اقدم لكم شوربة الفول النابت من مطبخ ميثاق
المقادير 1\2 كيلو فول نابت يعنى فول منبت وجاهز *7 فصاص ثوم متقطعين و5 فصاص مش متقطعين *ملح
4 ليمون *ملح وشطه وكمون * 4 ملعقه كبيره طحينه * ثمرة بطاطس مقطعه مكعبات وموضوعه فى ماء ساخن للتخلص من النشا
توضع حله مليئه بالماء على النار حتى تغلى ثم يوضع الفول النابت عليها بعد الغليان
ثم يوضع قشر الليمون وعصير الليمون وفصاص الثوم الصاحى
وبعد شويه نضع الشطه والكمون
ثم نضع الطحينه قرب االنضج ودى افتكاسه من عندى انا علشان الشوربه تبقى بيضه ذى الفل
ثم البطاطس
وعند النضج نضع الملح
ثم نضع طاسه على النار ونضع سمن بلدى ودى برضه افتكاسه تانيه
ونضع فيها الثوم المقطع مع الكسبره الناشفه والشطه والملح وعندما يتحول الثوم الى اللون الزهبى نضعه على الشوربه
ثم نحضر العيش الملدن او القراقيش البلدى وتسقى فى الشوربه او تشرب من غير عيش
ثم تقدم ساخنه
