يقول توماس كارليل (( لم يدرك كثير من الذين فشلوا كم كانو قريبين من النجاح حين يأسو من اعادة المحاولة))
الجماعة بتوع التنمية البشرية بيقولو قانون مهم
الاداء = الرغبه x القدرة
بمعنى عشان تحصل على اداء لازمك رغبه وقدرة لاحظ ان العلاقه علاقة ضرب يعنى اى واحدة من الاتنين لو كانت بصفر يبقى الناتج كله صفر
الباش
مهندس احمد حافظ فى كتابه :: يلا نجيب تقدير :: تناول هذا القانون وذكر
ان فى رايه الرغبه اهم لان الرغبه ممكن تولد قدرة انما العكس صعب
المهم تعمل ايه عشان يكون عندك رغبـــــــــــــــــــــــــــــــــــــــة
ببساطه : اسأل نفسك انا بذاكر ليه ؟
واكتب الاجابات دى فى ورقه حتلاقي الحماس اشتد عندك جدا
1- عشان ده عملك وربنا حيحاسبك عليه يوم القيامه
2- عشان تفرح ابوك وامك وتحضنهم يوم النتيجة تدفع قد ايه عشان تعيشهم اللحظه دى دول ياما تعبو فى تربيتك مش ناوى تفرحهم
3- عشان النبى محمد صلى الله عليه وسلم كان بيأمر بطلب العلم ويحب المتعلمين لانهم يرفعوا شأن الامة
4- علشان بلدنا محتاجه متميزين فى كل المجالات عشان تتقدم ليه متكونش واحد منهم
5- بلاش ده كله ذاكر عشان خاطر الفلوس الى ابوك طالع عينه فيها وعمال يصرف عليك وكل الى اتعوزه من مذكرات وكتب يجيبلك
6- الناس يوم النتيجة هتسأل على مجموعك تخيل لما تجيب 99% كده وكل الى يسألك تقوله وانت فخور بانك حققت حلمك
7- عشان تجوز بدرى وتلم نفسك بدرى بدل مانت عمال تبص على دى ودى وتاخد ذنوب
8- عشان تحسن المستوى المعيشى ليك ولزوجتك والاولادك وتربيهم احسن تربية فى المستقبل وتبقى مرتاح نفسيا .
9- عشان متشمتش فيك كل الى بيحقدوا عليك ويتمنوا انك متتفوقش لازم تثبت للكل انك قدها
10-
ذاكر عشان الانسان كل ما مستواه العلمى زادد الناس بيحترموه من حواليه
عشان الكل يقدرك ويقولو الدكتور او الباش مهندس فلان لسا معدى .
كده بقى عاد عندك حماس اكيد (رغبه )
خلينا نفكر بقى انت عاوز ايه من المذاكرة
اسأل نفسك عاوز اجيب كام السنادى
ها ؟
ايوة سامع واحد بيقول 99.8% ياسلام بس كده بسيطه
بكل بساطه انت تمسك ورقه وقلم وتتابع الموضوع معايا ولو نفذت
حتجيب 100% مش 99
طب الزااااااااااااااى ؟
اكتب فى ورقه كيف سأحصل على 100 %
وجاوب :: بالحصول على الدرجات النهائية فى كل المواد .
جميل تجيب النهاية فى كل مادة من المواد المقرره تجيب ال100% مع المستوى الرفيع تعدى ال 100% جميـــــــــــــــــــــــــــل جدا
تكتب بعد كده كل المواد المقرره عليك رأسيا على يمين ورقه فلوس كاب
وتكتب جنب كل مادة كيف احصل على النهاية فى هذه المادة
مثال :
كيمياء ------------------------------------ كيف احصل على النهاية فى الكيمياء
فيزياء --------------------------------------كيف احصل على النهاية فى الفيزياء
وهكذا
سوف تجد ان الاجابة على هذه الاسئله تشترك جميعها فى معظم الاجابة
والخطوات هى
-
الانصات للمدرس جيدا -مذاكرة هذه المادة اول بأول - شراء احد كتب
الاسئله - حل اسئله كل درس بالاضافه الى كتاب المدرسة -شراء دليل
تقويم الطالب وحل اسئلته
-البحث عن مسائل الالمبياد وحلها
- امتحان اسبوعى على ماسبق تختاره من كتاب الاسئله وتحله وتعيش الدور كانك فى الامتحان - واخير حل امتحانات السنوات السابقه
ولكل
شىء مما سبق استراتيجيات سوف نتعلمها بالتفصيل فى الحلقات القادمة .كيف
انصت فى الحصة .كيف اركز وكيف ازيد من تركيزى مع الاستاذ ؟كيف احفظ الدرس
من شرح المدرس فقط واراجعه فى الطريق ( اوقات ضائعه وهى حلقه من ضمن
الحلقات القادمة)
وسوف نعمل على استغلال كل وقت نقضيه حتى وقت النوم وكيف نستغله فى المراجعه واحنا نايميين ؟!!!!!
انتظرونا.......................................... ........
اسمح بنقل مواضيعى لتعم الفائده
اتمنى لكم التوفيق
