طبعا كلكم مستغربين اسم الموضوع
لكن انا حفهمك معناة
النهاردة سمعت برنامج عن تصنيف لانواع الاسر
وكان من ضمن التصنيف الاسرة البواسة
(الاب والام كثيرى التقبيل للابائهم)
واعتبروها انها انجح اسرة فى الترابط والتراحم ما بينها
وانها بتربى ابناء اسوياء نفسيا اقل عنف واقل تمرد
ودة طبعا ان الام اللى ذى سيادتك دايما تحاول توصل
مشاعرها للاولادها عن طريق انك تحضنية وتبوسية
وبصراحة انا اول ما سمعت كدة
تذكرت سنة اشرف الخلق محمد صلى الله علية وسلم
هو من غير لاعلم نفس ولا احصائات ولا تصنيف ومسميات
كان بيعمل كدة مع اولادة واحفادة
فكان سيد المرسلين دايما لما يشوف السيدة فاطمة بنتة
يقبلها فى جبينها
واليوم الوحيد اللى مقبلهاش فية يوم وفاتة
من شدة المرض ما قدرش يقوم عشان يقبلها
بابى وامى يا حبيب الله
وكان ايضا دائم التقبيل للاحفادة الحسن والحسين
وهناك حديث صحيح عن رسول الله
صلى الله علية وسلم
فى رواية لأبى هريرة أن صلى الله عليه وسلم
قبل الحسن بن على وعنده الأقرع بن حابس التميمي جالس ،
فقال الأقرع : إن لي عشرة من الولد ما قبلت فيهم أحدا ،
فنظر إليه رسول الله صلى الله عليه وسلم ثم قال :
\" من لا يرحم لا يرحم \" .
أو أملك لك إن نزع الله من قلبك الرحمة
البخاري : الأدب المفرد ص 35 .
وكان هدف اشرف الخلق
ورسولنا الكريم حينما كان يقبل الأطفال ويحنو عليهم ،
كان يهدف من ذلك : غرس خلق الرحمة في نفوسهم
فلما نرحم اولادنا فى الصغر ونحنو عليهم
هما يرحمونا فى الكبر ويبرونا
وانا لية تجربة اتمنى تفيدكم
فى الموضوع دة
انا ام ل3 ابناء
كان ابنى الكبير وهو فى الابتدائى
اول ما جم اخواتة اهتميت بالصغير اكتر بحكم
انة الصغير وكان ابنى الكبير لما يجى جنمبى يبوسنى
او يحضنى او يقولى يا ماما انا عايز انام على رجلك
اقولة انت كبرت على كدة
ابتدا ابنى يتمرد علية تمرد شديد
لدرجة انة كان بيبكينى بالدموع
كان دايما يتعمد يحرجنى قدام الناس كانة بينتقم منى
لما غيرت طريقة معاملتى لية
ابتديت احضنة وابوسة
حتى لو قالى
بس يا ماما انا مش بحب البوس
اشدة بالعافية وابوسة
اقولة انت حبيبى وابنى الكبير واول فرحتى
والله اتغير تماما
بقى اقل تمرد بكتير
اكثر تعلق بية
لو نبهتة لشئ يفهم ويستوعب
وينفذ مش كل اللى بقولة لكن كتير من كلامى
فانا بنصح كل الامهات
بوسى ولادك ما تقوليش دة كبر وبقى طول الباب
انا اتكسف بردة بوسية واحضنية حسسية
بحبك لية وقربك منة
بوسى بنتك وخديها فى حضنك واحتضنيها
حتلاقوهم اتغيروا
يارب موضوعى يفيدكم
ويعجبكم
بس انا لية طلب
متبخلوش علية بالرد
والتقيييييييييييييييم
وادعوا للاولادى
( اللهم انبتهم نباتا صالحا )
