ايام المخطوبين
لما حضرتك تخطب
بتحصل مواقف مهببه كتير ودي نصايحي ليكي
مستني خطيبتك او اللي مرتبط بيها
ووانت واقف عدت حته بت قمررررررر اخر حاجه
وطبعا ابليس مش حيوزك لان انت اللي بتوز ابليس نفسه
وفي عز بصاتك المملوئه بالصياعه ويا حبذا لو عاكست بالكلام
توصل خطيبتك وحتسألك السؤال بتاع أي ست
( أيه ده بتبص علي أيه ؟)
أوعي تطلع تتهز وتتلجلج وتقولها اصلها فتنه
او تكون اهبل وتقولها مببصش
ليه يا ابني كل ده ؟
انت تقولها بكل برووووووود الدنيا وبراءه اطفال- وانت تقصد البت اللي عاسكتها-
(بالذمه أهلها نزولها ازاي من البيت بالهدوم دي ؟)
سيبك انتي-وبص عليها- المحترم محترم
والقمر قمر ........ وأستهبل بقي
بس لا مؤاخذه حظك حيبقي هباب لو طلعت صاحبتها أو قريبتها
شيل بقي ..عشان حبكت تعاكس أنهارده
لما خطيبه سعادتك تقولك ايه اكتر حاجه بتحبها فيه
ناس تقولك ( قلبك الكبير وحنيتك)
ايه يا ابني انت بتكلم والدتك
عاكس يا حبيبي شويه وبلاش الادب ده
وبرضو متقولهاش عينيكي لانها 90% ضاربه لينسز
حاول تهرب من السؤال ومتديهاش عقاد نافع
طبعا ساعات البنت تحب تمثل دور الرقه الفزيعه
تدخلها فيلم رومانسي
تهريك بقي عياط ومناديل ونهنهه وحيغمي عليها من كتر رومانسيه البطل
اوعي تعملي فيها نجيب السحلاوي بقي وتسمك ايديها وتسمح دموعها وهي تبهدلك ومتمدش ايدك تاني عليه غير بعد كتب الكتاب
فكك من رومانسيات القرن 18 دي
واعمل اللي حقولك عليه
عيش الدور اكتر منها اوي لحد ما تخنقها من الفيلم ومن البطل
ومنك انت شخصيا
لما تيجوا نازلين تشتروا حاجات وأخوها يقولك حتشتروا ايه انهارده
افقع مرارته وقوله
بقالنا اربع ايام بنلف علي قشاره اللب ..متعرفش حد بيبيعها ؟؟
اوعي عشان تبين لصحابك انك جامد تطلع واد قاطع وتسجل خطيبتك في الموبايل بأسم الدلع بتاعها
أكبر كده وخليك محترم
بدل ما موبايلك يضيع في بيتهم فتقولها رني عليه عشان اعرف فينه
يرن جمب اخوها ولا ابوها يبص يلاقي أسم اخته ولا بنته
(الموزّه)
ساعتها حتتعلق من قفاك علي ناصيه الشارع وش
أوعي في لحظه صفا تتكلم
ساعات كده تلاقيها هي بتكلمك في أدق أدق اسرارها وذكرياتها
ماشي يا ابني يا حبيبي هي بنت وأكيد محترمه لأنك سألت عليها كويس او عارفها كويس من قبل الخطوبه
نهايته ..ذكرياتها أصيع ما فيها الاعجاب بشكري سرحان في عوده الابن الضال
او يحيي او مهند او عم بلحه اي حاجه من دول متفرقش
أنما انت من عمايلك السودا
أبليس معلق بوستراتك في أوضه نومه
أسكت خالص متتكلمش
بقولكوا ايه
يالا هش من هنا
