اهلا بيكم
النهاردة حصلت حاجه كوميدى خالص(
فراولهـ) إشترت
2 كيلو برتقال أبو صرة علشان عندها شوية برد
ولما وصلت بيهم لباب العمارة إفتكرت إنها نسيت تشترى نص كيلو لبن علشان ولاد اختها
وكان واقف أما باب العمارة على الرصيف التاني 3 من السابت
----------
ا
لأول : (belal)اللى كان وايقف بيسمع فى الام بى سري اغنية ريمكس
الثاني : هو(ميشـو)اللى كان واقف بيبيع بوسترات لآحمد مكى
والثالث : وهو(عاطف) واللى كان بيشرب عصير قصب فى المحل اللى قدام العمارة
-------------
فسابت(فرولهـ) كيس البرتقال جمب باب العمارة ورجعت علشان تشترى اللبن
ولما إشترت اللبن ورجعت ملقتش كيس البرتقال
-------
ولما سألت التلاته إذا كان حد فيهم شاف كيس البرتقال بتاع فرولهـ قالوا ..
--------
belal: أف ..بجد حاجه موش ممكن كيس برتقال ايه وبتاع ايه ..يعنى ينفع كده تخرجني من المود بتاع الاغنية ..بجد حاجه لا تطاق ..ال برتقال ال .انا اياااااااااا
ميشـو:هع هع.. برتقال ايه اللى انتى جاىة تقولى عليه وواجعة دماغنا علشان شوية 2 كيلو برتقال أبو صرة .. لو لاقيتيه هاتى واحدة.. هع هع.
عاطف: لا انا مشفتش اى أكياس برتقال خالص انا واقف بشرب العصير حتى لسه مخلصتهوش .. تاخدى شوية .
-------------
فرولهـ
معرفتش مين اللى سرق كيس البرتقال
بس أنا عرفت
لو انت كمان عرفت
اتصل على الرقم ده
زيرو اربع اصفار صفرين
وإبقى قابلنى لو كسبت حاجه ..
حبيت ابدأ هزار مع الاعضاء والمشرفين هزرت معاهم فى التوبيك ده وفى نفس الوقت نفكرشوية فى حكاية( اتصل الان) ويمكن تكسب موش عارف ايه والدقيقة بجنيه ونص من اى موبايل ورقصنى على واحدة ونص لو جنابك كسبت
وفى شكل جديد وإستيل حلو وإعلان لذيذ زى إعلانات المفتش ( كرومبو) اللى عملنا نموذج منها طريقة جديدة ومبتكرة لتشطيب جيوب سعادتك من رصيدك ، يمكن فكرة الاتصال موش جديدة لكن فكرة الاعلان جديدة مما دفع كتير من السذج للإتصال ظنا منهم انهم عباقرة خلاص ووصلوا إلى الجاني وهو نفسه لا يدرى انه حياخد على- لامؤاخذه- قفاه .
وعلشان العملية تباه محبوكة يقولك مع بداية كل حلقة جديدة الفائز فى الحلقة اللى فاتت فلان الفلاني من المنطقة الفلانية ولا انت عارف اصلا إذا كان الكلام ده حقيقى ولا لأ ..هو موش جايز ميكنش اصلا فيه حد بيفوز بحاجه وكله بس سحب من رصيد جنابك .. طب على فرض وخلينا ناس زى الفل نيتهم بيضاء زى فانلة الزمالك وفرضنا إن واحد فاز طب الاختيار ده بيتم على أساس ايه أو زى العالم اللى بتطلع فى التليفزيون ما بيقولوا ( أليات الاختيار) ..
يعنى هم مثلا يقعدوا اسبوع يلموا فى مكالمات وفى الاخر ياخدوا أى نمرة وخلاص بدون اى أليات للأختيار .. أيوه المفتش كرمبو لذيذ وبن حلال واعلان اشطه وانا بحبه لكن معنديش استعداد اخسر أى قرش فى عملية انها واثق 100% إنها فى الهوا شاشى
هى المشكلة اللعب على حته الاحتياج عند الناس الغلابة ، وعلشان كده تلاقى كتيره اوي برامج اتصل وإكسب زى برنامج من دول على إحدى القنوات نسبنا من العيال الخنافس اللى بتطلع فى البرنامج ده ونركز فى شوية البنات اللى فيه اللى عاملين فيها مذيعات وواقفين يترقصوا على الاغاني والطبلة ، وواحدة منهم بتطلع بلبس اقل حاجه تتقال عليه انه (فاضح ) وفكرة البرنامج يحطلك شوية حروف تختار منها إجابة السؤال اللى هما بيحطوه وشوف السؤال الروعة ده ( حاجه فى أوضه النوم ؟؟) والناس تتصل اللى يقول مخدة واللى يقول مرتبه واللى يقول دولاب وتقريبا ألوف المكالمات فصصت كل حته فى اوضة النوم ومسبتش اى حاجه وطبعا كلها إجابات غلط لتأتي الاجابة بعد ساعتين او اكتر من البرنامج وهى ( الرسيفر) مع ان اساسا مفيش علاقة بين الرسيفر وأوضة النوم وموش شرط ونادرا ما بيتحط فيها ولا هو يعتبر قطعة من اوضة النوم لكن العملية كلها استغلال للمتفرج اللى طمع انه يكسب اوضة نوم لو جاوب صح ، والعيب موش فى القنوات دي ولا فى البرامج دي لكن العيب فى اللى بيمسك موبيله ويقول
( الووووووو ممكن اشترك معاكم) .
ومتنسوش تقولولى مين اللى اخد البرتقال .
