زيت دهن البطة ادهن منه واتغطي تصبح راسك زلبطة
ظابط مرور سأل سواق مش لابس الحزام ليه قالوه البنطلون بأستيك يا باشا
بخيل اتحرق بيته اتصل بالمطافي رنة واحدة وقفل
واحد غبي عايز يحط فلوسه في البنك لما راح لقي البنك قافل حط الفلوس تحت الباب
في واحد احول غمز لواحدة دخل في العمود
احول سألوه ايه امنية حياتك بالحياة قال اشوف واحد ماشي لوحده
في واحد عرف ان الجلد موضه مش عريان
مرة واحد رمي مراته من الدور السادس طلعت قالت له ايه الهزار البايخ ده يا حبيبي
ايه رأيكم اكمل ولا كفايه
مره واحده بتقول لجوزها “تصدق إن أنا كل يوم بحلم بيوم جوازنا” قالها “هى لسه الكوابيس دي بتجيلك
واحد منحوس خبطته عربية ومات فروحه طلعت خبطتها طيارة
عجوزة خيروها بين الحج والجواز .. وطت راسها مكسوفة .. وقالت: هى مكة هاتطير .
مره واحد اتحكم عليه بالاعدام فسأله عشماوى نفسك فى ايه قبل ما تموت فقعد يرفس ففكوه قالوه يا جزمه كنت هتخنق
* مرة واحدة ست بتقول لجارتها الحقيني يا أم محمد بعت جوزي يجيبلي ملوخية راح مخبوط بأتوبيس … يالهوي وعملتي إية .. عملت بامية وامري لله .
مرة واحد خد مراته جنينه الحيوانات و صورها جنب قفص القرود و علق الصورة فى الصالون و كتب تحت الصورة :هذه صورة زوجتى مع القرود ملحوظه زوجتى الثالثه على اليمين .
مرة واحد بيقول لمراته “اعملى محشى” فقالت له “ما بعرفش” قلها “ماليش دعوة” فراح الشغل ورجع لقى السفرة مليانة محشى قلها “مين اللى عمله؟” فقالت “معرفش” فأشتكى للبواب، البواب رد وقاله “الشقة ديه مسكونة” فقله “لاياعم أنا هروح شقة حلوان” فطلع الشقة لقى العفش محلول وهو نازل لقى أربع عفاريت بيغنوا “هنروح حلوان هنروح حلوان”
وادة بتقول لزوجها لو ما كنتش رضيت اتزوجك كانت حياتك بقت فاضيه قالها :ايوه بس محفظتي كانت حتبقى مليانة
