع اخته فالاسلام كنا بنكووون فمجتمع كل امان ,,
فعشان كذا لوموا انفسكم اولااا بعدهااا لوموا بناتكم .. هو ما نقول ان البنت هنا غلطت ..
بس للاسف يعقووون الحق ع البنت وما ينسون ان هم السبب الرئيسي وراء هذااا الشي ..
8- اهلنا يخافوا علينا اذا نطلع حتى بس رنوووح الكولج وما ألومهم لان صرنا بمجتمع ما فيه امان حتى من صديقك صرت تخاااف ..
وين الامان وين الطمأنينه وين كل هذااا ..<< اختفى فمجتمع كله نهب وسرقة واغتصاااب وحوادث ..
هذي بعض المشاكل المنتشرة في مجتمعنا..
اين هذا المجتمع المثقف والمتعلم ..
اذا كذا متعلم ومتحضر فيقعدوا فبيوتهم احسن ووفروا ع الحكووومه قاعده تدرسكم ببلاش ..
لا تقولون انا بتغير بس البقيه من بغيرهم ,, اذا انت تغيرت وغيرك تغير وبعدها كل واحد قال لربعه وساعدوني انشر هالموضوووع باكثر من مكااان ,, ان شاء الله يتغير حال الامه الاسلاميه ,,
انا عن نفسي ما عندي لا بلاك بيري ولا عندي صفحه فالفيس بووك لاني ما حبيتهم فعشان كذا راح اقدر انزله فقط بمنتديااات ..
وفالختاااام احب اعتذر لاني طولت عليكم .. واتمنى ان ينصلح حال الامه الاسلاميه وربي يهدي جميع المسلمين ويغفر لهم ويرزقهم جنات النعيم ..
حفظكم المولى ..
واتمنى اذا اي احد نقل الموضوووع ينقله بأسمي ..
تحياااتي : اختكم فالله : جندية الحق ..
في امان الله
