تفتكر هو احنا هنبقى زوجين مختلفين
ولا هنبقى عادى ...
اه عادى ...
يعنى اول سنة ولا اتنين جواز وبعد كدا
انا هنسي الحب والكلام والمشاعر
وانت هتنسي الاهتمام والرومانسية والشياكة
وننشغل بقى بالفلوس والبيت وكدا ...
يعنى تفتكر مرة .. هتنسي ف يوم تقولى
.... بحبــــك ؟
او تنسي انك تكلمنى من برة تقولى
.... وحشتينـــــى ؟
او ممكن ف مرة تنزل مزعلنى ومتفكرش ف فكرة مجنونة عشان تصالحنى ....
او ممكن تنسي عيد جوازنا ؟!!!!
او ف مرة تحاول تنتحر كدا وتنسي عيد ميلادى ؟؟؟؟؟!!! :d :d
او يغرك جسمك و تتنرفز عليا ادام حد
او مثلا مثلا يعنى ابقى محتاجة اتكلم معاك
وتقولى لالالا انا مش قادر خالص دلوقتى
.... مع انى قلتلك دا موضوع مهم !!!
متبصليش كدا بس وتستغرب اوى ...
مانت ال عودتنى على كل الحنية دى ....
فمش هينفـــــــــــــــــع ... أسمح ف لحظة
انى اتحرم منها ... ولو حتى بسببك
بقولك ايه ... ماتخلينا مخطوبين كفاية
