لسه واصل البيت حالا عائدا من ميدان التحرير
شوفت في الميدان مصابي الثورة اللي كانوا جايين يطالبوا بحقوقهم
اتصابوا تاني
يعني موت و خراب ديار
عايز اقول لحضراتكم ... اني حسيت و انا داخل الميدان اني في بلد تانية غير مصر
تشعر باحساس غريب ... طوب و زلط و حرق و خراب و أصوات منبوحة تنادي و ليس هناك مجيب
حالة ميئوس منها السبب الاول و الاخير فيها هو المجلس العسكري
أكرر : المجلس العسكري و ليس الجيش
الجيش حامي الحدود
ده بس دوره
نجله و نحترمه
و نقبل رؤوسهم و أرجلهم
أما القائمين علي أمر البلد الان
من حقنا ان ننتقدهم
فهم بمثابة رئيس الجمهورية الان
و رئيس الجمهورية ليس إلها منزها عن الخطأ
بالعكس
شوية ناس عقولهم متحجرة نسخة طبق الاصل من عقل مبارك و الله لا تختلف أبدا
مازالوا يمارسون كل ما مارسه مبارك و حبيب العادلي بنفس التفكير و نفس الاسلوب و نفس الطريقة
و نفس المنهج و نفس التجاهل و نفس التعالي و نفس الاستهزاء بالاخر و التسفيه منه
كنت من فترة أتغني باسم المجلس العسكري و الجيش ( بحسن نية المواطن المصري اللي علي الفطرة )
لكن اتضح ان المصري اللي علي الفطرة _ ساذج بالفطرة _ أهبل بالفطرة _ مضحوك عليه بالفطرة _
عايز أقول لكل دعاة الهدوء و الاستقرار و كل من يسب متظاهري التحرير
و يمجد في افراد المجلس العسكري ... ان حضرتك فاهم القضية دلوقتي غلط
انا كنت زيك من كام شهر
لكن خلاص
دخلنا مرحلة ... لازم تشك بعدها في نوايا المجلس
أصل بالعقل كده :
مبارك في المستشفي قاعد سلطان زمانه
حكم طوارئ
محاكمات عسكرية لأصحاب الرأي
مط و لت و عجن و تطويل و تأجيل و مد و استهبال في المحاكمات
مزايا خاصة للبلطجية بتركهم يعيثون في الارض فسادا
هجوم كالمجانين علي متظاهرين سلميين في ميدان التحرير
جثث و قتلي
مصابين للثورة رايحين يطالبوا بحقوقهم اتصابوا تاني
وثيقة مشبوهة تدعو الي مسخ الهوية المصرية الاسلامية
فترة انتقامية طويلة ( انتقامية و ليست انتقالية )
اصرار علي فرض الرأي علي الشعب المصري
اصرار السلمي حتي بعد أحداث التحرير و تحديه و استفزازه للجميع
بتصريحه : أن الوثيقة لن تلغي و سيتم اقرارها
فساد علي جميع المستويات
لا شئ تغير ابدا حكوميا منذ الثورة
نفس البيروقراطية
نفس التخلف
نفس الاجراءات المعتوهة
نفس الاسلوب في التعامل
عميد جيش مع ناس شرطة جاءوا عندنا في المدرسة عشان الانتخابات يوم سبت
مالاقوش المدير ... شتموا ... و قالوا لي انا شخصيا
( قول له ... ان ده هيبقا اسود يوم في حياته ) !!!!!!!
نفس التناكة
نفس التعالي بل أزيد كأنهم ينتقمون لما حدث في يوم عيدهم
لا جديد تحت سماء مصر منذ الثورة
ليس عيبا في الثورة
و انما فيمن تحكموا في مقاليد الامور بعد الثورة
بيانات كاذبة حبر علي ورق
و النتيجة صفر
لم تتقدم مصر خطوة واحدة
رئيس وزرا دلدول ... دمية يحركها الكبار
و بصراحة ... اللي يقبل يكون كده يبقا معندوش كرامة
مجلس عسكري
تشعر معه بالبرود و التجاهل و لا كأن شئ علي بالهم
نفس منطق و عقلية مبارك
يومهم بسنة
لا يتحرك أحد إلا بعد خراب مالطة
و ربما بعد خرابها لن يتحركوا أيضا
ألا يوجد حاكم في مصر يستطيع التواصل مع الناس و الحوار معهم و النزول علي الارض
كل ده و تقول لي المجلس العسكري حلو و جميل ؟؟؟
يبقا حضرتك مش فاهم
حضرتك كده فاكرها مظاهرة عادية من المظاهرات اللي كانوا بيقولوا عليها
بتعطل مصالح البلد
لاااااااااااااااااااااا
مش دي
دي مظاهرة مهمة جدا
لو محصلتش كنا هنتخزوق م الاخر
و هناخد علي قفانا
و يوم فاصل في تاريخ مصر
ازاي نسكت علي وثيقة زي دي الي الان مصممين عليها
ازاي ؟؟؟؟؟؟؟؟؟
حضراتكم قريتوها ؟؟؟؟؟؟؟؟؟؟
دي مصيبة
لو لم تقرأ الوثيقة فلا تحكم علي الناس في الميدان انهم بلطجية
و لو قرأتها و مافهمتش اللي وراها تبقا مصيبة اكبر لانهم كده يبقوا قدروا
يضحكوا عليك ... بدس السم في العسل
و لو قرأتها و عجبتك و لسه بتشتم في الناس اللي في التحرير
فعايز اقول لحضرتك
لو البلد كلها سكتت زيك
هتلاقي مصر دي من بكرة
نسوان قالعة
و عرايا علي الفيس بوك
و أديان جديدة ظهرت
و عبدة شيطان
و ماسونيين
و احتفالاتهم هتبقي بديل لصيامنا في رمضان
و كفرة و ملحدين و زبالة العالم هييجوا يحكموك و يسيطروا عليك و علي فكرك
و بالتدريج ... لن تستطيع أنت كمسلم ممارسة شعائرك البسيطة
لأنك ستكون رجعي و متخلف و ارهابي في مقابل الانفتاح القذر الذي سيحدث في مصر
بلد الازهر
بقول لحضرتك لو مافهمتش كده من الوثيقة
روح اقراها تاني بتمعن
و لو قريتها و فهمت الفولة
فبالله عليك يا شيخ
لا تترك مصر تغرق في الوحل
و لا تؤيد المجلس العسكري تأييدا مطلق
فهم يصيبون و يخطئون
ليسوا مقدسين
و ليسوا أنبياء
و ليسوا معصومين
و ليس توجهينا لهم و التعديل عليهم و نصحهم
جريمة يعاقب عليها القانون
الان ...اليوم ... و في هذا المشهد ... و في ميدان التحرير
مش المتظاهرين المرة دي اللي عايزين يولوعوا البلد
لا
انت غلطان
او يمكن فهمت غلط
اللي عايز يولع البلد
علي السلمي
اللي أصر علي وثيقة
ضربت كل العقول المصرية بالجزمة القديمة
و كأنها تقول لهم : انتوا شوية بهايم
علي السلمي و المجلس العسكري هم السبب فيما يحدث الان
اذا اردت ان تلوم ... فلمهم هم
وثيقة السلمي
هذه الورقة الخبيثة
التي أحرقت مصر
و أشعلت الفتنة
في وقت ... كان الجميع ينتظر فيه الانتخابات في هدوء
و أيدينا علي قلوبنا ... كي تمر الايام
و لكن هذا الهدوء لم يعجب المجلس العسكري
أخي المخدوع
نصيحة أخيرة
لا تكن بالغ الطيبة
و لا تترك علي السلمي يركب ظهر كل مصري
و يقول :
شى يا حماااااااااااار
