ازيكم يا بنات
انا جيت انزل موضوعى لقيت توتى سبقتنى و عملت شاورمتها على طريقة هندية قلت ما بديهاش اعملكم الشاورمة على طريقة أم ذكى ههههههههه
المقادير يا حلوين
نص كيلو لحم أى نوع المهم يون متقطع رفيع و صغير
بصلة مفرومة كبيرة
فلفل عادى حار
ملح و فلفل و بهارات
طحينة طبعا تقدم جانب الطبق لمن يرغب
و هانحمر بطاطس عادية جدا منزلى لتقدم مع الطبق
شايفين المقادير سهله ازاى
أم ذكى دى عليها وصفات تجنن
ههههههههههههههه
و دى صورة المقادير
طريقة الطبخ
سهله جدا جدا
هانسيب اللحم طول الليل فى البصل علشان يتشرب من الطعم
و نضعه على النار بمعلقة من السمن حتى ينضج
و طبعا نحط معاه البهارات و الملح و الفلفل
و لما يستوى و يبقى طرى و حلو
نجيب العيش البلدى و نعمله الحشو و نلفه بطريقة أنيقة بمنديل عادى ورق و نضعه فى الطبق مع البطاطس المحمرة و بجانبة الطحينة
بس كده سهله جدا
و بالهنا و الشفا
