هذيا ن عقل وربنا يستر

فنى المنتدى

هذيان عقل مريض

أنا اللى خلانى أفكر أكتب الكلام اللى هتشوفه دلوقتى هوه موضوع غريب اوى وفجأه لقيت نفسى ببدأ كلامى وبكتب وبقول : -

فكرت كتير لما أحب من طرف واحد وحبيبتى تبعد عنى

أكتب وأقول أرجعيلى شعرى وقف من الخضة بس قولت وعلى أيه ترجع ما أخليها زى ما هيا بعيدة ما كده أحسن طالما فكرت تبعد مرة يبقا أكيد هتبعد 100 مرة وعلى أيه الذل والمهانة وحنفية الدموع دى فاتورة الميه بقت غالية وكل ده علشان ترجع ما أنا كده كويس حافظ كرامتى بدل ما أحطها فى تلاجة 14 قدم والتلاجة تفرقع من الخضة ده لو أنا اللى حبيت

طب ولو أنا اللى أتحبيت من طرف واحد وبعدت عنها أنا يا ترى هيكون أيه شعورها هتفرح ولا هتبكى سؤال كتير بسأله لنفسى بس أكيد مش هلاقى ليه جواب

لأن مش كل البنات زى بعضها
ممكن بنت تفرح وتعمل حفلة كمان فى الشارع وتفضح نفسها وتفضحنى معاها وألاقى نفسى فى التليفزيون منور الشاشة المستديرة
وممكن بنت تانية تشد شعرها لغاية ما تتقرع وتبقا عاملة زى منقرع وممكن بنت تالتة تتجنن رسمى وتروح مستشفى المجانين
وممكن بنت رابعة ترمى نفسها تحت حنفية ميه علشان تفوق وتقول أيه الهبل اللى أنا فيه ده

مفيش راجل يستاهل وكمان مفيش بنت تستاهل أن الواحد يضحى بنفسه ويحياته علشانها

بس لو الحب من طرفين فده ليه كلام تانى خالص محتاج حالة غير حالة الهذيان اللى أنا فيها

فمهما كان فالبشر ناقص وليس كامل فخسارة نضيع حياتنا علشان كلام فارغ ودى وجهة نظر
ومش كل الناس هتفكر زيى لأن الناس اللى بتحب الكلام الفارغ كتروا أوى اليومين دول ولو سمعنا وجهة نظرهم ممكن نسمع أفلام هندية وأنا بصراحة مش بحب الهندى بس بحب التايوانى وربنا يشفى المجانين برغم أنى كتير بحسدهم على جنانهم لأنى ساعات كتير بحسهم فى نعيم بدل الغابة اللى بقينا بنعيش فيها بس كويس لسه فى شويه قرود عايشة بينا بتضحكنا لما بتاكل الموز وأنا لو منهم أروح أجنن الأسود وأخليهم يطفشوا من الغابة بس أنا مش منهم
حتى ولو صحيح اللى بيتقال أن الإنسان أصله قرد فأنا أصلى إنسان مش حيوان والحيوان اللى بجد اللى يشوف غيره بيموت ويتفرج ويضحك وفى بقه سيجارة بيدخنها قال أيه علشان ينسى نفسى أعرف المدخن بيدخن علشان ينسى أيه ولو نسى هيتفضل أيه هنفكر فيه غير سهرة وعشوة حلوة على النيل ده لوفيه نيل أصلا
بس أكيد فى ناس متنيلة بنيلة سودا على دماغهم الطينة وكفاية كده علشان شكلى هغرق.

وسامحونى على هذيانى بس ساعات الواحد لما يكون فى الحالة دى بيقول كلام كتير واقعى وعلى العموم أنا فى حالة هذيان محترمة دلوقتى يعنى تقريبا مريض وليس على المريض حرج وشكرا للناس العاقلة اللى هتفهم مضمون كلامى والناس الغير عاقلة خليهم ومتنسوش تشربوا اللبن يا حلوين ومحدش يزعل لأن أحنا ربنا الحمد لله ميزنا بالعقل .

سلام يا ناس يا عاقلة

والسلام ختام لأحلى عيون هتشوف الهذيان

المراقبة العامة

مشكوووووووووووووووووور

نائبة المدير

جميلة يا محمد

تسلم الايادى

هذيا ن عقل وربنا يستر 814890

فنى المنتدى