السلام عليكم
كنت فاضي حبتين وحبيت اجيب لكم موضوع وبصراحة راسي تجمد من البرد لي عندنا فقلت خلني الطش موضوع عالطاير وخلص ههههههه
اتمنى يعجبكم
فى تصرفات غلط فى مجتمعنا
عشان كده هاقول الغلط واصلحه بسلوك متحضر ...
بس رجاء ان تتعلموا وتنفذوا مش نقرأ زى كل مره ومنغير من حياتنا
فاهميين
بسم الله نبدأ ..
خطأ :
لما يخبط فيك واحد وانت ماشى.. و تقع كتبك على الأرض... وتاخدها وتمشى.. و تعتذروا لبعض...
الصحيح :
تمسكه من قفاه... وتمسح بيه الحيطه.. و تضربه فى بطنه .. و ياريت بكوع ولا بركبه...
و تقوله .. مره تانيه تفتح عينك يا لوح ..
ـ
خطأ :
تفتح الإشارة .. و يزمرلك واحد رخم وراك...و تطلع في المراية ... و تلقيه متعصب موت.. و تشاورله متاسفين...
الصحيح :
تنزل بمفتاح عجل.. او كوريك... و تروحله... وأول مايفتح الباب ... جرّه من شعره ... و اضربه لحد ما يبوس رجلك ...
و بعدين ..
قله مرة ثانية الاشاره خضره .. تبقى حمره.. تبقى زرقه... حط لسانك فى بقك و اخرس..
خطأ :
تدخل المحاضرة متأخر ... يقولك الدكتور اطلع برا يا فاشل .. ياللي فيك وفيك ... ويقفل الباب فى وشك .. و تخرج وانت متضايق ...
الصحيح :
انك تمسكه من كرفتته وبعدين تلفه وتلفه وتلفه وتلفه وتلفه وبعدين تريح شويه وبعدين
تلفه وتلفه وتلفه و تعلقه من الجرافته فى البروجيكتور ..
و تقوله ..
هى مش جامعه ابوك عشان تطرد الطلبه ..
فاهم
خطأ :
جالسين أنت ومجموعة من الشباب ... وعندكم علب بيبسي ... و جايب الهدوم من على الحبل... فصاحبك يرج العلبه ... ثم تيجى تفتحها .. فتتغرق هدومك... ويضحكوا عليك .. فتقول ... و الله لارد فيك المقلب ده..
الصحيح :
تمسكه ... من رجليه ... و تمسح بيه الارض ... و تجيب علبه بيبسى.. وترجها رجا مبرحا ... ثم تفتحها فى وشه ...
و بعدين ..
تقوله انا مش اخوك الصغير عشان تهزر معايا.. و المره دى سمحتلك عشان خاطر اصحابى.. و لا اقولك!! ...
و ترش العلبه كلها عليه...
خطأ :
تمشي بالشارع .... مثلا رايح للمسجد ... و بعدين يجى عيل... و يرميك بطوبه.. ثم تلعن الشيطان وتعوذ من إبليس ... وتكمل طريقك .. وتقول ربنا يسامحه...
الصحيح :
تاخذ لك مطواه ... وتغزه بيها... و تضربه ...
وإن مضربتوش ... خذ عصايه .. وامسكه و كسر عضمه ...
إن صوت خير وبركه ...
بس لو ما صوتش.. سيبه ... و روح صلى و خلص مشاغلك... و ارجع مخصوص عشانه.. وتتفرّغ له ...
اكيد هيصوت قبل الصلاه اللى بعدها ... و ده على مسئوليتى...
خطأ :
راكب سيارتك مستعجل ... وكل اشارة توقف عندها ... حتى الاشارات اللي مافيهاش حد
الصحيح :
حتى لو انت مش مستعجل ... اقطع الاشارة ... الاشارة حطوها للي ما بيعرفوش يسوقوا زى المطبات بردو...
خطأ
:متابع فيلم .. ومتحمس .. ثم يجي واحد من اخواتك ويغيّر القناة .. من غير ما يقولك... و تقوله ليه غيرت مش شايفنى بتفرج؟؟؟؟؟؟؟؟؟؟
الصحيح
بالصينيه اللى جنبك... و لو مفيش بالكرسى اللى جنبك و تديله فى خلقته ... و تاخد الريموت.. بدون ماتكلمه ... واتفرج على فيلمك ... وتابعه بصدر رحب ...
خطأ:
تكتب بعد نهاية اي موضوع تكتبه في منتدى على النت: ان شاء الله ما كونش طولت عليكوا و تقعد تتاسف وكأنك عامل عمله
الصحيح
:المفروض تكتب اقروا وانتوا ساكتين واذا طولت موضوعي فبمزاجى واللى مش عاجبوا ما يقراش
...
ودي
