السلام عليكم
كتاب _ أعترف أنه كتاب غير أخلاقى ! _ اسمه
power
... 48 قانون للقوة ... ازاى تبقا قوى
لمؤلفه الاخ / روبرت جرين .. الله يمسيه بالخير بقا
عايز أقولكم يا جماعة بدون مبالغة ...
مافيش حد جامد و قوى وواصل في العالم إلا و عنده الكتاب ده
الكتاب ده كتير مننا هيختلف اكيد مع المبادئ بتاعته
ربما الفايدة الاهم اللي هتطلع بيها
انك تعرف العالم دلوقتي ماشي ازاي
القوي
القوي فقط
القوي فقط في جميع المجالات هو من يتحكم في العالم الان
تقدر تطلع من الكتاب ده بحكمة بالغة الاهمية
و هى :
ان الملوخية دايما بالارانب
مش بالأسود !
الاقوي هو من يُسْمَع صوته
الاقوي هو الذى يبادر دائما بالفعل
و ليس للأرانب إلا رد الفعل
بغض النظر بقا ده صح و لا غلط
مبدأ مكيافيلي ولا مبدأ عفاريتي حتي
المهم ان ده اللي ماشي في السوق دلوقتي
خلي صوتك دايما عالي
ما تسيبش حقك
ثقة رهيبة بالنفس
قوة و جبروت
افرد صدرك
و نط في كرش اللي يقربلك
علي فكرة انا مش بتريق
انا بتكلم جد
كل اصحاب النفوذ و السلطة و الأموال و القوة و السيطرة في العالم
هم أناس أظهروا للعالم أعينهم الحمراء
كل منهم قوي في مجاله
مكتسح للسوق
و مكتسح لأقرانه و منافسيه
انما اللي راسه مدلدلة ووديع و صوته واطي و مهذب
زي عصام شرف كده
النوعية دي هيا اللي بتاخد علي قفاها كل يوم بلا منازع
هتقولي الاخلاق و الدين و حرام و عيب
ماشي
حرام و عيب معانا احنا
انما الاقوياء في العالم لا يعترفون باخلاق و لا بعيب
الحق يحتاج الي قوة
خصوصا ان الباطل دلوقتي بينتشر بحد السيف و بكل بجاحة
شوف لهجة الاسرائيليين و قادتهم
و شوف ميوعة العرب و لغتهم المايصة
هتلاقي ان اللغة الاقوي بمراحل هي لغة القادة الاسرائيليين
عشان كده المسجد الاقصي مع مين دلوقتي ؟؟
مع الاقوي طبعا
مش مع المحترم المؤدب الملتزم بالخيار الاستراتيجي و الملتزم بالسلام
عشان احنا أرانب
و هما أسُود
و الملوخية بتتعمل بالارانب
مش بالأسُود
كتاب القوة ده
هو النبراس لرجال الاعمال الناجحين و الحكام الاقوياء و السياسيين
انا جايب لحضراتكم شوية قوة من عند عم بتاع القوة اللي في الكتاب
عشان منبقاش طيبين اوي اكتر من اللازم
و نفهم الدنيا حوالينا ماشية ازاي
طبعا الكتاب بيشرح شرح مستفيض لكل قانون
لكن انا جايب بس شوية قوانين بسيطة
اللي عايز تاني
يدفع جنيه و ربع عن كل قانون
Law 1
Never Outshine the Master
م الاخر معناها ... نافق اللي فوقيك !!!
يعني خلي رئيسك في العمل يحس دايما انه الاقوي و الافضل
و بعدين ابقا فاجئه انت بعد كده بقوتك
بعد ما تحط رجلك علي ارض صلبه
المهم ماتخليش حد يشك فيك انك بتعمل مؤامرة عشان تتفوق علي الجميع حتي رؤساءك
Law 2
Never put too Much Trust in Friends, Learn how to use Enemies
لا تضع ثقة أكثر من اللازم في الأصدقاء و تعلم كيف تستخدم الاعداء
Law 3
Conceal your Intentions
اخف نواياك
و ركز
ماتبقاش عبيط و تقول كل اللي جواك
Law 4
Always Say Less than Necessary
قل دائما أقل مما هو ضروري
ماتتكلمش كتير
حتي في وقت الضرورة
كن غامضا
و لا تكن مبتذلا
Law 5
So Much Depends on Reputation – Guard it with your Life
اشياء كثيرة تعتمد علي سمعتك فحافظ عليها
Law 6
Court Attention at all Cost
اكسب لفت الانظار بأي ثمن
Law 7
Get others to do the Work for you, but Always Take the Credit
اجعل الآخرين يقومون بالعمل نيابة عنك و لكن احصل على الفضل دائما !!
يعني الندالة مبدأ م الاخر
Law 8
Make other People come to you – use Bait if Necessary
اجعل الآخرين يأتون إليك و استعمل طُعْمَاً عند الضرورة
Law 9
Win through your Actions, Never through Argument
اكسب من خلال اعمالك و ليس من خلال النقاش ابدا
يعني بالبلدي ... نفذ اللي في دماغك
دخله في حيز التنفيذ و الفعل
و ماتبقاش فنجري بق !!!
Law 10
Infection: Avoid the Unhappy and Unlucky
العدوى: تجنب التعيس و سيئ الحظ
يعني خلي بالك
اوعي تصاحب الفقري !!
هتتعدي يابني
Law 11
Learn to Keep People Dependent on You
خلي الناس تعتمد عليك
و تبقا انت محور الاهتمام
و انت الشمس و حواليك تدور الكواكب
Law 12
Use Selective Honesty and Generosity to Disarm your Victim
استخدام الصدق و الكرم بطريقة انتقائية لنزع سلاح ضحيتك
إن حركة مخلصة و صادقة واحدة تطغى على عشرات من الحركات الكاذبة غير النزيهة.
القانون13
عندما تطلب المساعدة، خاطب في الناس مصالحهم الذاتية و ليس رحمتهم أو عرفانهم
القانون 14
اتخذ وضع الصديق و اعمل كجاسوس إن معرفة المعلومات عن منافسك لها أهمية حساسة فاستخدم الجواسيس
القانون15
اسحق عدوك سحقا كليا
القانون16
استخدم الغياب لزيادة الاحترام و التكريم
غيب عن الانظار و ماتبقاش مرطرط
القانون 17
ابق الآخرين في رعب مقيم : كرس جوا من استحالة التنبؤ بحركاتك
يا سلام عليك يا روبرت يا جرين
لعيب يابني والله
مش هطول عليكم اكتر من كده
القوانين كتير
لو طلبتوا نذيع هنذيع
عايزين نكمل هنكمل
هيا دي قوانين العالم دلوقتي
فقط لمن يريد ان يكون قويا
اما المهذبين المؤدبين المحترمين اللي في حالهم أمثالنا
ففي الملوخية يسبحون
