.. أنا حزني يعذبني كل مااقول باكر أحلى يجي بكرة يحطمني ..

المراقبة العامة

.. أنا حزني يعذبني كل مااقول باكر أحلى يجي بكرة يحطمني ..

بكيت ودمعتي سالت على خدي تعاتبي
وقالت لي: علامك أنت كل ماضاقت بك الدنيا ذرفتني..
سكت شوي ثم رديت..:
أنا حزني يعذبني كل ما أقول باكر أحلى يجي بكره يحطمني
ولي خل أحبه حيل بعد هو زعلني

........

.. الجزء الأول ..

الساعة 8:30 الصباح .. وكالعادة تصارخ على أخوها يقوم يوديها المدرسة
(( ريتاج .. 17 سنة .. ثاني ثنوي .. متوسطة الطول .. نحيفة .. بشرتها بيضة .. لون عيونها بني .. رموشها محلية عيونها أكثر .. لأن رموشها طويلة .. شعرها طويل مغطي على ظهرها .. ولونه بني .. ناعم ))
ريتاج : قووم .. مابي أتأخر على المدرسة .. قوم .. أفففف .. يمه شوفي ولدك .
ركبت أم رائد : إنا لله .. وهذي سالفتكم كل يوم . (( أم رائد .. طيوبه مره .. عندها كوافير ))
ريتاج : هذا أهو .. موب راضي يقوم .
طلع راشد من الغرفة : أفف .. طيب كاني بقوم .. وش هالحالة ذي .
(( راشد .. 19 سنة .. خلص ثنوية .. وجلس بدون دراسة ولا شغل .. طويل .. جسمه متوسط .. عيونه بنية .. بشرته حنطية .. شعره لأول رقبته .. ناعم ولونه بني .. ترتيبه الرابع بين أخوانه ))
ريتاج : أخيرًا قمت .
راشد : أقول .. إسكتي .. إحمدي ربك أني قمت .. وروحي لبسي عبايتك .
ريتاج : طيب
نزلت تحت لبست عبايتها .. وإنتظرت راشد إلى أن نزل وطلعو ..
في السيارة :
راشد : والله أنكم فاضيين .. ليه تداومون مدري .
ريتاج : شنو .. موب دوام هذا .. أنا رايحة آخذ شهادتي .
راشد : وليه تاخذينها .. يختي خليها عندهم .
ريتاج : لا والله .. مستحيل .. حتى إنت في الثنوية رحت خذيتها .
راشد : إمحق شهادة يعني .. لو درجات مثل الناس كان خليتها عندهم .
ريتاج : وتعترف أن درجاتك زفته .
راشد : من تواضع لله رفعه .
ريتاج .. يووووه .. ماعرفتك يامتواضع .
راشد : إحم .. تعلمي من أخوك .. المهم .. وين بتروحين اليوم ؟
ريتاج : مدري .. ليه السؤال ؟
راشد : لا بس كذا .
ريتاج : وإنت ؟
راشد : يمكن أروح بيت جدي .
وصلو للمدرسة .
راشد : أنتظرك ولا ؟
ريتاج وهي تكلمه من النافذه : لا .. برجع مع صديقتي .
راشد : احسسن .

................... في بيت أبو رائد .................

أم رائد وأبو راشد في المطبخ يفطرون (( أبو رائد .. متقاعد ))
أبو رائد : رائد ماإتصل ؟
أم رائد : بلا .. ويسلم عليك .
أبو رائد : الله يسلمه . (( رائد .. 24 سنة .. آخر سنة جامعة .. يدرس في إمريكا .. طويل .. عضلات شوي .. شعره لرقبته ناعم وبني .. عيونه بنية ))
أبو رائد : وين المستخف ؟
أم رائد : أي مستخف ؟
أبو رائد : منو يعني مافيه إلا واحد في البيت .. رشود .
أم رائد : هههه .. راشد راح يودي إخته .
دخل راشد : شفيه راشد ؟ وإنتو عسى ماأطلع تحشون فيني ؟
أبو رائد : عندك مانع ؟
راشد : لا .. شدعوه .. تفداكم ذنوبي والله .
أبو رائد : خلهم لك .. وتعال إفطر .
راشد : ههههه .. لا توصي حريص .. بجي بدون ماتعزم .

..... في المدرسة .....

ريتاج كانت نسبتها .. 99.8 % .. وكان ترتيبها على الفصول الثامنة
جلست إهي وصاحباتها يسولفون .. صاحباتها هم : سارة .. حور .. ياسمين .
ياسمين : ياسمين : عاد يبي لنا نتجمع هالأيام .
سارة : أي والله .. ياليت .
حور : خلوها في بيتنا هالمرة .
ريتاج : مو مشكلة نحدد يوم ونجي .
حور : أوكي ..

...... الساعة 11 .....

وصلت ريتاج البيت .. دخلت بيتهم هدوء بس كان صوت التلفزيون .. أهو اللي باين ..
ومشت للصالة تشوف من هناك .. صرخت بصوت عالي .. وركضت تحضنه ..
ريتاج : وحشتنييييييييي .
يوسف : ههههه .. إنتي بعد وحشتيني .
(( يوسف .. 23 سنة .. يشتغل في الكويت .. طويل .. نحيف .. شعره أسود .. عيونه بني غامق .. بشرته حنطية .. أما صلة القرابه بينه وبين ريتاج فهي .. خالها .. تحبه كثيير .. وصار له شهر تقريبا مانزل للسعودية ))
ريتاج : موب أنت في الكويت ؟
يوسف : أيوه .
ريتاج : أجل كيف جيت ؟
يوسف : يييييه .. خذيت إجازة .
ريتاج : أيواااااا .
يوسف : ها شلونج شمسوية ؟
ريتاج : ههههههههههه .. أشوفك قمت تتكلم كويتي .
يوسف : هههه شسوي .. تعودت عليهم .
ريتاج : أنا بخير .. أنت شخبارك ؟
يوسف : تمام .
ريتاج : إلا وين أمي .
يوسف : أمج .. راحت بيتنا .. وقالت لي انطرج عشان أوديج .
ريتاج : طيب ثواني وأجي بس أتروش وألبس .
يوسف : أوكي

ركبت فوق .. تروشت ولبست برمودة جينز أزرق غامق .. ومن تحت على جنب كسرات خفيفة .. وبلوزة لونها أسود وفيها جيتار وطبل وهذي الأشياء باللون الأبيض .. ولبست سلسال طويل نهايته جيتار كمان ..
وجزمه بوت لونها أسود جلد .. وساعة سودة فيها كرستال على الاطراف .. ورفعت شعرها بربطة بيضة .. وصلت .. وخذت شنطتها السودة المخمل .. وعبايتها ونزلت تكت .. كانت الساعة 1 ونص ..

يوسف : وش هالكششخة ؟
ريتاج : هههاي .. طول عمري كشخة يابعدي .
يوسف : أدري طالعة علي .. يلا إلبسي عباتج ويلا .
لبست عبايتها (( ع الكتف )) وطلعت .
في السيارة ..
يوسف : نفسي مره أشوفج متغطية .
ريتاج : هههه ماتعودت موب ذنبي .
يوسف : كلكم ماتعودتو !! .. لا إله الا الله .
ريتاج : ههههه .. حتى زوجتك المستقبلية .
يوسف : أجل الله يسستر .
وصلو لبيت الجد .. لقو في وجههم ثامر
(( ثامر .. 26 سنة .. خاطب .. أهو خال ريتاج الكبير ))
ريتاج : قوة خالي .
ثامي : أهلين .. هلا والله .. كيف حالك وكيف النتيجة ؟
ريتاج : تمام الحمد لله .
يوسف : وين رايح ؟
ثامر : بروح أجيب الغذا من المطعم .
ثامر : لاأنت توك جاي روح ارتاح .
دخلو داخل سلمت على جدها وجدتها .. (( أم ثامر وأبو ثامر ))
ويوسف ركب فوق .. ريتاج راحت المطبخ .. في المطبخ كانت موجودة أم رائد وفدك خطيبة ثامر .. سلمت عليهم ووقفت تسولف معهم .
دخلت دارين (( دارين .. 20 سنة .. سنة ثانية جامعة .. خالة ريتاج الصغيرة ))
دارين : ريتاجو .
ريتاج : في عينك .
دارين : ليه أمس أرسل لك كول مي ولا تدقين .
ريتاج : أنتي قلتيها كول مي .. ليه مادقيتي .. ولا ماتخسرين رصيد ؟
دارين : لو كان عندي رصيد دقيت .. بس ماعندي .
ريتاج : وأنا بعد ماعندي .
دارين : فيه إختراع إسمه تلفون .
ريتاج : والله !! .. ليش ماتقولين لنفسك .. لو هالاختراع ماوصل لك ؟
دارين : إذا كلمتك لا تردين علي بعشر كلمات .. ياأم لسان .
ريتاج : والله أنا قلت الحق .. دقيت بيتكم قالو لي طالعة صح ولا ؟ ولا إنتي تطلعين وبعدين تهزئين فيني .
دارين : جب أوريك .. أنا خالتك وتكلميني كذا .. شايفتني أصغر عيالك ؟
ريتاج : وإنتي شايفتني مشتغلة عندك ؟ تمشيني مثل ماتبين ؟
دخلت أم ثامر : شفيكم .. وأنتو ماتعقلون عن المهاوش .. كل يوم نفس الموال ؟
ريتاج : هذي دارينو .. ماعندها سالفة إجت تهاوشني .
أخذت دارين علبة المناديل ورمتها على ريتاج : دارينو في عينك .
وأخذت ريتاج نفس العلبة .. ورمتها في وجه دارين وطلعت من المطبخ ..
ركبت فوق غرفة يوسف .. طقت الباب ودخلت .. لقت خالها منسدح ..
ريتاج : نايم ؟
يوسف : لا .. دخلي .
دخلت وجلست على الكنبة الموجودة .
يوسف عدَّل جلسته : أكيد تهاوشتي مع دارين .
ريتاج : أيه .
يوسف : وليييه .. ردينا .. وأنا قلت أنكم عقلتون .. طلع ماتغير شي .
ريتاج : أهي لازم تدور سالفة عشان تهاوشني عليها .
يوسف : ماعليه .. تحمليها .
جلس يسولف لها عن الكويت .. والمواقف اللي تصير له .
دخلت دارين غرفته وصكت الباب بقوه .
يوسف : لحوووول .. حتى الباب ماسلم منج ؟ .. شفيج ؟ .. وإنتي كل ماتعصبين تحطين حرتج في ريتاج .. أو في الباب .. شصاير هالمره ؟
دارين : أمك .
يوسف : شفيها أمي ؟
دارين : اليوم خطوبة صديقتي .. وموب راضية أروح .
يوسف : طيب ووش ذنب باب غرفتي المسكين ؟ .. وش أسوي لج ؟
دارين : تكفى يوسف .. حاول تقنعها .. واللي يسلمك .
يوسف : ليش أهي تقبل مني أنا ..؟ .. أنا إذا أبي شي أدق على ريتاج تقول لها .. لأن ماترد لها طلب .
ناظرت دارين في ريتاج ببراءة .. ريتاج لفت وجهها للجهة الثانية ..
راحت دارين لريتاج : يلا ريتاج تكفين بليز .
ريتاج : لا والله توك ماسحة بي الأرض من الصراخ والحين تكفين ؟
دارين : سامحيني هالمرة .
ناظرت فيها ريتاج كأنها تقول لها (( ياكثر المرات )) .
ابتسمت دارين وكملت : كل مرة .
ريتاج : طيب بقول لها .
دخلت ريماس : تقولون لمنو ؟ (( ريماس .. 20 سنة .. سنة ثانية جامعة .. إخت ريتاج ))
يوسف : جنية انتي ووجهج ؟
ريماس : يوسفو هنا وأنا مدري ؟ .. الحمد لله على السلامة .. متى جيت ؟
يوسف : اليوم الصباح وصلت .
ريماس : أما أنك داهية ولا تقول لي ؟
يوسف : وليش أقول لج ؟ .. بتجين تاخذيني من المطار وأنا مدري .
ريماس : لا أبد .
دخلت ريمان : يوسفوه .. الحمد لله ع السلامة .( وإهي تسلم عليه )
يوسف : الله يسلمج .. ها رهوفة .. كيف حالج ؟
رهف : دينة ( زينة )
(( ريمان .. 25 سنة .. الإخت الكبيرة لريتاج .. متزوجة من واحد إسمه خالد .. عندها رهف عمرها 3 سنوات .. وفهد 5 سنوات .))
ريماس : وين فهد ؟
ريمان : مع أبوه تحت .
دخلت فدك : وش تسوون هنا ؟
ريتاج : أبد جالسين .
ريمان : صح نسيت أقول لكم .. خذيت رقم المصورة هذيك .
دارين : أمانة ؟
فدك : أبي رقمها .. بحجزها لعرسي .
ريماس : لكن إحنا نبيها تصورنا في عرسك .
فدك : مو مشكلة .. نحجزها .. وتصورون .
ريمان : مو مشكلة .
يوسف : ياهووووو .. إنتو .. إطلعو .. أبي أنام فتحتو لي ديوانية بنات هنا .. كلكم برا .. أبي انام .
ريمان : هههه طيب بنطلع .
دخلت جود : لا والله .. لما جيت تطلعون ؟
(( جود .. 17 سنة .. ثاني ثنوي .. بنت الخالة أم فيصل .. توأم لولد (( حمد )) .
يوسف : لا والله .. نمت اليوم .
جود راحت تركص لسرير خالها : يوووووسف .. الحمد لله ع السلامة .
يوسف : الله يسلمج .. يلا طيري انتي وهم برا.
طلعو برا لقو زوجة فيصل أخو جود .. اسمها ريم .. أم محمد .. ولدها محمد عمره سنة ..
ريمان : هلا والله .
ريم : هلا بيك .. كيف الحال ؟
ريمان : تمام .
راحو للمطبخ يسولفون .. إجا وقت الغذا .
ريمان : وين راشد ؟
فدك : جا ونام فوق في غرفته (( في بيت الجد لكل واحد غرفه ))
ريماس : ولييييه . وش اللي يجلسه الحين ؟ .. ريتاجو روحي جلسيه .
ريتاج : مسستحيل .. إنتي روحي .
ريماس : لا .. عشان يذبحني .. ريمانو روحي إنتي .
ريمان : لا أنا عندي عيال يبوني .
(( راشد إذا أحد جلسه من نومه يسوي سالفة ويعصب فالكل يخاف ))
ناظرو كلهم في كارتي (( شغالة بيت الجد ))
كارتي : مافيي يروح أنا .(( مابروح أنا ))
دارين : تكفيييين كارتي .
سكتت شوي وبعدين قالت : طيب بروح والله يسسسسسستر .
ركبت فوق .. وقفت عند باب الغرفة .. وبلعت ريقها ودخلت .. فتحت الليت الأول .
راشد : طفييييييييه .
كارتي طفته بدون كلمة .. وراحت عند السرير : راشد قومييي غذا .
راشد أخذ المخدة ورماها عليها : قومي في وجهك .. أنا ولد موب بنت .. إنقلعي برا .
ركضت برا بسرعة .. ونزلت تحت على المطبخ بدون ماتقول شي .
ريمان : طيب .. نركب بالدور .. اوكي ؟
ريماس : طيب .. من أول ؟
دارين : أنا .
ركبت دارين .. أول مافتحت الباب قال لها : بررررررا
طلعت بدون نقااش . ووراها ركبت ريماس .. فتحت الباب وقالت : راشد .
قال لها : برا
ركبت ريمان .. دخلت وقالت : راشد ممكن تقوم .
راشد :ممكن تنقلعي ؟
طلعت ..
ركبت ريتاج بسرعة ودخلت الغرفة : راشد .. راشد .. سيارتك ..
ماإمداها تكمل لقت راشد نازل بسرررررعة لتحت
نزلت وراه تحت واهي تناديه .. شافته طالع برا .. ورجع : شفيها سيارتي ؟
ريتاج : سيارتك .. برا .
راشد : بيجيك كف .
ريتاج : شسوي .. حاولنا بكل الطرق ماقمت من النوم .. قلت أجرب هالطريقة .. وانت ماخليتني أمل كلامي إلا قمت ع طول .
راشد : افففففففففف .. طيب شتبون ؟
دارين : غذا .
راشد : ويوسفووه .. ليه ماجلستوه ؟
ريماس : يوسف توه نايم .
راشد : والله .. ومنو قال له الحين ينام ؟
ريمان : موب إحنا فتحنا ديوانية في غرفته وقمنا نسولف .. عشان كذا توه نام .
راشد : أففف طيب .. بروح أغسل وأجي .

.........

تعليقآتكم عشآن آنزل البآرت الثآني

المشرفات

جميلة أوى من تأليفك؟؟
أنا عشت الأحداث بجد حلو بس اتلخبطت فى الأسماء
تسلمى ياقمر..

فنى المنتدى

تسلمى أم نور

عضو هام

المراقبة العامة

شكرًا للجميع على المرور والتواصل

نورتوني

نائبة المدير

شكرا جزيلا حبيبتى ام نور

باين عليها رائعة تسلمىومنتظرين الجديد

المراقبة العامة

شكـــــــــــــــــــــــــــــــرا

» أحلى نكت
» بالذمه فى أحلى من الصحوبية؟!!
» ♥أحلى حياة مع الاستغفار♥
» بتعرفوا ايه هي أحلى صدفه ؟
» أحلى ترحيب ب .... ام عمر وملك