الله يرحمك يا رجوله .. إيه اللي حصل لشباب اليومين دول

الله يرحمك يا رجوله .. إيه اللي حصل لشباب اليومين دول
_مش رجولة منك تسقّط البنطلون ولما تتسأل ليه تقول بكل بسا...طة علشان دى الموضه وكل اصحابى كده!!!!!!!!!

-مش رجولة منك تعاكس واحدة ف الشارع (أ ياً كان لبسها ) لمجرد انها لوحدها رغم انك عارف كويس جداً انها لو كانت ماشية مع واحد عمرك ما هتعرف تبصلها ( أياً كان لبسها بردو)

-مش رجولة منك تتنطط وتتشطر بالكلام على واحد مبيعرفش يتكلم رغم انك عارف ان في اللي بيتكلم احسن منك 10 مرات.

-مش رجولة منك انك تتريق على اللي رايح واللي جاي لمجرد التريقة وكل واحد فينا فيه العبر .

-مش رجولة منك انك تسمع أي نوع من الموسيقى لمجرد انه عاجب اصحابك أو في ناس بتسمعه انتا تحب تكون زيهم وخلاص !!!!!!!

-مش رجولة منك ان قدوتك في الحياة تكون مصارع أو مغني أو حتى ممثل والناس دي في غنى عنك وعن حبك وتشجيعك ويمكن تموت ويموتوا ومتشوفهمش

-مش رجولة منك انك تبتسم ف وش كل واحده شويه لحد ما يجيلك شد عضلي ف وشك وترجع البيت متحاولش تبص ف وش أمك أو ابوك أو زوجتك حتى تكلمهم !!!!!

-مش رجولة منك لما تكون قاعد ف مواصلة وتلاقي راجل كبير مش قادر يقف ومتقوملوش....

-ومش رجولة خااااااااالص انك تكون ف نفس المواصلة وتشوف بنت أو ست كبيرة الناس عمالة تعدي من جنبها وتخبط فيها وانتا قاعد كالثلجة الشمالية !!!!!!!!

ده مش هجوم منى على الرجال
لكن احيانا بيحصل
بس انا مش بقصد الرجال كلهم

ربنا يهديهم ويرزقهم عفه سيدنا يوسف ويرزق البنات طهارة سيدتنا مريم

تسلمى ام نور

-مش رجولة منك انك تتريق على اللي رايح واللي جاي لمجرد التريقة وكل واحد فينا فيه العبر

تسلمى أم نور

شكرا لمروركم جمييعا
نورتوا الموضوع

-مش رجولة منك ان قدوتك في الحياة تكون مصارع
أو مغني أو حتى ممثل والناس دي في غنى عنك وعن حبك وتشجيعك ويمكن تموت
ويموتوا ومتشوفهمش