ساعدوووووووووونى يا أخوانى وأخواتى أبناء دمياط

جالى تليفون من نص ساعة عالموبايل من واحدة صاحبتى بتقول ان أسماء التعيينات نزلت عالنت لخريجي 98 كلهم وبعض من خريجي 99

وان هى اسمها ما نزلش لانها 2000



دخلت النت أدور وما وصلتش لحاجة

مش عارفة ده غلط فى طريقتي في البحث ولا إيه



حد عنده لينك بالموقع اللى فيه أسماء المتعينيين؟؟

أو حد سأل فى مديرية التربية والتعليم أو الإدارة

وفيه تعيينات فعلا ولا إيه؟؟



يا ريت تساعدوني وربنا يجزيكم كل خير عنى



شكرا للجميع

ادخلى هنا
http://newsalyoum.com/search/%D9%88%D8%B2%D8%A7%D8%B1%D8%A9-%D8%A7%D9%84%D8%AA%D8%B1%D8%A8%D9%8A%D8%A9-%D9%88%D8%A7%D9%84%D8%AA%D8%B9%D9%84%D9%8A%D9%85-%D8%A8%D8%AF%D9%85%D9%8A%D8%A7%D8%B7-%D8%A7%D8%B3%D9%85%D8%A7%D8%A1-%D8%A7%D9%84%D9%85%D8%B9%D9%8A%D9%86%D9%8A%D9%86-%D8%A7%D9%84%D8%AC%D8%AF%D8%AF-2012/

وحاولى الدخول هنا
http://www.top2day.net/vb/showthread.php?t=515499

تسلم إيدك أخى محمد

وبارك الله فيك



بس الموقع ده انا دخلت عليه من شوية مش فيه أى أسماءخاااالص

كاتبين انه سيتم تعيين ناس فقط



لكن اللى وصلنى ان فيه أسماء نزلت بالفعل عالنت

ووصلنى أسماء ناس أعرفهم اسمهم نزل



يا ريت اللى يدور عالموقع اللى فيه الأسماء يقوللى



بارك الله فيكم

ربنا يكرمك أخى محمد ياااااا رب



اللينك التانى بيفتح كشوف أسماء أهو

ياااااااامسهل يا رب والاقي إسمي فيهم

اختى لا يوجد اسماء نزلت الاسماء الموجوده فى الكشف فوق من شهر 1

دى الصفحه بتاعتهم



من هنااااااااااااااااااا

اللى عرفته الوقت إنها أسماء نزلت لتعيينات القوى العاملة بدمياط 2012

القوى العاملة كانت عاملة مسابقى لخريجي التربية والتربية النوعية والخدمة الاجتماعية من شهر 1 اللى فات

وان الاسماء نزلت عالنت للى اختاروهم



عمالة ادور عليهم برده مش لاقية حاجة

والله ليا نصف ساعه مش شايف اى شئ من الاسماء دى

ربنا يوفقك ام نور وتلاقى اللى عايزاه

شكرا أخى محمد
شكرا أخى عاشق
على جهودكم فى البحث لى عن مرادى

شكرا بنوتة على الدعوة الحلوة دى من بقك لباب السما ههههههههههه

اللى عرفته ان دى نتيجة التقديم فى القوى العاملة اللى كان فى شهر يناير
وإن الأسماء متعلقة فى مجلس المدينة
لكن السبت كان أجازة طبعا

يا ريت اللى يقدر يروح المجلس ويتأكدلنا يقول هنا فى الموضوع الكلام ده حقيقي ولا لأ

شكرا لكم جميعا على مساعدتى

دمتم بود

يا جماعة خبر التعيينات ده صحيح



اللى قدم فى القوى العاملة شهر يناير اللى فات

يروح مجلس المدينة يشوف إسمه نزل ولا لسه



الأسامي متعلقة هناك



عينوا دفعة 98 كللللها جميع التخصصات

وبعض التخصصات اتعين منها دفعة 99 جزء منها



ربنا معاكم واللى قدم يكون نصيبه خير ان شاء الله



أنا للأسف ما اخدونيش

شكلهم عاوزييينى استنى 12 سنة كمان زى اللى استنيتهم على ما يعبرونى

منه لله اللى كان السبب فى ان بتوع تربية يترموا فى بيوتهم كده