انا النهاردة جايبة لكم موضوع يهم كتير مننا
خاصة اللى بيلبسوا عبايات او اسدالات سوداء
...
شوفى بقى لما تيجى تغسلى عباياتك اوبلوزات سوداء ايا كانت الخامة ماتغسليهاش بمسحوق لان دة بيجير الملابس وبيبهت لونها اغسليها بشامبو العبايات او فيرى بتاع غسيل المواعين بتزهزه جدا وبعد ماتشطفيها كويس حطى مقدار مية فى طبق الغسيل وحطى علية معلقتين نشادر لان النشادر مادة قلوية يعنى قابضة بتساعد على الحفاظ على اللون خاصة الغامق وبتمنع تغير وبهتانه ولو معندكيش نشادر ممكن تستبدليها بالزهرة الزرقا اللى بنزهر بيها بس مفعولها مش قوى زى النشادر
واخيرا كيفية انى استعيد تانى لون الملابس السوداء اللى ممكن يكون اتغير او احمر شوية زى ما بيحصل لكتير من الهدوم السودا تجيبى لتر مية مغلى فيها 4 معالق شاى لحد مايتقل اوى ويبقى حبر وبعد كدة سيبى الحاجة السودا اللى اتغير لونها عندك منقوعة فية لمدة ساعة وطلعيها من الطبق وماتشطفيهاش وانشريها هتلاقى اللون زاهى جدا واستعاد غمقانة مرة اخرى
يارب يكون افدتكم
