بعد قصة رومانسية جامدة ابتدت من على النت وانتهت بالجواز حصل الاتى
الزوج: انتى يا ست انتى..
الزوجة:بتكلمنى كده ليه انت ناسى أد ايه حفيت عليا فى الروومات و الماسينجرات ؟
ان كنت ناسى افكرك
الزوج :كان يوم اسود ياختى يوم ما عملتلك آدد
يا ريتنى كنت ديس كونيكت مكنتش شفت خلقتك
الزوجة:_نعم نعم ؟؟
مالها خلقتى .. مش كنت بتموت عشان تشوفنى على الكام او حتى تشوف صورتى
وكل شوية تقوللى فين صورتك
الزوج:_كنت أعمى و أضبش و أطرش .. ارتحتى
الزوجة:_يا خاين يا غدار
ده احنا بيننا روومات وشاتات و دوت و كوم
خلاص نسيت الإيميلات ؟؟
انت أكيد فى مخك فيروس عاوزلك فورمات
بقى يرضيكم ياهووووووووو
ياخدنى أون لاين
يرمينى أوف لاين
منك لله
من النهاردة انت إنفيزيبل فى حياتى
الزوج:_وانتى ريموف بالتلاتة............
