صينية الرقاق بالبشاميل

عضو هام

وبالهنا والشفا

صينية الرقاق بالبشاميل

صينية الرقاق بالبشاميل 391238

ودي كمان أكلة بسيطة ممكن إننا نعملها في العيد

المقادير:

• نصف كيلو رقاق.

بصلة مقطعة قطع صغيرة.

• نص كيلو لحمة مفرومة.

• نص كوب كبير زبدة.

• نص كوب كبير دقيق.

• 4 كوبيات لبن.

• ملح و فلفل.

• 2بيضة.

• كوب كبير شوربة لحمة.

الطريقة:

1- هنعصج اللحمة المفرومة عن طريق إننا نقطع بصلة كبيرة إلى

قطع صغيرة بعد كده نضيف ليها الملح والفلفل الأسود واللحمة

ونحطهم على النار ونضيف ليهم معلقة زبدة ونسيبهم على النار مع

التقليب المتسمر وبعد نص ساعة نضيف ليها كوباية مية ونسيبها

على النار لغاية ما اللحمة تشرب المية وتستوي.

2- بعد كده هنجهز البشاميل عن طريق إننا نسخن الزبدة ونضيف

ليها الدقيق مع التقليب لغاية ما لون الدقيق يبقى ذهبي بعد كده

نضيف ليه اللبن تدريجيا مع التقيب المستمر لغاية ما يبقى قوامه

سميك بعد كده نضيف ليه الملح والفلفل الأسود بعد كده نشيله من

على النار وبعد ما يبرد نجيب بيضة ونحطها في طبق ونضربها

بالمضرب مع الملح والفلفل وبعد كده نضيفها إلى البشاميل ونقلبهم

مع بعض.

3- هنجيب الرقاق ونبلّه بالشوربة السخنة "ممكن إننا نستبدل

الشوربة بالمية" علشان يكون خفيف.

4- هنجيب صينية فرن وندهنها بالزبدة ونرص فيها نص كمية

الرقاق الموجود عندنا ونضيف ليها اللحمة وبعد كده نص كمية

البشاميل وبعد كده نرص باقي كمية الرقاق الموجودة، بعد كده

نغطي وش الصينية بباقي كمية البشاميل الموجود عندنا.

5- هندخل الصينية في فرن متوسط الحرارة لمدة نص ساعة أو

لغاية ما وشها يحمر بعد كده نخرجها من الفرن ونقطعها.

عضو هام

مشكورة يا قمر

عضو هام

عضو هام

عضو هام

تسلموا على المرور

نائبة المدير

امممممممممممم باين عليها لذيذه

انا بعملها من غير بشاميل هجربها بالبشاميل

تسلمى حبيبتى ع التميز

عضو هام

تسلمى بنوته على المرور

» طريقه عمل الرقاق
» طريقة اعداد الرقاق والسبانخ
» مكرونه بالبشاميل
» الأرز بالبشاميل
» صينيه الكوسا بالبشاميل