ياجماعة عندي كلمة بدي قولها
بس ارجو انكم تسامحو اخوكم نادر اذا تجاوز شوي
يعني كلنا مرينا بهالمراحل (اقصد مراحل الدراسة)
اعدادية وثانوية والبكالوريا وبلاويها (التوجيهي)
والجامعة
وشفنا الحلو والمر بهالدراسة ليش تكبروا الموضوع وكأنو انتم مقبلين
على شيئ عظيم وتعطوه هيبة بيقشعر لها البدن
والله ياجماعة الدراسة مش متل مايتصورها البعض
والله العظيم الدراسة بيلزمها ترفيه بقدر مابيلزمها تركيزبين الكتب
والله الضغط الزائد بيخلي الواحد بيفقد اكتر مما يكتسب
انا عن نفسي والله العظيم كنت العب تريكس وشدة واكتر مما ادرس ايام البكالوريا
ورغم انها كانت علمي وصعبة جددا (بتعرفها زهرة ووردة درعا )
كل يوم كنت اسهر بشارع القوتلي وادخل فيلم سينما وماكنت بمنع نفسي عن اي شي
من العاب الترفيه يعني ماتغير شي عليي ابدا ولا ضغطت حالي ولا اهتميت
ومش انا بس بعرف في شباب رفقاتي كتيرين
والحمدلله جبنا نسب حلوة وأقل واحد جاب معدل (187) هو الدب محمود دالاتي
والان هو محامي قد الدنيا
وهذه القاعدة في الدراسة والنصيحة اعطانا اياها مدرس العلوم آنذاك في التاني اعدادي
محمد ابو الفتوح رحمه الله وكان يشدد علينا ويكرر بأن نعطي نفسنا ماتطلبه من راحة
قبل ساعة المذاكرة وبعدها . وكان يقول حينها ساعتان في الصباح وساعتان آخر النهار
بس بشرط التركيز على الدرس اثناء القاء الحصة
اربع ساعات كحد اقصى من التركيز كافية لزرع
كل معلومة في ذاكرتك
يتمنى ان تكون وصلت الفكرة
بالمناسبة انا كتبت هالموضوع بخصوص بعض الاعضاء
وكان القصد منه انو تواجدكم هنا بالمنتدى ربع ساعة بين احبتكم
من 24ساعة
مابظن رح تأثر على مستقبلكم
وتحياتي للجميع
مع اطيب التمنيات
